Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
LL 2
1
Breiðablik
Valur
1
0
HK
Patrick Pedersen '71 1-0
Brynjar Björn Gunnarsson '90
30.08.2020  -  19:15
Origo völlurinn
Pepsi Max-deild karla
Aðstæður: Strekkingur á markið sem liggur nær miðborginni og blautt. Fyrsti haustleikurinn mættur hjá Völsurum.
Dómari: Pétur Guðmundsson
Maður leiksins: Valgeir Lunddal Friðriksson
Byrjunarlið:
1. Hannes Þór Halldórsson (m)
Haukur Páll Sigurðsson
2. Birkir Már Sævarsson
6. Sebastian Hedlund
9. Patrick Pedersen ('87)
10. Kristinn Freyr Sigurðsson ('87)
11. Sigurður Egill Lárusson
13. Rasmus Christiansen
14. Aron Bjarnason ('79)
18. Lasse Petry
24. Valgeir Lunddal Friðriksson

Varamenn:
25. Sveinn Sigurður Jóhannesson (m)
4. Einar Karl Ingvarsson
5. Birkir Heimisson ('79)
20. Orri Sigurður Ómarsson
23. Eiður Aron Sigurbjörnsson ('87)
26. Sigurður Dagsson
77. Kaj Leo í Bartalsstovu ('87)

Liðsstjórn:
Heimir Guðjónsson (Þ)
Halldór Eyþórsson
Einar Óli Þorvarðarson
Eiríkur K Þorvarðsson
Srdjan Tufegdzic
Haraldur Árni Hróðmarsson
Örn Erlingsson

Gul spjöld:
Sebastian Hedlund ('19)

Rauð spjöld:
Leik lokið!
Heljarinnar hasar hér í lokin án þess að markverð færi mæti.

Þvílíkt mikilvægur sigur Valsara hér í slagveðrinu, þeir auka enn forskot sitt í deildinni.
90. mín
+2

VÁ!!!!

Arnþór fær boltann utarlega í teignum í frábæru færi og neglir framhjá á fjær.

Varnarmaður straujar hann duglega eftir skotið og HK tryllast og heimta víti. Pétur og Gunnar AD1 alls ekki á því.
90. mín
+1
HK fá horn og allir leikmenn inn í box, Arnar líka...
90. mín
Uppbótin er 4 mínútur.
90. mín Rautt spjald: Brynjar Björn Gunnarsson (HK)
Brynjar enn ósáttur og Pétur ekki með þolinmæði fyrir því.
89. mín
HK menn að brjóta klaufalega af sér hérna trekk í trekk.
88. mín Gult spjald: Brynjar Björn Gunnarsson (HK)
Mótmælti aukaspyrnu duglega og taldi Valsara vera að tefja að taka hana.
87. mín
Inn:Kaj Leo í Bartalsstovu (Valur) Út:Patrick Pedersen (Valur)
Verið að bregðast við áhlaupi HK.

5-4-1 verður endaformatið hjá Val.
87. mín
Inn:Eiður Aron Sigurbjörnsson (Valur) Út:Kristinn Freyr Sigurðsson (Valur)
Verið að bregðast við áhlaupi HK.

5-4-1 verður endaformatið hjá Val.
86. mín
Ólafur fær nægan tíma til að senda fyrir en enn á ný er enginn til að reka smiðshöggið í teignum og boltinn fer í innkast.
84. mín
Frábær vinna hjá Valgeiri Lunddal enn á ný, snýr af sér varnarlínu HK og leggur boltann út í teig en þar er enginn!
82. mín
Af varnarmanni fer þessi sending og beint í hendur Hannesar.
81. mín
Inn:Bjarni Gunnarsson (HK) Út:Ásgeir Börkur Ásgeirsson (HK)
Farið í 4-4-2
81. mín
Valgeir fær skotfæri rétt utan teigs og tekur það, boltinn rétt framhjá.

HK beint upp og vinna aukaspyrnu utan teigs í skotfæri fyrir Ívar.
79. mín
Inn:Birkir Heimisson (Valur) Út:Aron Bjarnason (Valur)
Hrein skipting hér.
77. mín
Fyrsta varsla Hannesar í kvöld.

Birnir fær háan bolta frá hægri og ákveður að negla í fyrsta. Staðsetning Hannesar sér um þennan sem kappinn grípur.
75. mín
Nú verða HK að koma framar á völlinn og við sjáum þess strax merki, Þórður á sendingu inn í teiginn sem að fer í gegnum hann allan.
71. mín MARK!
Patrick Pedersen (Valur)
Stoðsending: Aron Bjarnason
Jinxmaster þakkar fyrir sig!

Sending frá vinstri alveg yfir á fjær þar sem Aron snýr inn í teiginn og neglir á markið, Arnar ver en missir boltann frá sér og það nýtir markagammur eins og Pedersen sér.

Held að ég hafi ekki skrifað orð um hann fyrr en nú. Það er víst styrkleikamerki centers sem bragð er af!
70. mín
Það er lítið markvert sóknarlega í gangi hér í síðari hálfleik.

Krossar Valsara eru stangaðir frá eða enda hjá Arnari Frey. Sé alveg stóra núllið í stöðunni.
68. mín
Enn og aftur koma Valsarar upp vinstri, Sigurður Egill neglir inn í og Leifur bjargar í horn.

Negla frá Aroni inn á markteiginn sem HK ná að bjarga frá.
67. mín
Birnir gerir vel í því að loka á Aron.

Aron byrjaði vel en hefur alveg horfið úr leiknum eftir fyrsta hálftímann.
64. mín
Valgeir Lunddal er á bakvið flest það sem Valsarar eru að gera sóknarlega, snýr hér af sér mann á miðjunni og leggur á Kristin sem missir boltann of langt frá sér.
62. mín Gult spjald: Arnþór Ari Atlason (HK)
Braut á Hauk.
60. mín
Valsmenn fara meira hér upp vinstra megin en ná ekki að mæta fyrirgjöfunum þegar þær koma. HK eru þéttir og reyna að keyra á pressu þegar Valsarar eru aftarlega á vellinum en falla fljótt til baka.
57. mín
DAUÐAFÆRI!

Petry stingur í gegn og Sigurður Egill er þar sloppinn en skot hans fer beint í Arnar sem var lagstur, þarna átti Sigurður að gera betur!
55. mín
Skyndisókn HK endar á því að lagt er á Börkinn í skot utan teigs en þessi fer framhjá.
54. mín
Aftur og enn vaða Valsarar upp vinstra megin en þessi sending frá Valgeir fer í gegnum allan teiginn og í innkast á fjær.
53. mín
Skyndisókn Valsara, Sigurður Egill leggur inn í teiginn á Hauk sem fellur inni í markteig.

Valsarar vilja víti en Brynjar Björn vill fá spjald fyrir dýfu. Hvorugt segir Pétur.
52. mín
Frábærlega varið hjá Arnari hér, Petry með skot utan teigs.
50. mín
Samkvæmt fánunum þá eykur í vindinn hér.

Nú eru Valsmenn farnir að lyfta boltanum og bakverðirnir að fá inn í svæðið. HK pressa hátt.
47. mín
Fyrsta færið er Valsara, Aron sendir frá hægri og Sigurður Egill fær þennan á hægri og hittir hann ansi illa!
46. mín
Leikur hafinn
Leggjum aftur af stað - óbreytt liðsskipan.

Vert að óska Söru Björk Gunnarsdóttir sem rétt áðan vann Meistaradeild Evrópu með liði sínu Lyon...og setti mark í úrslitaleiknum.

Þvílík afrekskona á ferð!
45. mín
Hálfleikur
Valsmenn stýrðu traffíkinni fyrsta hálftímann en svo náðu HK tökum á aðstæðunum.

Verður fróðlegt að sjá þann seinni hérna.
45. mín
Hinn bráðsnjalli Elías varadómari lyftir upp spjaldi og sýnir viðbótartímann sem er ein mínúta.

Á meðan bjargar Birkir aftur í horn.
44. mín Gult spjald: Leifur Andri Leifsson (HK)
Stoppar skyndisókn með því að brjóta á Kristni.

Pétur þurfti aðeins að líta í kringum sig til að finna þann brotlega...skemmtilegt!
41. mín
HK bara farnir að gera sig líklega hér, sending frá Valgeiri frá hægri sem Birki þarf að skalla í horn naumlega.

Upp úr horninu kemur ekkert.
38. mín
HK hafa náð úr sér mesta hrollinum og pressa nú ofar á vellinum.

Varnarlínan þeirra fer hærra og Valsarar reyna að nýta það með lengri sendingum...en þá tekur vindurinn við. Arnar búinn að fá marga bolta núna í sínar hendur sem ætlaðir voru sóknarmönnum.
36. mín
Birnir aftur með skot en þetta er vel framhjá.

HK eru að sækja í sig veðrið, ekki spurning.
35. mín
Kristinn tekur þessa en hún er hátt yfir!
34. mín
Valsarar beint upp og Þórður brýtur á Sigurði utan teigs.

Skotfæri!
33. mín
Frábær skyndisókn HK!

Vinna boltann á miðjunni, fara upp vinstra megin og Arnþór leggur út á Birni sem neglir þessum rétt yfir af vítateigslínunni.
30. mín
HK menn eru virkilega að leggja sig fram varnarlega, menn eru óhræddir að henda sér í tæklingar og fyrir sendingar og skot.

Valsarar mega líka eiga það að þeim hefur gengið vel að spila boltanum með grasinu og hafa oft verið nálægt því að fara í gegn.
27. mín
Vel varið Arnar!

Horn með sömu uppskrift, Aron neglir inn í markteig og Birkir skallar að marki en Arnar vel staðsettur og ver þennan.
27. mín
Komin hérna þrjú horn í röð.

Valsararnir negla þessum alltaf inn í markteig og þar skalla HK frá.
25. mín
Valsmenn sækja af meiri ákafa en áður en HK eru að verjast á 9 mönnum, afar skipulagðir í vörninni og gefa fá færi á sér.

Eru þó að fá á sig horn hér núna.
22. mín
Sending frá vinstri Valsmegin en Arnar fer út í þennan og hirðir.
20. mín
Þessi fer framhjá veggnum en alltof laus og Hannes fer létt með að halda þessu skoti.
19. mín Gult spjald: Sebastian Hedlund (Valur)
Fyrir hendina...
19. mín
Aukaspyrna sem HK fær rétt utan teigs eftir að Hedlund hendir sér fyrir skot og fær boltann í hendina.

Svona handrit!

Ívar Örn er hér í dauðafæri!
17. mín
Hér er atvik sem vert væri að skoða í endursýningu, Valsarar upp vinstra megin og Sigurður sendir inní, boltinn fer í hönd Þórðar en Pétur, sem er vel staðsettur, tekur "Svaninn" og metur þetta bolta í hönd.

Lítil gleði hjá stúkunni og Sigurði!
16. mín
Sigurður Egill fær sendingu innfyrir eftir snöggt tekna aukaspyrnu á miðjunni, leggur hann á kassann en skotið með hægri er hátt yfir.
14. mín
DAUÐAFÆRI!!!

Fyrsta færið og það var stórt, langur bolti til hægri þar sem Aron tekur geggjað á móti honum og leggur inn í teiginn þar sem Birkir er beinlínis aleinn á auðum sjór rétt utan við markteiginn en hittir boltann fullkomlega ekki og hann rúllar framhjá á fjær.

Hér átti Birkir að gera miklu betur!
11. mín
Liðin enn að átta sig á aðstæðunum.

Eru alveg að láta boltann fljóta eftir jörðinni að mestu...
8. mín
HK spegla kerfi Valsara

Arnar

Þórður - Rauschenberg - Leifur - Ívar

Ásgeir - Ólafur

Valgeir - Arnþór - Birnir

Jón Arnar.
6. mín
Hér liggur Haukur Páll eftir viðskipti við Börkinn.

Hasar inni á miðju og í því að Pétur flautar aukaspyrnu á Valsara lenda þeir tveir saman og Haukur rak upp óp og liggur eftir. Stúkan ekki glöð. Missti alveg af þessu..
4. mín
Valsarar stilla upp í 4231

Hannes

Birkir - Hedlund - Christiansen - Valgeir

Petry - Haukur

Aron - Kristinn - Sigurður

Pedersen
2. mín
Strax hasar við HK markið, sending frá Sigurði inn í teiginn en bjargað í horn.
1. mín
Hasar mínúta!

Aron kemst framhjá bakverði en HK komast fyrir sendinguna og ná skyndisókn, Birnir kemst inn í teiginn en missir að lokum boltann útaf.
1. mín
Leikur hafinn
Lagt af stað.
Fyrir leik
Valsmenn velja að byrja með vindinn í bakið.

HK hefja leik.
Fyrir leik
Valsmenn eru að hluta í sínum hefðbundnu búningum, þeir breyta bláu sokkunum í hvíta þar sem að varabúningur HK er alblár.
Fyrir leik
Það er ágætt að byrja strax haustið er það ekki?

Enn helmingur af mótin u eftir og algerlega ljóst að veðuraðstæður munu spila heilmikið inn í maga leikina héðan af.
Fyrir leik
Liðin gera sig klár í lokaátökin í búningsklefunum og það er staðfest að 100 manna skammturinn er uppfylltur hér í kvöld.

Það eru einhver börn sem fylgja þeim fullorðnu og svo er talsvert af vestum. Ætli við getum ekki sagt 120 manns á svæðinu. Það er framför auðvitað!
Fyrir leik
Þessi leikur er sá fyrsti hér eftir nýja opnun áhorfendur á leiki. Valsmenn hafa leyfi fyrir 100 mann í stúkunni og 100 manns sem gætu staðið aftan við skiltin gegnt stúkunni.

Stúkan verður klárlega með þennan 100 áhorfenda skammt en ég er ekki eins viss með það að margir standi úti hinu megin.
Fyrir leik
Minni á það að þeir sem hafa skemmtilega eða aðra góða punkta að segja um þennan leik eiga hiklaust að henda myllumerkinu #fotboltinet inn í tístið sitt og ég skutla þeim inn í lýsinguna.
Fyrir leik
Bæði þessi lið sigruðu sinn síðasta leik í deildinni.

Valsarar unnu KR í ótrúlegum leik í Vesturbænum, 4-5 en HK lögðu Gróttu 3-0.
Fyrir leik
Dómarateymi kvöldsins er eftirfarandi:

Pétur Guðmundsson er flautuleikarinn, Gunnar Helgason og Guðmundur Ingi Bjarnason eru honum til aðstoðar með flögg og í spjallbúnaðinum.

Varadómarinn er Elías Ingi Árnson og þeim til eftirlits er Jón Magnús Guðjónsson.
Fyrir leik
Uppalinn HK-ingur er í Valsliðinu, Orri Sigurður Ómarsson lék alla yngri flokkana með heimaliðinu sínu HK áður en hann hélt erlendis í atvinnumennskuna.

Hjá HK finnum við tvo sem eiga leiki með Val. Ívar Örn Jónsson sneri aftur heim í Kópavoginn eftir m.a. veru hjá Val nú í ár og Birnir Snær Ingason var keyptur til HK frá Val í fyrra.
Fyrir leik
Leikurinn í dag er áttunda innbyrðis viðureigna þessara liða í efstu deild. Valsmenn hafa unnið 5 leiki en HK 2 og aldrei hefur orðið jafntefli.

Heimamenn í Val hafa unnið þrjár síðustu viðureignir liðanna, HK unnu síðast 2008 hér á Hlíðarenda.
Fyrir leik
Fyrri leik liðanna í sumar lauk með 0-4 sigri Valsmanna í Kórnum.

Patrick Pedersen setti þrennu í þeim leik og Birkir Heimisson gerði fjórða markið. Leifur Andri Leifsson fyrirliði HK fékk rautt spjald í þeim leik.
Fyrir leik
Fyrir leikinn sitja heimamenn í efsta sætinu með 25 stig og fimm stiga forskot á Stjörnuna og verða því áfram efstir eftir leik óháð úrslitum.

HK eru í 9.sæti með 14 stig og gætu með sigri og hagstæðum úrslitum annars staðar lyft sér upp um tvö sæti.
Fyrir leik
Leikurinn er liður í 12.umferð PepsiMax-deildarinnar en er þó þrettándi leikur gestanna í deildinni.
Fyrir leik
Góðan daginn og hjartanlega velkomin í beina textalýsingu af Hlíðarenda hvar heimamenn í Val taka á móti Kópavogsdrengjum í HK.
Byrjunarlið:
25. Arnar Freyr Ólafsson (m)
2. Ásgeir Börkur Ásgeirsson ('81)
4. Leifur Andri Leifsson (f)
7. Birnir Snær Ingason
8. Arnþór Ari Atlason
11. Ólafur Örn Eyjólfsson
17. Valgeir Valgeirsson
17. Jón Arnar Barðdal
21. Ívar Örn Jónsson
22. Þórður Þorsteinn Þórðarson
28. Martin Rauschenberg

Varamenn:
12. Hjörvar Daði Arnarsson (m)
3. Ívar Orri Gissurarson
5. Guðmundur Þór Júlíusson
14. Hörður Árnason
14. Bjarni Páll Linnet Runólfsson
19. Ari Sigurpálsson

Liðsstjórn:
Brynjar Björn Gunnarsson (Þ)
Bjarni Gunnarsson
Þjóðólfur Gunnarsson
Matthías Ragnarsson
Viktor Bjarki Arnarsson
Alma Rún Kristmannsdóttir
Sandor Matus
Birkir Örn Arnarsson

Gul spjöld:
Leifur Andri Leifsson ('44)
Arnþór Ari Atlason ('62)
Brynjar Björn Gunnarsson ('88)

Rauð spjöld:
Brynjar Björn Gunnarsson ('90)