Malen, Maguire, Rashford, Greenwood, Yoro, Eriksen og fleiri góðir í slúðri dagsins
KA
1
1
HK
0-1 Arnþór Ari Atlason '14
Almarr Ormarsson '80 1-1
24.09.2020  -  16:00
Greifavöllurinn
Pepsi Max-deild karla
Aðstæður: 4°C, norðanátt og úrkoma á köflum.
Dómari: Vilhjálmur Alvar Þórarinsson
Áhorfendur: Virðing á þá sem mættu
Maður leiksins: Hörður Árnason (HK)
Byrjunarlið:
12. Kristijan Jajalo (m)
4. Rodrigo Gomes Mateo
5. Ívar Örn Árnason (f) ('64)
7. Almarr Ormarsson (f)
10. Hallgrímur Mar Steingrímsson
11. Ásgeir Sigurgeirsson ('64)
14. Andri Fannar Stefánsson
16. Brynjar Ingi Bjarnason
22. Hrannar Björn Steingrímsson
30. Sveinn Margeir Hauksson
33. Guðmundur Steinn Hafsteinsson ('88)

Varamenn:
1. Aron Dagur Birnuson (m)
2. Haukur Heiðar Hauksson
9. Elfar Árni Aðalsteinsson
21. Nökkvi Þeyr Þórisson ('64)
23. Steinþór Freyr Þorsteinsson ('88)
27. Þorri Mar Þórisson
29. Adam Örn Guðmundsson
77. Bjarni Aðalsteinsson ('64)

Liðsstjórn:
Hallgrímur Jónasson (Þ)
Arnar Grétarsson (Þ)
Halldór Hermann Jónsson
Pétur Heiðar Kristjánsson
Branislav Radakovic
Baldur Halldórsson

Gul spjöld:
Brynjar Ingi Bjarnason ('47)
Nökkvi Þeyr Þórisson ('91)

Rauð spjöld:
Leik lokið!
Leik lokið á Greifavelli 1-1 lokatölur.
93. mín
Arnþór Ari með tilraun sem Jajalo ver til hliðar.
93. mín
Sveinn brýtur á Herði á vallarhelmingi HK.
92. mín
Hörður Árnason með fyrirgjöf beint í hendur Jajalo.
91. mín Gult spjald: Nökkvi Þeyr Þórisson (KA)
Missti boltann frá sér og braut á Herði Árnasyni.

Þremur mínútum bætt við.
90. mín
Inn:Stefan Ljubicic (HK) Út:Jón Arnar Barðdal (HK)
89. mín
Grímsi með tilraun úr aukaspyrnu en boltinn endar fjarri marki HK.
88. mín
Inn:Steinþór Freyr Þorsteinsson (KA) Út:Guðmundur Steinn Hafsteinsson (KA)
87. mín
Boltinn í gegnum teiginn og fer af Brynjari Inga og þaðan aftur fyrir. HK á útspark.
86. mín
KA á hornspyrnu.
85. mín
Grímsi lætur vaða en skotið framhjá fjærstönginni.
84. mín
Snjóar eins og enginn sé morgundagurinn þessa stundina.
82. mín
HK leikur á móti vindi, gæti verið að hafa talsverð áhrif hér. Arnar Freyr með mjög lélegt útspark rétt í þessu.
80. mín MARK!
Almarr Ormarsson (KA)
Stoðsending: Nökkvi Þeyr Þórisson
LITLA MARKIÐ!!!!

Nökkvi (sýndist mér) með tilraun í varnarmann og boltinn hrekkur fyrir Almarr sem lætur vaða með vinstri og boltinn upp í fjærhornið - óverjandi fyrir Arnar í marki HK.
79. mín
KA sækir og sækir þessar mínúturnar.
78. mín
Bjarni með fyrirgjöf inn á teiginn sem Valgeir skallar í burtu. Bjarni á svo aðra fyrirgjöf sem Grímsi skallar framhjá.
78. mín
Ekki sérstök spyrna hjá Grímsa sem Birnir kemur til hliðar. Þaðan kemur svo fyrirgjöf inn á teiginn sem Arnar Freyr grípur.
77. mín Gult spjald: Guðmundur Þór Júlíusson (HK)
Brýtur á Steina við vítateig HK. Fínn aukaspyrnustaður fyrir Grímsa.
75. mín
Brynjar Ingi heppinn þarna!! Missir boltann til Jóns sem kemst í gegn en Brynjar hleypur hann uppi og KA kemur svo boltanum í burtu.
75. mín
KA tapaði síðast á heimavelli gegn Víking þann 23. júní í fyrra. 15 mánuðir síðan.
74. mín
Fínar sóknir núna hjá KA. Boltinn endar hjá Brynjari hægra megin í teignum sem á tilraun í hliðarnetið úr þröngri stöðu.
72. mín
Andri Fannar með fyrirgjöfina á fjærstöngina. Hrannar fær boltann, leggur boltann út í teiginn á gapandi frían Nökkva Þey sem skýtur einhvern veginn framhjá. Þetta var DAUÐAFÆRI!!! Hræðilegt klúður.
67. mín
Gott færi þarna hjá HK! Gummi Júl með þessa tilraun, átti að gera betur, skallafæri af stuttu færi.

Ásgeir Marteinsson átt góðan dag í hornspyrnunum og þær valdið usla.
66. mín
Jón Arnar sýnist mér með tilraun af varnarmanni og aftur fyrir. HK á horn. Þetta var fínt færi hjá HK.
65. mín
Bjarni með skot rétt framhjá nærstönginni.
64. mín
Grímsi með spyrnuna og Ásgeir Börkur hreinsar í burtu.

Rodrigo kemur inn í miðvörðinn hjá KA og Bjarni fer á miðjuna.
64. mín
Inn:Bjarni Aðalsteinsson (KA) Út:Ívar Örn Árnason (KA)
64. mín
Inn:Nökkvi Þeyr Þórisson (KA) Út:Ásgeir Sigurgeirsson (KA)
63. mín Gult spjald: Valgeir Valgeirsson (HK)
Fékk boltann í hendina, heyrði ekki í flautunni og sparkaði boltanum í burtu.
58. mín
Hörður brýtur aftur af sér - núna á Ásgeiri.

Sveinn Margeir ætlaði að finna Ásgeir í hlaupinu en Vilhjálmur var ekki tilbúinn að fá leikinn af stað og þurfti að endurtaka spyrnuna.

HK hreinsar fyrirgjöf Sveins í burtu en svo kemur annar bolti fyrir sem Steini skallar en Arnar Freyr ver og heldur boltanum.
57. mín
Spyrnan hreinsuð af fremsta manni hjá HK.
57. mín
Hörður brýtur á Sveini úti hægra megin. Fín fyrirgjafarstaða.
55. mín
Almarr fær boltann úti hægra megin í teignum og á skot sem fer af Herði og þaðan aftur fyrir - horn.

Ásgeir Marteins skallar frá.
53. mín
Gummi skallar spyrnuna frá Grímsa í burtu.
53. mín
Boltinn af Gumma Júl inn í vítateig HK og þaðan aftur fyrir - hornspyrna sem KA á.
52. mín
KLOBBI!!

Birnir með skemmtileg tilþrif og klobbar Svein Margeir.
51. mín
Birnir Snær með skot sem Jajalo ver mjög vel. HK átti svo annað skot sem mér sýndist Ívar komast fyrir, þarna var hætta.
50. mín
Birnir með skot eftir hraða sókn gestanna. Skotið í varnarmann en HK sótti áfram.
50. mín
Ásgeir Sigurgeirsson með skot vel yfir mark gestanna. Valgeir hafði unnið boltann með góðri tæklingu gegn Hrannari en missti hann jafnóðum aftur úti hægra megin. Ásgeir lét vaða en hitti ekki á markið.
48. mín
Steini skallar aukaspyrnu Ásgeirs Marteinssonar í burtu.

HK byggir upp nýja sókn og Ásgeir á svo skot sem fer beint á Jajalo, skotið fast en Jajalo með þetta í teskeið.
47. mín Gult spjald: Brynjar Ingi Bjarnason (KA)
Brýtur á Birni Snæ úti vinstra megin.
46. mín
Seinni hálfleikur hafinn

HK byrjar með boltann og gestirnir gerðu tvöfalda breytingu í hálfleik.

Það er aftur byrjað að snjóa!
46. mín
Inn:Valgeir Valgeirsson (HK) Út:Þórður Þorsteinn Þórðarson (HK)
46. mín
Inn:Atli Arnarson (HK) Út:Ólafur Örn Eyjólfsson (HK)
45. mín
Hálfleikur
Auðvitað núna, 16:59, er hætt að snjóa.
Elvar Geir Magnússon
45. mín
Hálfleikur
Það snjóar duglega núna í hálfleik. Valgeir hitar upp á stuttbuxunum, líklega á leiðinni inn á í upphafi seinni hálfleiks. Atli Arnarson er einnig að hita upp af þokkalegum krafti.
45. mín
Hálfleikur
HK leiðir 0-1 í hálfleik.
45. mín
Ásgeir Marteinsson með aukaspyrnuna inn á teiginn og Hörður Árnason skallar vel framhjá.
44. mín
Hrannar heppinn að fá ekki gula spjaldið þegar hann brýtur á Binna sem var að komast framhjá bakverðinum. Vilhjálmur tók gamla góða tiltalið.
41. mín
Hætta inn á teig HK. Boltinn endar hjá Arnari Frey og svo eru KA-menn dæmdir brotlegir.

Steini átti máttlitla tilraun að marki og Ásgeir er nálægt því að ná boltanum en Arnar er á undan. Ásgeir fer í Arnar brot dæmt.
40. mín
Jón Arnar kemst framhjá KA mönnum og á fyrirgjöf sem Brynjar Ingi hreinsar fyrirgjöfina í burtu. Jón fékk eitthvað högg á sig þarna en er staðinn upp.
39. mín
Rólegar síðustu mínútur.
35. mín
Sveinn Margeir fór aðeins fram úr sjálfum sér þarna á sprettinum og er dæmdur brotlegur við vítateig HK.
33. mín
Jón Arnar sýndist mér dæmdur brotlegur inn á vítateig KA.
32. mín
Birnir með gabbhreyfingu og svo skottilraun sem Almarr kemst fyrir. HK fær hornspyrnu.
31. mín
Hrannar með fyrirgjöf inn á teiginn sem Steini skallar en þægilegt fyrir Arnar í marki HK.
30. mín
KA fær hornspyrnu.
30. mín
Nú er aftur hætt að snjóa - fjör í þessu.
28. mín
Birnir rölti framhjá Andra Fannari, vel gert hjá Birni en þetta var aðeins of auðvelt fyrir Birni. Á utanfótarfyrirgjöf sem Jajalo nær að handsama í annarri tilraun.

Steini svo dæmdur brotlegur gegn Ásgeiri Berki við endalínuna hinu megin.
27. mín
Ólafur Örn með góðan varnarleik þegar Hrannar var að athafna sig inn á teig HK.
26. mín
Fyrirgjöf frá vinstri hjá KA. Steini fer niður inn á teignum eftir fyrirgjög Grímsa. Vilhjálmur segir ekkert víti en það var eitthvað um köll úr stúkunn.

Það er búið að bæta talsvert í úrkomuna!
25. mín
Arnar Freyr fær bolta á lofti til baka og tekur enga sénsa, hreinsar í innkast.
24. mín
Jón Arnar með skot sem Jajalo fær beint á sig.
23. mín
Hörður Árnason með skalla sem Jajalo ver mjög vel. KA nær svo að hreinsa.
22. mín
Ásgeir Marteins með skot sem fer af Ívari Erni og aftur fyrir. HK á hornspyrnu.
21. mín
AD2 lengi að lyfta flaggi sínu en Asgeir dæmdur rangstæður þegar hann snertir boltann inn á vítateig HK.
20. mín
Fyrirgjöf frá Andra Fannari sem HK kemur afturfyrir - hornspyrna.

KA tók hornið aftur stutt og HK hreinsar.
19. mín
Birnir Snær nær ekki að koma skoti að marki KA eftir hornspyrnuna og KA nær stjórn á boltanum.
18. mín
Jón Arnar með skot í Hrannar. Boltinn fór hátt upp í loft og stefndi að marki KA. Boltinn endar ofan á marki KA og HK á hornspyrnu.
17. mín
Hrannar brýtur á ÞÞÞ sem var að skýla boltanum aftur fyrir.
16. mín
Hár bolti inn á teig HK sem fer aftur fyrir af varnarmanni HK. KA á hornspyrnu.

HK kom boltanum í burtu, fór af stað í hraða sókn en KA kom fyrirgjöf frá vinstri í burtu.
14. mín MARK!
Arnþór Ari Atlason (HK)
Stoðsending: Hörður Árnason
ÞÞÞ með fyrirgjöf sem fór yfir Jón Arnar og Binna inn á teignum. Boltinn endar hjá Herði úti vinstra megin sem á gullbolta inn á teiginn. Þar er Arnþór Ari og skallar Arnþór boltann í fjærhornið.
13. mín
Grímsi með fyrirgjöf með vinstri en boltinn beint í lúkurnar á Arnari.
12. mín
Grímsi vinnur boltann á vallarhelmingi HK, finnur Steina en Gummi Júl verst vel.
11. mín
Hornspyrnan tekin stutt og fer út á Hrannar. Hrannar lyftir boltanum inn á teiginn en finnur ekki samherja - útspark HK.
10. mín
Hrannar með fyrirgjöf og ætlar að finna Ásgeir inn á teignum. HK nær að koma boltanum aftur fyrir - KA fær horn. Vilhjálmur ræðir við Arnar Frey markvörð HK, veit ekki af hverju.
9. mín
Boltinn fellur mjög vel með Svenna fyrir utan teig HK. Sveinn fer framhjá einum varnarmanni og lætur svo vaða við teigslínuna en Arnar Freyr ver skotið og heldur boltanum. Fyrsta tilraun á mark í dag.
6. mín
Það er smá snjókoma en hitinn þó nægur til að snjó festir ekki á jörðinni.
4. mín
Grímsi með spyrnu inn á teig HK en gestirnir hreinsa.
4. mín
Smá hamagangur eftir að Brynjari tókst ekki að hreinsa spyrnu Ásgeirs Marteinssonar í burtu. HK maður féll inn á teignum en Vilhjálmur Alvar sagði ekkert brot vera og KA sækir.
3. mín
HK fær fyrstu hornspyrnu leiksins.
2. mín
Uppstilling HK;

Arnar
ÞÞÞ - Gummi - Martin - Hörður
Á. Börkur - Ólafur
Ásgeir M - Arnþór - Birnir
JAB
1. mín
Uppstilling KA:

Jajalo
Andri - Brynjar - Ívar - Hrannar
Rodrigo
Almarr - Sveinn
Grímsi - Steini - Ásgeir
1. mín
Leikur hafinn
KA byrjar með boltann og sækir í norður í fyrri hálfleik.
Fyrir leik
Liðin ganga út á völlinn. KA leikur í gulum treyjum og bláum stuttbuxum. HK leikur í hvítum og rauðum röndóttum treyjum og rauðum stuttbuxum.
Fyrir leik
Það er fjögurra gráðu hiti, norðanátt en svona nánast úrkomulaust þessa stundina.
Fyrir leik
Árangur KA á heimavelli:
KA er taplaust í fimmtán mánuði á heimavelli. Liðið hefur unnið tvo heimaleiki og gert sex jafntefli á þessari leiktíð.

HK hefur einungis unnið einn leik, gert þrjú jafntefli og tapað fjórum leikjum á útivelli.
Fyrir leik
Leikurinn er liður í 10. umferð Pepsi Max-deildar karla þó KA hafi leikið fjórtán leiki og HK fimmtán.

Þetta er fyrri viðureign liðanna á tímabilinu, leikurinn átti að fara fram í sumar en leiknum var frestað vegna bylgju Covid-smita. HK er í 7. sæti með átján stig og KA er í 10. sæti með fimmtán stig.
Fyrir leik
Byrjunarliðin eru komin inn:

Lið KA: Tvær breytingar frá síðasta leik sem var 1-1 jafntefli gegn Fjölni síðasta laugardag. Mikkel Qvist fékk að líta rauða spjaldið og er ekki í leikmannahópi KA í dag - tekur út tveggja leikja leikbann. Inn í vörnina kemur Ívar Örn Árnason. Þá kemur Sveinn Margeir Hauksson aftur inn í lið KA eftir leikbann, Bjarni Aðalsteinsson byrjar á bekknum. Ásgeir Sigurgeirsson skoraði mark KA í leiknum og er í liði KA.

Lið HK: Fimm breytingar frá 1-1 jafntefli gegn Víkingi á mánudag. Ásgeir Börkur, Gummi Júl, Ólafur Örn, Ásgeir Marteinsson og Hörður Árnason koma inn í liðið í stað þeirra Valgeirs Valgeirs, Leifs Andra, Atla Arnarsonar, Bjarna Gunnarssonar og Ívars Arnar Jónssonar. Ívar Örn er eini fimmmenninganna sem ekki er á bekknum í dag - Ívar er í leikbanni þar sem hann fékk tvö gul spjöld í síðasta leik. Bjarni skoraði mark HK gegn Víkingi og er eins og fyrr segir á bekknum í dag.
Fyrir leik
Góðan daginn lesendur góðir og veriði velkomnir í beina textalýsingu frá viðureign KA og HK í Pepsi Max-deild karla.

Leikurinn fer fram á Greifavelli á Akureyri. Jörðin á Akureyri var snævi þakin í morgun og enn er Vaðlaheiðin hvít.
Byrjunarlið:
25. Arnar Freyr Ólafsson (m)
2. Ásgeir Börkur Ásgeirsson
5. Guðmundur Þór Júlíusson (f)
7. Birnir Snær Ingason
8. Arnþór Ari Atlason
10. Ásgeir Marteinsson
11. Ólafur Örn Eyjólfsson ('46)
14. Hörður Árnason
17. Jón Arnar Barðdal ('90)
22. Þórður Þorsteinn Þórðarson ('46)
28. Martin Rauschenberg

Varamenn:
12. Hjörvar Daði Arnarsson (m)
4. Leifur Andri Leifsson
17. Valgeir Valgeirsson ('46)
18. Atli Arnarson ('46)
20. Alexander Freyr Sindrason
30. Stefan Ljubicic ('90)

Liðsstjórn:
Brynjar Björn Gunnarsson (Þ)
Bjarni Gunnarsson
Matthías Ragnarsson
Viktor Bjarki Arnarsson
Alma Rún Kristmannsdóttir
Sandor Matus
Birkir Örn Arnarsson
Ragnheiður Soffía Georgsdóttir

Gul spjöld:
Valgeir Valgeirsson ('63)
Guðmundur Þór Júlíusson ('77)

Rauð spjöld: