Liðin ganga út á völl.

Nýtt stuðningsmannalag Fylkis hljómar undir og þetta fer að bresta á.

Byrjunarliðin eru klár og má sjá hér til hliðar.

Fylkismenn gera tvær breytingar á liði sínu en Orri Hrafn Kjartansson koma inn fyrir Jordan Brown og Dag Dan Þórhallsson.

Hjá Keflvíkingum byrja landsliðsmennirnir Rúnar Þór Sigurgeirsson og Ísak Óli Ólafsson en Keflvíkingar gera þó breytingu á sínu liði frá síðasta leik Christian Volesky kemur inn fyrir Adam Árna Róbertsson.

Pétur Guðmundsson verður á flautunni í kvöld og honum til aðstoðar verða þeir Sveinn Þórður Þórðarson og Guðmundur Ingi Bjarnason.
Erlendur Eiríksson er fjórði dómari og þá er Kristinn Jakobsson eftirlitsmaður.

Það er komið að Brynjólfi Andersen Willumssyni að spá. Binni er Bliki sem gekk í raðir Kristiansund í Noregi í vetur.

Fylkir 2 - 0 Keflavík
Fylkismenn hafa verið klaufar að vera ekki búnir að ná inn sigurleik og það er ekkert annað í boði en 3 punktar fyrir þá held ég. Minn maður Arnór Borg klárar þennan leik með tvennu og Unnar Steinn lokar miðjunni og verður líkelagst á stuttermabol alveg sama hvernig viðrar.

Fylkismenn hljóta að horfa í þennan leik sem dauðafæri á fyrsta sigrinum og mun leggja allt í að tryggja stigin 3.

Keflvíkingar horfa líka í dauðafæri í 3 stig þar sem Fylkismenn hafa ekki byrjað mótið af þeim krafti sem þeir hefðu viljað.

Það má því fastlega búast við hörku einvígi þessara liða.

Við skulum renna örstutt yfir tölfræðiþætti liðana á tímabilinu.

Fylkir:
Leikir: 4
Sigrar: 0
Jafntefli: 2 (50%)
Töp: 2 (50%)
Staða í deild: 11

Markahæstir:
Djair Parfitt-Williams - 2 Mörk


Keflavík:
Leikir: 4
Sigrar: 1 (25%)
Jafntefli: 0
Töp: 3 (75%)
Staða í deild: 8

Markahæstir:
Ástbjörn Þórðarson - 1 Mark
Kian Williams - 1 Mark
Frans Elvarsson - 1 Mark

Keflvíkingar hafa sótt sigur á tímabilinu en þeir sigruðu Stjörnumenn í 2.umferð en hafa þó tapað rest.
Keflvíkingar fengu Akureyringana í KA í heimsókn í síðustu umferð og enduðu leikar þar 1-4 KA í vil.

Það er því ljóst að bæði lið vilja eflaust kvitta fyrir sín töp í síðustu umferð hér í dag.

Fylkismenn eru enn í leit af fyrsta sigri sumarsins en þeir hafa gert 2 jafntefli og tapað 2.
Þeir fengu slæma útreið í síðustu umferð gegn hinum nýliðum deildarinnar, Leikni Reykjavík í Breiðholtinu en þar enduðu leikar 3-0 fyrir Leikni.

Fjórum umferðum er nú lokið á Íslandsmótinu og lítur staðan svona út fyrir 5.umferð Pepsi Max deildar karla.

1.FH 10 stig (+8)
2.KA 10 stig (+8)
3.Víkingur R 10 stig (+5)
4.Valur 10 stig (+4)
5.Leiknir R 5 stig (0)
6.Breiðablik 4 stig (-1)
7.KR 4 stig (-1)
8.Keflavík 3 stig (-6)
9.HK 2 stig (-3)
10.Stjarnan 2 stig (-3)
11.Fylkir 2 stig (-5)
12.ÍA 2 stig (-6)

Heil og sæl lesendur góðir og verið hjartanlega velkominn í þessa þráðbeinu textalýsingu frá Wurth vellinum í Árbænum þar sem heimamenn í Fylki fá nýliðana úr Keflavík í heimsókn.