Fyrir leik
Gauti Gautason og Alejandro Manuel Munoz Caballe koma inn í byrjunarlið Magna í stað Tómasar Arnar Arnarsonar og Costelus Lautaru. Tómas er í banni en Costelus fær sér sæti á bekknum.

Leiknismenn gera fáeinar breytingar á sínu liði. Birgir Baldvinsson, Daði Bærings Halldórsson, Ernir Bjarnason og Arnór Ingi Kristinsson byrjuðu ekki leikinn gegn Grindavík en byrja hér í dag. Gyrðir Hrafn Guðbrandsson, Árni Elvar Árnason, Dagur Austmann Hilmarsson byrjuðu síðasta leik en eru á bekknum. Daníel Finns Matthíasson er í banni.
Eyða Breyta

Fyrir leik
Eins og áður segir eru Breiðhyltingar á góðu skriði og Sigurður Heiðar Höskuldsson, þjálfari Leiknis R. leit á glasið sem hálf fullt eftir jafnteflið gegn Grindavík.

,,Þetta er bara einn af þessum leikjum, að koma til Grindavíkur og sækja stig er ekki hræðilegt. Þetta er fínt. Það eru sex leikir eftir og við erum á blússandi "swing" hérna.''

Eyða Breyta

Fyrir leik
Sveinn Þór Steingrímsson, þjálfari Magna sagði eftir leikinn gegn Vestra þá hafa Magnamenn séð það jafn svart, ef ekki svartara á undanförnum tímabilum. Sú reynsla gæti verið dýrmæt þegar hver leikur er í raun sex stiga úrslitaleikur.

,,Ef þú horfir á töfluna þá er þetta klárlega erfitt, en ekki eins og við höfum ekki séð þetta áður. Við erum félag sem gefst aldrei upp - ef við spilum eins og í dag (15. september), þá er ég mjög bjartsýnn.''

Eyða Breyta

Fyrir leik
Magnamenn máttu sætta sig við 2-1 tap í síðustu umferð þegar þeir kíktu á Ísafjörð og spiluðu við Vestra. Marka Magna í leiknum skoraði Tómas Örn Arnarson.

Þeir gætu með hagstæðum úrslitum stokkið allavega upp fyrir Leikni F. og lyft sér þar með upp í 11. sætið. Þróttur R., Leiknir F. og Magni eru í 3 hesta kapphlaupi um síðasta örugga sætið í deildinni.

Leiknismenn gerðu 1-1 jafntefli í síðasta leik sínum þegar þeir mættu Grindvíkingum á útivelli. Mark Leiknis í leiknum skoraði Sævar Atli Magnússon.

Mjög gott skrið hefur verið á Leiknisliðinu í sumar og hafa þeir skorað næstflest mörk í deildinni, auk þess sem vörnin hefur fengið næstfæst mörk á sig. Þegar hægt er að samtvinna þessa tvo hluti, þá geta góðir hlutir gerst.

Eyða Breyta

Fyrir leik
Góðan daginn! Hér mun fara fram textalýsing á leik Magna og Leiknis R.

Það verður lagt allt í sölurnar í dag þar sem að bæði lið þurfa sárlega á stigunum þremur að halda, af gjörólíkum ástæðum. Magnamenn eygja enn von um að halda sæti sínu í deildinni á meðan Breiðholtsdrengir láta sig dreyma um að spila í efstu deild á næstu leiktíð.
Eyða Breyta