Liðin gengin út á völl og styttist í leik

Dómari leiksins í dag er Aðalbjörn Heiðar Þorsteinsson. Honum til aðstoðar verða Ragnar Þór Bender og Daníel Ingi Þórisson. Ekki hefur það verið á öllum leikjum í Lengjudeildinni að það sé varadómari en í dag er það Friðleifur Kr Friðleifsson

Staða liðanna í deildinni

Bæði lið eru með 26 stig eftir 16 leiki. Þórsurum hefur þó gengið betur í seinustu leikjum, en þeir hafa unnið þrjá af síðustu fimm leikjum. ÍBV hafa hinsvegar ekki unnið deildarleik í seinustu 7 leikjum.

Byrjunarliðin eru klár og má sjá þau hér til hliðar

ÍBV gerir tvær breytingar frá jafntefli á heimavelli gegn Leikni F. Breki Ómarsson og Róbert Aron fara á varamannabekkinn og inn koma Sito og Víðir Þorvarðarson

Þórsarar gera eina breytingu frá 1-0 heimasigri gegn Víking Ólafsvík. Ásgeir Marinó kemur inn fyrir Ólaf Aron sem tekur út leikbann vegna uppsafnaðra gulra spjalda.

Óskar Elías er í byrjunarliði ÍBV en hann á eitt tímabil að baki með Þórsurum. Svo er Alvaro Montejo í liði Þórsara en hann á einnig eitt tímabil að baki með ÍBV

Aðstæður í dag eru ekkert spes. Vestan strekkingur á annað markið. Vonandi fáum við samt þokkalegan leik í dag

Góðan dag kæru lesendur fotbolti.net og verið velkomin í beina textalýsingu frá leik ÍBV og Þór Akureyri sem fer fram kl 16.30 á Hásteinsvelli