Stjarnan
1
5
Þróttur R.
0-1 Ólöf Sigríður Kristinsdóttir '16
0-2 Kate Cousins '35 , víti
0-3 Kate Cousins '52
0-4 Lea Björt Kristjánsdóttir '61
0-5 Shaelan Grace Murison Brown '74
Hildigunnur Ýr Benediktsdóttir '85 1-5
26.05.2021  -  19:15
Samsungvöllurinn
Pepsi-Max deild kvenna
Dómari: Elías Ingi Árnason
Maður leiksins: Katherine Amanda Cousins
Byrjunarlið:
1. Chante Sherese Sandiford (m)
5. Hanna Sól Einarsdóttir ('46)
6. Úlfa Dís Kreye Úlfarsdóttir ('75)
8. Ingibjörg Lúcía Ragnarsdóttir
10. Anna María Baldursdóttir (f)
11. Betsy Doon Hassett
16. Sædís Rún Heiðarsdóttir
17. María Sól Jakobsdóttir ('65)
19. Elín Helga Ingadóttir
21. Heiða Ragney Viðarsdóttir
23. Gyða Kristín Gunnarsdóttir

Varamenn:
12. Birta Guðlaugsdóttir (m)
2. Sóley Guðmundsdóttir
7. Aníta Ýr Þorvaldsdóttir
15. Alma Mathiesen ('65)
19. Birna Jóhannsdóttir ('75)
30. Katrín Ásbjörnsdóttir
31. Hildigunnur Ýr Benediktsdóttir ('46)

Liðsstjórn:
Kristján Guðmundsson (Þ)
Andri Freyr Hafsteinsson
Rajko Stanisic
Hilmar Þór Hilmarsson

Gul spjöld:
Sædís Rún Heiðarsdóttir ('49)
María Sól Jakobsdóttir ('58)

Rauð spjöld:
Leik lokið!
Þvílíkur leikur!

Þróttarar vinna sinn fyrsta sigur í deildinni í sumar og sá var sannfærandi. Frábær frammistaða hjá röndótta liðinu sem stóð af sér þunga pressu Stjörnunnar í byrjun leiks og sneri leiknum sér í hag.

Ég þakka fyrir mig í bili. Minni á viðtöl og skýrslu síðar í kvöld.

91. mín
Þriðja hornspyrna Þróttar í leiknum og hún er stórhættuleg. Chante rétt nær að blaka boltanum yfir undir pressu.

Þróttarar fá þó ekki fjórða horn heldur fær Stjarnan markspyrnu.
88. mín
Stjörnukonur reyna að bíta frá sér á lokamínútunum. Heiða Ragney var að reyna langskot en það var ekki hættulegt.

Þróttarar aðeins að gefa eftir þennan eldmóð sem hefur einkennt þær í seinni hálfleiknum.
85. mín MARK!
Hildigunnur Ýr Benediktsdóttir (Stjarnan)
Stoðsending: Gyða Kristín Gunnarsdóttir
Hildigunnur klórar í bakkann.

Þróttaravörnin galopnaðist og Hildigunnur skorar af markteig eftir undirbúning Birnu og sendingu Gyðu Kristínar.
84. mín
Eða hvað?

Fínasta skottilraun frá Ölmu. Hún lætur vaða utan teigs en setur boltann rétt yfir Þróttarmarkið!
83. mín
Áfram sækja Þróttarar. Ná þær að finna sjötta markið?

Það er algjör uppgjöf í Stjörnuliðinu.
82. mín
Andrea Rut ber boltann upp miðjuna og fær pláss til að munda skotfótinn. Hún gerir það en setur boltann í fangið á Chante.

Þróttarar með öll völd í seinni hálfleiknum.
78. mín
FÆRI!

Stjarnan fær sitt fyrsta færi í seinni hálfleik. Boltinn dettur fyrir Ölmu á fjær en hún skýtur beint á Írisi Dögg.
77. mín
Inn:Hildur Egilsdóttir (Þróttur R.) Út:Shea Moyer (Þróttur R.)
Fimmta og síðasta skipting gestanna.
75. mín
Inn:Birna Jóhannsdóttir (Stjarnan) Út:Úlfa Dís Kreye Úlfarsdóttir (Stjarnan)
Birna er ekki í öfundsverðu hlutverki að koma inn í þessari stöðu en vonandi nær hún að vekja liðsfélagana.
74. mín MARK!
Shaelan Grace Murison Brown (Þróttur R.)
ÞRÓTTARAR ELSKA AÐ SKORA FIMM MÖRK Á SAMSUNG-VELLINUM

Shaelan opnar markareikning sinn fyrir Þrótt þegar hún klárar gullfallega framhjá Chante.
72. mín
Inn:Guðrún Gyða Haralz (Þróttur R.) Út:Linda Líf Boama (Þróttur R.)
Ferskir fætur inn hjá Þrótturum.
72. mín
Inn:Ísabella Anna Húbertsdóttir (Þróttur R.) Út:Álfhildur Rósa Kjartansdóttir (Þróttur R.)
Ferskir fætur inn hjá Þrótturum.
65. mín
Inn:Alma Mathiesen (Stjarnan) Út:María Sól Jakobsdóttir (Stjarnan)
Áhugaverð skipting. Að mínu mati hefur María Sól verið besti leikmaður Stjörnunnar í leiknum. Mjög góð í fyrri hálfleik og með lífsmarki í þeim síðari. Hún er engu síður að fara útaf og inná í hennar stað kemur hin hæfileikaríka Alma Mathiesen.
65. mín
,,Það er eitt lið á vellinum" syngja kampakátir Köttarar í stúkunni og það er hárrétt hjá þeim.

Stjörnukonur eiga ekki breik og ljóst að taktíska breytingin sem gerð var á heimaliðinu í hálfleik er misheppnuð.
61. mín MARK!
Lea Björt Kristjánsdóttir (Þróttur R.)
Stoðsending: Álfhildur Rósa Kjartansdóttir
LEA SKORAR MEÐ FYRSTU SNERTINGU!

Þróttarar eru búnar að fá tvö horn og eru búnar að skora úr þeim báðum!

Í þetta skiptið er það varamaðurinn Lea Björt sem skorar með sinni fyrstu snertingu í leiknum eftir barning í teignum!

Mér sýndist það vera Álfhildur fyrirliði sem var síðust í boltanum áður en Lea skilaði honum í netið.
60. mín
Inn:Lea Björt Kristjánsdóttir (Þróttur R.) Út:Elísabet Freyja Þorvaldsdóttir (Þróttur R.)
Tvöföld skipting hjá Þrótturum.

Olla búin að vera frábær í kvöld og fær hvíld. Elísabet Freyja er einnig búin að vera mjög góð en hefur verið að glíma við meiðsli.
60. mín
Inn:Shaelan Grace Murison Brown (Þróttur R.) Út:Ólöf Sigríður Kristinsdóttir (Þróttur R.)
Tvöföld skipting hjá Þrótturum.

Olla búin að vera frábær í kvöld og fær hvíld. Elísabet Freyja er einnig búin að vera mjög góð en hefur verið að glíma við meiðsli.
58. mín Gult spjald: María Sól Jakobsdóttir (Stjarnan)
Vel dæmt hjá Elíasi Inga. María Sól braut á Lorena en Þróttarar héldu boltanum og leikurinn gekk. Það leið dágóður tími þar leikurinn stöðvaðist en brotið var geymt en ekki gleymt og Elías sýndi Maríu Sól gult.
55. mín
Stjarnan fær aukaspyrnu. Sóley lyftir fætinum alltof hátt og brýtur á Hildugunni einhverjum 8 metrum utan teigs.

Sædís Rún tekur spyrnuna og lætur vaða á markið. Á frábært skot en boltinn svífur rétt yfir samskeytin!
52. mín MARK!
Kate Cousins (Þróttur R.)
Stoðsending: Andrea Rut Bjarnadóttir
MAAAAARK!

Þróttarar komast í 3-0 með marki eftir hornspyrnu Andreu Rutar.

Hver önnur en Katie Cousins skallar boltann í netið???

Hún er búin að vera algjörlega frábær hér í kvöld og er lang ákveðnust í teignum!

155 cm af pjúra gæðum takk fyrir og túkall!
52. mín
Þróttarar eru grimmari í upphafi seinni hálfleiks. Vinna nú horn eftir sjaldséð mistök Önnu Maríu, fyrirliða Stjörnunnar.
49. mín Gult spjald: Sædís Rún Heiðarsdóttir (Stjarnan)
Bakvörðurinn ungi ætlar ekki að missa Ólöfu Sigríði framhjá sér og hangir heiðarlega í treyjunni hennar. Fær eðlilega gult fyrir vikið.

Þróttarar fá aukaspyrnu úti á miðjum velli hægra megin. Cousins setur boltann inná teig en gestirnir skalla val framhjá. Engin hætta.
46. mín
Leikur hafinn
Seinni hálfleikur er farinn af stað.
46. mín
Inn:Hildigunnur Ýr Benediktsdóttir (Stjarnan) Út:Hanna Sól Einarsdóttir (Stjarnan)
Ein skipting hjá Stjörnunni og Kristján Guðmunds fer um leið í þriggja manna línu með vængbakverði. Hin unga Hanna Sól fer útaf í sínum fyrsta byrjunarliðsleik í Maxinu og Hildigunnur Ýr kemur inn í staðinn.
45. mín
Hálfleikur
Ef við skoðum aftur leik liðanna frá því í fyrra þá leiddu Þróttarar 4-2 í hálfleik í leik sem endaði 5-5. Það er því nægt svigrúm fyrir allskonar uppákomur og mörk í seinni hálfleik.

Sjáum hvað setur. Elías Ingi flautar fjörið aftur í gang um 20:15.

Þangað til sendum við baráttukveðjur í kalda stúkuna og hvetjum fólk til að öskra í sig hita í seinni hálfleik.
45. mín
Hálfleikur
Þróttarar fara inn í hálfleikinn í góðri stöðu. Gestirnir leiða með tveimur mörkum eftir að hafa unnið sig vel inn í leikinn.

Heimaliðið byrjaði af krafti og virtist líklegra til að skora áður en Þróttarar skoruðu bæði sín mörk.

Þróttarar eru hinsvegar búnar að gera vel. Unnu sig út úr þungri pressu heimaliðsins og hafa náð góðum takti í sinn leik.
45. mín
Hálfleikur
Og aftur stórhætta við Stjörnumarkið!

Ég náði satt að segja ekki aðdragandanum en boltinn endaði á fjærstönginni þar sem Shea Moyer gerði sig líklega!

Boltinn virtist fara af varnarmanni og aftur fyrir. Þróttarar fá í það minnsta hornspyrnu sem ekkert verður úr og Elías Ingi flautar til leikhlés.
44. mín
DAUUUÐAFÆRI!

Mér sýnist það vera Katie Cousins sem sendir Ólöfu Sigríði í gegn!

Hún er eldfljót og nær að koma sér framhjá Chante. Á bara eftir að renna boltanum í markið en færið er orðið þröngt og hún setur hann í STÖNGINA!

Algjört dauðafæri!
40. mín
Stjörnukonur eru eðlilega svolítið vankaðar eftir að hafa lent tveimur mörkum undir. Þær voru búnar að vera að hóta jöfnunarmarki þegar vítaspyrnan var dæmd.

Þróttarar eru hinsvegar að spila vel úr sínum spilum. Eru að nýta tækifærin sín og það er það sem telur.
35. mín Mark úr víti!
Kate Cousins (Þróttur R.)
Stoðsending: Ólöf Sigríður Kristinsdóttir
Svellköld Katie Cousins fer á punktinn og setur boltann í hægra markmannshornið, alveg við stöngina.

Öruggt.
34. mín
Víti!

Klaufalegt hjá Hönnu Sól. Hún brýtur á Ólöfu Sigríði úti við hægra vítateigshornið.
31. mín
Aftur stórhættuleg sókn hjá Stjörnunni. Fyrirgjöf Elínar Helgu flýgur yfir Írisi Dögg og dettur við fjærstöngina. Þar er Úlfa í baráttunni en nær ekki að stýra boltanum á markið.
28. mín
Geggjuð sending hjá Ingibjörgu Lúcíu. Lyftir boltanum laglega inn fyrir varnarlínu Þróttar og á Úlfu sem kemst í fínan séns inn í teig en lætur Írisi verja frá sér.

Það er að lifna aftur yfir heimaliðinu!
27. mín
BJARGAÐ Á LÍNU!

Markaskorarinn Ólöf Sigríður bjargar á marklínu eftir hornspyrnu Stjörnunnar!
26. mín
Hættulegt!

María Sól á flott hlaup upp hægra megin og kemur boltanum inná teig. Þar er Gyða Kristín alltof lengi að athafna sig og varnarmaður Þróttar nær að koma sér fyrir skot hennar.

Boltinn hrekkur út og Ingibjörg Lúcía neglir í varnarmann og yfir!
24. mín
Gyða vinnur horn fyrir Stjörnuna. Hún tekur spyrnuna sjálf og setur hættulegan bolta inná teig. Lægsta manneskja vallarins, Katie Cousins, skallar frá.

Boltinn hrekkur þá út til Ingibjargar Lúcíu sem reynir skot en það fer í þéttan varnarmúrinn og hættan líður hjá.
21. mín
Lið Þróttar:

Íris Dögg

Elísabet - Sóley - Jelena - Lorena

Álfhildur

Shea - Andrea Rut

Katherine

Linda Líf - Ólöf Sigríður
20. mín
Byrjunarlið Stjörnunnar:

Chante

María Sól - Anna María - Hanna Sól - Sædís

Betsy - Heiða Ragney

Elín Helga - Ingibjörg Lúcía - Gyða Sól

Úlfa Dís
18. mín
Það var einstefna fyrstu 10 mínútur leiksins en Þróttarar hafa verið að vinna sig inn í leikinn síðustu mínútur.

Gríðarlega sterkt fyrir þær að skora strax í sinni annari alvöru sókn.

Hvernig bregðast Stjörnukonur við þessu?
16. mín MARK!
Ólöf Sigríður Kristinsdóttir (Þróttur R.)
Stoðsending: Andrea Rut Bjarnadóttir
MAAAARK!

Ólöf Sigríður er að koma Þrótti yfir eftir glæsilegan undirbúning Andreu Rutar.

Andrea komst upp vinstra megin og setti svo boltann fyrir markið þar sem Ólöf Sigríður var mætt eins og gammur til að koma boltanum í netið.

Virkilega falleg sókn hjá gestunum!
12. mín
Þróttarar eru að vinna sig aðeins framar á völlinn.

Katie Cousins vinnur aukaspyrnu af sirka 25 metra færi fyrir Þrótt eftir laglega takta með boltann.

Cousins tekur spyrnuna sjálf og lætur vaða. Boltinn þó hátt yfir!
9. mín
Stjarnan vinnur þrjár hornspyrnur í röð en nær ekki að gera sér mat úr þeim. Þróttarar leika með vindinn í fangið og gengur illa að hreinsa boltann fram völlinn.
8. mín
Það er bara eitt lið á vellinum þessar fyrstu mínútur. Þróttarar elta og gengur ekkert að halda í boltann þegar hann vinnst. Virkilega kröftug pressa hjá heimaliðinu.
4. mín
Stjörnukonur byrja þetta af krafti og pressa Þróttara hátt. Voru aftur að koma sér inná teig en Þrótturum tókst að hreinsa.

Stuttu síðar sýnist mér það svo vera Betsy sem á langskot að marki, beint á Írisi.
2. mín
Stjörnuliðið á fyrsta marktækifæri leiksins!

Þær ná að spila sig inná vítateig Þróttara. Þar tekur Úlfa Dís við boltanum og fær nægan tíma til að leggja hann fyrir sig og skjóta. Því miður fyrir hana og Stjörnuna er skotið ekkert spes og endar í fanginu á Írisi Dögg.
1. mín
Leikur hafinn
Leikurinn er byrjaður. Heimakonur byrja.
Fyrir leik
Það styttist í veisluna. Liðin eru að ljúka við upphitun og á leið inn í klefa í lokaundirbúning.
Fyrir leik
Byrjunarliðin eru klár og þau má sjá hér til hliðar.

Kristján Guðmundsson gerir þrjár breytingar frá sigurleiknum gegn Þór/KA. Þær Hanna Sól, Elín Helga og Ingibjörg Lúcía koma inn í liðið. Þær Birna Jóhanns og Hildigunnur Ýr fara á bekkinn en bakvörðurinn Arna Dís Arnþórsdóttir er fjarri góðu gamni í kvöld.

Þróttarar gera eina breytingu á byrjunarliði sínu frá síðustu umferð. Hin knáa Shea Moyer kemur inn í liðið fyrir framherjann með langa nafnið, Shaelan Grace Murison Brown, sem sest á bekkinn.
Fyrir leik
Það verður mjög spennandi að sjá hvað gerist hér í kvöld en þegar liðin mættust á þessum velli í deildinni í fyrra varð úr rosalegur fótboltaleikur.

Lokatölur urðu 5-5 og segja þær allt sem segja þarf um líflegheitin sem boðið var uppá.

Ég kvarta ekki ef við fáum brot af þeim hasar hér á eftir.
Fyrir leik
Leikurinn er sá eini sem spilaður er í Pepsi Max deildinni í kvöld og markar upphafið á 5. umferð sem lýkur með fjórum leikjum á morgun.

Fyrir leik munar stigi á liðunum. Stjarnan situr í 5. sæti með 4 stig. Liðið vann sterkan útisigur á Þór/KA í síðustu umferð en hafði fyrir það tapað tveimur leikjum og gert eitt jafntefli.

Þróttarar sitja í 6. sæti með 3 stig. Liðið gerði jafntefli í þremur fyrstu leikjum sínum en tapaði 3-4 fyrir toppliði Selfoss í síðustu umferð.
Fyrir leik
Heil og sæl!

Verið hjartanlega velkomin í beina textalýsingu frá leik Stjörnunnar og Þróttar.

Dómarinn röggsami, Elías Ingi Árnason, mun flauta til leiks í Garðabænum á slaginu 19:15 og hér verður greint frá öllu því helsta.
Byrjunarlið:
1. Íris Dögg Gunnarsdóttir (m)
Sóley María Steinarsdóttir
Kate Cousins
5. Jelena Tinna Kujundzic
7. Andrea Rut Bjarnadóttir
8. Álfhildur Rósa Kjartansdóttir (f) ('72)
13. Linda Líf Boama ('72)
19. Elísabet Freyja Þorvaldsdóttir ('60)
21. Lorena Yvonne Baumann
29. Ólöf Sigríður Kristinsdóttir ('60)
44. Shea Moyer ('77)

Varamenn:
2. Sigmundína Sara Þorgrímsdóttir
4. Hildur Egilsdóttir ('77)
14. Guðrún Ólafía Þorsteinsdóttir
15. Ísabella Anna Húbertsdóttir ('72)
21. Lea Björt Kristjánsdóttir ('60)
25. Guðrún Gyða Haralz ('72)

Liðsstjórn:
Nik Chamberlain (Þ)
Egill Atlason
Jamie Paul Brassington
Edda Garðarsdóttir
Shaelan Grace Murison Brown
Henry Albert Szmydt
Ásdís Atladóttir

Gul spjöld:

Rauð spjöld: