Fyrir leik
Áhorfendur leyfðir

Eftir frekara samráð við sóttvarnaryfirvöld hefur KSÍ ákveðið að leyfa áhorfendur á leikjum í öllum flokkum og á öðrum viðburðum á vegum KSÍ í samræmi við gildandi lög og reglugerðir.

Ákvörðunin tekur strax gildi og nær því til þeirra leikja sem fara fram í dag, mánudag. Fjöldi leikja er á dagskrá í dag.

Áhorfendur voru tímabundið bannaðir á leikjum eftir klukkan 14:00 á laugardag en nú er ljóst að áhorfendur fá að mæta á ný, með takmörkunum.

Fyrir Þróttara sem eru á leið á völlinn er vert að benda á að inngangur áhorfenda gestaliðsins er austan megin á svæðinu við Hringbraut en áhorfendur heimaliðsins nota hinn hefðbundna inngang að vellinum við Sunnubraut.
Eyða Breyta

Fyrir leik
Veður og aðstæður

Það kemur svo sem engum á óvart ef vindur blæs í Keflavík en það er þó öllu rólegra yfir veðrinu í dag en marga aðra undanfarna daga.

Vindur er um 10-13 m/s á sekúndu og gengur á með skúrum. Þó hefur orðið vart við stöku haglél í dag en samkvæmt veðurspá ætti að hanga mestu þurrt framan af leik en úrkoma gæti fallið í síðari hálfleik.

Völlurinn er meira spurningamerki. Stutt er síðan leikið var á vellinum og auk þess hefur verið mjög blautt og kalt undanfarna daga sem bitnar á því hve vel grasið jafnar sig á milli leikja. Nettóvöllurinn í Keflavík þykir þó almennt nokkuð góður og drenar vel og ætti því að höndla ástandið nokkuð vel.
Eyða Breyta

Fyrir leik
Fyrri viðureignir

50 leiki hafa liðin leikið sín á milli samkvæmt gagnagrunni KSÍ.

Keflavík hefur haft sigur í 27 þeirra, 11 hefur lokið með jafntefli og Þróttur haft sigur 11 sinnum.

Fyrri leik liðanna í sumar lauk með 0-4 sigri Keflavíkur á Eimsipsvellinum þar sem Joey Gibbs og Adam Ægir Pálsson skoruðu tvö mörk hvor.
Eyða Breyta

Fyrir leik
Keflavík

Keflavík situr fyrir leik dagsins í 3.sæti deildarinnar með 31 stig 2 stigum frá toppliði Leiknis en með tvo leiki til góða á þá. Lið fram situr þar á milli með 33 stig sömuleiðis en hefur leikið leik meira en Keflavík og á auk þess erfiðan leik gegn Grindavík síðar í dag.

2 sigrar 1 tap og tvö jafntefli er uppskera síðustu 5 leikja Bítlabæjarliðsins og sigur í dag gæti reynst afskaplega mikilvægur þegar upp er staðið.

Óvissa er með þáttöku Sindra Kristins Ólafssonar markvarðar Keflavíkur en hann meiddist á mjöðm gegn Fram síðastliðinn fimmtudag. Mínar heimildir herma þó að látið verða reyna á hvort Sindri sé leikfær og ákvörðun tekin eins seint og mögulegt er.

Eyða Breyta

Fyrir leik
Þróttur

Tímabilið verður seint kallað gjöfult hjá Þrótturum en þeir eru þó með örlög sín í eigin höndum enn sem komið er enda 6 leikir eftir af mótinu þegar kemur að leik kvöldsins.

1 sigur, tvö töp og tvö jafntefli er uppskeran í síðustu 5 leikjum liðsins sem situr í 10 sæti deildarinnar með 12 stig líkt og Leiknir F. í því 11. en Þróttur er með ögn betri markatölu og er því ekki í fallsæti fyrir leiki dagsins.
Þróttur á þó eftir að mæta nokkrum af liðunum í efri hluta deildarinnar og þurfa sárlega að stela af þeim stigum til þess að freista þess að slíta sig frá fallsvæðinu.
Eyða Breyta

Fyrir leik
Góðan dag kæru lesendur og verið líkt og alltaf hjartanlega velkomin í beina textalýsingu Fótbolta.net frá leik Keflavíkur og Þróttar í Lengjudeild karla.

Hörkuleikur tveggja liða í harðri baráttu á sitthvorum enda töflunar framundan.
Eyða Breyta