Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þróttur R.
2
2
FH
0-1 Andrea Mist Pálsdóttir '11
Jelena Tinna Kujundzic '16 , sjálfsmark 0-2
Mary Alice Vignola '39 , misnotað víti 0-2
Morgan Elizabeth Goff '57 1-2
Mary Alice Vignola '63 2-2
13.09.2020  -  19:15
Eimskipsvöllurinn
Pepsi-Max deild kvenna
Dómari: Ásmundur Þór Sveinsson
Maður leiksins: Telma Ívarsdóttir
Byrjunarlið:
Sóley María Steinarsdóttir
5. Jelena Tinna Kujundzic
6. Laura Hughes
7. Andrea Rut Bjarnadóttir
8. Álfhildur Rósa Kjartansdóttir (f) ('81)
9. Stephanie Mariana Ribeiro
10. Morgan Elizabeth Goff
16. Mary Alice Vignola ('89)
19. Elísabet Freyja Þorvaldsdóttir ('72)
20. Friðrika Arnardóttir
29. Ólöf Sigríður Kristinsdóttir

Varamenn:
31. Agnes Þóra Árnadóttir (m)
2. Sigmundína Sara Þorgrímsdóttir
3. Mist Funadóttir ('89)
4. Hildur Egilsdóttir ('81)
11. Tinna Dögg Þórðardóttir
14. Margrét Sveinsdóttir
15. Ísabella Anna Húbertsdóttir ('72)
18. Andrea Magnúsdóttir

Liðsstjórn:
Nik Chamberlain (Þ)
Þórkatla María Halldórsdóttir
Egill Atlason
Jamie Paul Brassington
Edda Garðarsdóttir

Gul spjöld:
Laura Hughes ('82)
Andrea Rut Bjarnadóttir ('88)

Rauð spjöld:
Leik lokið!
Leiknum er lokið. Liðin þurfa að sætta sig við jafntefli.

Ég ætla út að gera nokkrar öndunaræfingar en lofa viðtölum og skýrslu hér síðar í kvöld.
95. mín
Nú vilja Þróttarar víti!

Boltinn fer í höndina á Ernu Guðrúnu í vítateig FH en ekkert er dæmt!
93. mín
Ég er alltof stressuð til að skrifa nokkuð. Leikmenn liðanna eru einnig stressaðir og gengur illa að halda í boltann hér í uppbótartíma.
89. mín
Inn:Mist Funadóttir (Þróttur R.) Út:Mary Alice Vignola (Þróttur R.)
Mary Alice þarf að fara útaf. Heldur um öxlina. Hin unga og efnilega Mist leysir hana af.
88. mín Gult spjald: Andrea Rut Bjarnadóttir (Þróttur R.)
Þetta er að verða algjör þvæla. Phoenetia brýtur á Mary Alice sem steinliggur en ekkert er dæmt. Andrea Rut fær svo gult fyrir mótmæli.
87. mín
Ólöf sækir horn fyrir Þrótt. Andrea Rut setur boltann fyrir. Mary Alice er í baráttunni en Telma ver máttlausan skallann.
85. mín
Ha?

Stephanie flögguð rangstæð. Virtist alls ekki réttur dómur.

Þetta er ekkert smá spennandi.
84. mín
Inn:Elísa Lana Sigurjónsdóttir (FH) Út:Helena Ósk Hálfdánardóttir (FH)
Tvöföld skipting hjá FH.
84. mín
Inn:Selma Dögg Björgvinsdóttir (FH) Út:Rannveig Bjarnadóttir (FH)
Tvöföld skipting hjá FH.
82. mín Gult spjald: Laura Hughes (Þróttur R.)
Alltof sein í Evu Núru.

Það er hiti og hasar í þessu og stúkan lætur vel í sér heyra!
81. mín
Inn:Hildur Egilsdóttir (Þróttur R.) Út:Álfhildur Rósa Kjartansdóttir (Þróttur R.)
80. mín Gult spjald: Phoenetia Maiya Lureen Browne (FH)
Fer aftan í Jelenu.
78. mín
Þróttara setja háan bolta inná teig úr aukaspyrnunni. Enn og aftur er Telma hugrökk og fer út í teiginn að sækja boltann. Í þetta skiptið fær hún Stephanie í sig og liggur eftir. Spurning hvort Stephanie hefði ekki átt að fá spjald þarna.. En vonandi er í lagi með Telmu. Hún er búin að vera langbest í liði FH í kvöld.
77. mín Gult spjald: Andrea Mist Pálsdóttir (FH)
Fyrir brot úti á velli.
77. mín
Þetta er þvílíkt spennandi. Frábær fótboltaleikur í gangi í Laugardalnum!

Mary Alice var að hamra boltann utan af velli en Telma gerði vel í að verja!
75. mín
FH vinnur horn og það fer um Þróttara í stúkunni. Andrea Mist setur boltann fyrir og það skapast mikil hætta. Mér sýnist það vera Morgan Goff sem nær að henda sér fyrir skot FH.

Stuttu síðar fær FH aðra hornspyrnu og þá er það framherjinn Stephanie sem á geggjaða tæklingu og nær að henda sér fyrir skot Ernu Guðrúnar!
72. mín
Inn:Birta Georgsdóttir (FH) Út:Madison Santana Gonzalez (FH)
72. mín
Inn:Ísabella Anna Húbertsdóttir (Þróttur R.) Út:Elísabet Freyja Þorvaldsdóttir (Þróttur R.)
71. mín
ÓLÖF SIGRÍÐUR!

Þvílík sókn og þarna átti Ólöf Sigríður að skora!

Stephanie sendir hana eina í gegn. Telma kemur út á móti en Ólöf fer framhjá henni. Það er ennþá langt í markið og sóknarmaðurinn ungi nær ekki að stýra skoti sínu á markið!
66. mín
Madison með fína takta og vinnur hornspyrnu fyrir FH. Hornspyrnurnar hafa verið eins og dauðafæri fyrir FH í leiknum og þessi er hættuleg! Andrea Mist setur boltann fyrir og Sigríður Lára á skalla framhjá!

Það virðist hafa kviknað á FH-ingum eftir jöfnunarmarkið.
64. mín
Þarna er Álfhildur heppin. Er alltof sein aftan í Phoenetiu sem var á leið inná Þróttarateiginn. Ekkert dæmt. Fyrsta sókn FH í seinni hálfleik.
63. mín MARK!
Mary Alice Vignola (Þróttur R.)
Stoðsending: Andrea Rut Bjarnadóttir
MAAAARK!

Mary Alice er að jafna leikinn!

Skallar hornspyrnu Andreu Rutar í netið og staðan orðin 2-2!
60. mín
Kjánalegt hjá Friðriku. Hleypur langt út úr markinu sínu til að reyna að halda boltanum inná. Rennir sér hinsvegar í boltann sem endar í innkasti. Alveg galið þar sem Þróttur hefði átt innkastið.
57. mín MARK!
Morgan Elizabeth Goff (Þróttur R.)
VÁÁÁÁÁÁ!

Morgan Goff er að minnka muninn með DRAUMAMARKI!

Smellhittir boltann vel utan teigs og hann syngur í samskeytunum fjær.

Þarna kom líflínan. FH-ingar varla komist yfir miðju í seinni hálfleiknum.
55. mín
Nú lætur Andrea Rut vaða rétt utan teigs en Telma ver skotið og er svo fljót að hirða upp frákastið.
52. mín
Heimakonur hafa verið með mikla yfirburði hér í byrjun seinni hálfleiks. Stephanie var að snúa Ernu Guðrúnu af sér og reyndi svo skot af vítateigslínunni. Setur boltann beint á Telmu en hefði sjálfsagt mátt fara aðeins nær þarna.
51. mín
Þróttarar koma boltanum í netið en markið dæmt af. Stephanie braut af sér áður en hún kláraði færið.
48. mín
Enn og aftur er Telma að koma vel út í teiginn inn og stoppa hættulega sénsa Þróttar. Er á undan Stephanie í sendingu frá Mary Alice.
47. mín
Þróttarar geysast í sókn og komast 3v3. Laura stingur á Ólöfu til hægri og Ólöf setur svo hættulegan bolta fyrir þar sem Stephanie mætir á harðaspretti. Nær skallanum en stýrir honum ekki á rammann!
46. mín
Þarna er Eva Núra mjög heppin að sleppa við spjald. Brýtur á Stephanie og krækir svo fótunum utan um lappirnar á henni og heldur henni þannig fastri. Eva var nefnilega líka stálheppin að fá ekki spjald í fyrri hálfleik þegar hún togaði í Þróttara sem ætlaði að bruna upp kantinn.
46. mín
Leikur hafinn
Síðari hálfleikur er hafinn. Hvorugur þjálfaranna gerir breytingu á sínu liði.
45. mín
Hálfleikur
Ásmundur flautar til hálfleiks. Gestirnir leiða 2-0 en bæði mörkin komu eftir hornspyrnur á 5 mínútna kafla snemma leiks.

Þróttarar hafa aðeins rankað við sér eftir að hafa lent undir en hafa þó ekki náð að bíta nægilega fast frá sér til að gera leikinn spennandi.

Heilar 45 mínútur eftir og það er að duga eða drepast fyrir bæði lið. 3 RISA stig í boði.
43. mín
TELMA!

Geggjuð varsla hjá Telmu!

Ólöf komst upp hægra megin og kom boltanum inn á teig á Stehanie. Hún náði að snúa af sér varnarmann og negldi svo á markið en Telma varði virkilega vel!

Þróttarar fengu svo horn í kjölfarið en náðu ekki að gera sér mat úr því.
39. mín Misnotað víti!
Mary Alice Vignola (Þróttur R.)
Þróttarar fá líflínu þegar brotið er á Stephanie innan teigs og vítaspyrna dæmd. Mary Alice fer á punktinn en setur boltann vel framhjá!
37. mín
Þróttur fær aukaspyrnu úti á miðjum velli. Spila stutt og sóknin endar svo á því að Morgan á stórhættulega sendingu þvert fyrir FH-markið en þar er enginn Þróttari mættur!
35. mín
Inn:Erna Guðrún Magnúsdóttir (FH) Út:Ingibjörg Rún Óladóttir (FH)
FH-ingar gera breytingu. Ingibjörg virðist vera meidd og Erna Guðrún kemur í miðvörðinn í hennar stað.
33. mín
Telma Ívarsdóttir er búin að vera hrikalega flott í leiknum. Er búin að stoppa nokkra hættulega sénsa Þróttara með því að vera eldsnögg út í teiginn sinn. Nú var hún að komast á undan Ólöfu Sigríði í boltann eftir frábæran undirbúning Stephanie.
30. mín
Nik og Edda eru búin að breyta skipulaginu aðeins hjá sér. Morgan er farin upp á miðjuna, Sóley í miðvörð og Mary Alice í vinstri bakvörð.
26. mín
Stórhættuleg sókn hjá FH. Phoenetia brýst upp vinstra megin og setur boltann svo fyrir markið og í áttina að Helenu sem var mætt á fjærstöngina. Friðrika gerir hinsvegar vel og nær að blaka boltann af hættusvæðinu.
24. mín
Þróttarar eru í tómu tjóni við að verjast föstu leikatriðum FH. Nú fengu FH-ingar aukaspyrnu úti á vinstri vængnum. Andrea Mist setti boltann inn á teig og þar varð misskilningur á milli markmanns og varnarmanna. Þetta endar á því að Friðrika kýlir boltann klaufalega upp í loft og hann fer svo af varnarmanni og aftur fyrir.

FH fær horn en í þetta skiptið gengur öllu skárr hjá heimakonum að koma boltanum af hættusvæðinu.
23. mín
Vá Taylor!

Á algjöra lykiltæklingu þegar hún nær að henda sér fyrir skot Stephanie af markteig.

Kom þarna í veg fyrir að Þróttarar minnkuðu muninn.
23. mín
Flott sókn hjá Þrótti. Andrea spilar Ólöfu Sigríði í fína stöðu hægra megin í teignum. Hún setur boltann svo fastan fyrir með jörðinni en bæði Morgan og Stephanie rétt missa af boltanum!
18. mín
Fyrsta alvöru tilraun Þróttar frá dauðafærinu strax í upphafi leiks. Stephanie Mariana skoraði með draumaskoti í síðasta leik og reynir slíkt hið sama núna. Telma gerir vel í að verja!
16. mín SJÁLFSMARK!
Jelena Tinna Kujundzic (Þróttur R.)
Stoðsending: Andrea Mist Pálsdóttir
Gestirnir komast í 2-0 og aftur kemur mark eftir eitraða hornspyrnu Andreu Mistar!

Andrea setur boltann á nærsvæðið og þar sýnist mér hann fara af Jelenu Tinnu og í eigið mark. Phoenetia var þarna líka í baráttunni og hjálpaði til.
11. mín MARK!
Andrea Mist Pálsdóttir (FH)
ANDREA MIST ER AÐ KOMA FH YFIR MEÐ MARKI BEINT ÚR HORNI!

Falleg spyrna hjá henni og boltinn snýst í fjærhornið.
9. mín
FH liðið er að ógna. Phoenetia var að detta í teignum og vill víti. Ásmundur dómari alveg ofan í þessu og dæmir ekkert. FH fær hinsvegar horn í kjölfarið og þar skapast hætta áður en Laura nær að hreinsa!
9. mín
Fínn séns hjá Rannveigu!

Skot hennar úr teignum sleikir stöngina!
7. mín
FH fær aukaspyrnu á fínum stað úti vinstra megin. Andrea Mist setur frábæran bolta á fjærstöngina þar sem Sigríður Lára setur hausinn í hann en nær ekki að stýra honum og missir hann aftur fyrir.
4. mín
Það er áhugavert að sjá að "vinstri bakvörðurinn" Mary Alice byrjar á hægri kantinum hjá Þrótti í kvöld.

Annars er flest eftir bókinni hjá báðum liðum.
3. mín
Lið FH:

Telma

Eva Núra - Taylor - Ingibjörg - Valgerður

Andrea Mist - Sigríður Lára

Helena - Rannveig - Madison

Phoenetia
3. mín
Lið Þróttar:

Friðrika

Elísabet - Jelena - Morgan - Sóley

Álfhildur

Laura - Andrea

Mary Alice - Stephanie - Ólöf
2. mín
VÁÁÁ!

Hérna munar ENGU!

Mary Alice laumar boltanum frábærlega inná teig á Ólöfu Sigríði sem er að komast í DAUÐAFÆRI. Fyrsta snertingin svíkur hana hinsvegar og Telma nær að henda sér á boltann!
1. mín
Leikur hafinn
FH-ingar hefja leik og leika í átt að miðbænum.
Fyrir leik
Liðin eru komin út á völl. Ganga inn undir dramatísku inngöngulagi. Framundan er stríð!
Fyrir leik
Það er fallegt haustkvöld í Laugardalnum. Aðeins skýjað og örlétt gola. Verð að viðurkenna að ég er svolítið hissa á mætingunni. Örfáir stuðningsmenn mættir þegar 5 mínútur eru í einn af mikilvægustu leikjum tímabilsins fyrir bæði lið. Íslenska stundvísin...
Fyrir leik
Byrjunarliðin eru klár eins og sjá má hér til hliðar. Álfhildur Rósa snýr aftur í lið Þróttar og við það fer Ísabella Anna á bekkinn.

Hjá FH kemur Eva Núra inn í liðið á kostnað Ernu Guðrúnar sem fer á bekkinn.
Fyrir leik
Liðin hafa mæst tvisvar í sumar. Þróttarar höfðu betur í fyrri viðureign liðanna í deildinni. Unnu þá 2-1 útisigur í dramatískum leik.

Nokkrum dögum síðar hefndu FH-ingar fyrir tapið með því að slá Þrótt úr leik í bikarnum. Unnu þá 1-0 með fallegu marki Andreu Mistar Pálsdóttur.
Fyrir leik
Deildin hefur líklega aldrei verið eins spennandi og framundan er sturluð barátta bæði á toppi og botni deildarinnar.

Það eru aðeins 4 stig sem skilja að liðin í 6.-10. sæti og þónokkrir fallkandidatar í deildinni.

Þróttur er í 9. sæti með 11 stig en FH er í 8. sæti með 12 stig.
Fyrir leik
Heil og sæl!

Verið velkomin í beina textalýsingu frá viðureign Þróttar og FH í lokaleik 14. umferðar efstu deildar.

Framundan er ROSALEGUR leikur. Nýliða- og fallslagur þar sem allt verður skilið eftir á vellinum.
Byrjunarlið:
12. Telma Ívarsdóttir (m)
Sigríður Lára Garðarsdóttir
4. Ingibjörg Rún Óladóttir ('35)
8. Valgerður Ósk Valsdóttir
9. Rannveig Bjarnadóttir ('84)
17. Madison Santana Gonzalez ('72)
18. Phoenetia Maiya Lureen Browne
19. Helena Ósk Hálfdánardóttir ('84)
20. Eva Núra Abrahamsdóttir
24. Taylor Victoria Sekyra
26. Andrea Mist Pálsdóttir

Varamenn:
1. Þóra Rún Óladóttir (m)
5. Margrét Sif Magnúsdóttir
15. Birta Stefánsdóttir
17. Elísa Lana Sigurjónsdóttir ('84)
23. Andrea Marý Sigurjónsdóttir
28. Birta Georgsdóttir ('72)

Liðsstjórn:
Guðni Eiríksson (Þ)
Erna Guðrún Magnúsdóttir
Selma Dögg Björgvinsdóttir
Melkorka Katrín Fl Pétursdóttir
Árni Freyr Guðnason
Bríet Mörk Ómarsdóttir

Gul spjöld:
Andrea Mist Pálsdóttir ('77)
Phoenetia Maiya Lureen Browne ('80)

Rauð spjöld: