Stefnir í hörku stemningu en bæði lið hafa tekið stuðningssöngva. Rauður hákarl flaggar fána HK, allt eins og við viljum hafa þetta.

Beinar textalýsingar:
19:15 KR - ÍA
19:15 Fylkir - Stjarnan
19:15 HK - Leiknir R.

Byrjunarliðin eru klár og má sjá hér til hliðar.

HK heimsóttu KR í síðustu umferð og sóttu gott stig af Meistaravöllum. Þeir gera tvær breytingar á liði sínu frá þeim leik en Jón Arnar Barðdal og Stefan Alexander Ljubicic koma inn fyrir Bjarna Gunnarsson og Atla Arnarsson.

Leiknismenn hafa farið frábærlega af stað í þessari deild og sigruðu FH á heimavelli í síðustu umferð. Þeir gera þrjár breytingar fyrir þennan leik en Daði Bærings Halldórsson, Máni Austmann Hilmarsson og Arnór Ingi Kristinsson koma inn fyrir Erni Bjarnason, Árna Elvar Árnason og Gyrðir Hrafn Guðbrandsson .

Ívar Orri Kristjánsson er á flautunni í dag og honum til aðstoðar eru þeir Birkir Sigurðarson og Jóhann Gunnar Guðmundsson. Fjórði dómari hér í kvöld er Sigurður Óli Þorleifsson og þá er eftirlitsdómarinn í kvöld Viðar Helgason.

Matthías Orri Sigurðarson, leikmaður KR í körfubolta, spáir í leiki sjöundu umferðar.

HK 1 - 0 Leiknir
Bragðdaufur leikur sem endar í 1-0 sigri HK. MMA sérfræðingurinn Ásgeir Börkur klárar þennan á 55 mínútu.

Við skulum kíkja á tölfræðiþætti liðana fyrir þessa umferð.

HK:

Staða í deild: 10. sæti
Sigrar: 0
Jafntefli: 3 (50%)
Tap: 3 (50%)
Mörk skoruð: 7
Mörk fengin: 12
Markatala: -5

Síðustu 5 leikir:
KR 1 - 1 HK
HK 1-3 ÍA
HK 1-3 FH
Valur 3-2 HK
HK 2-2 Fylkir

Markahæstir:
Stefan Alexander Ljubicic - 3 Mörk
Ásgeir Marteinsson - 1 Mark
Jón Arnar Barðdal - 1 Mark
Birnir Snær Ingason - 1 Mark
Arnþór Ari Atlason - 1 Mark



Leiknir Reykjavík:

Staða í deild: 7. sæti
Sigrar: 2 (33.3%)
Jafntefli: 2 (33.3%)
Tap: 2 (33.3%)
Mörk skoruð: 8
Mörk fengin: 8
Markatala: 0

Síðustu leikir:
Leiknir R 2-1 FH
Valur 1-0 Leiknir R
Leiknir R 3-0 Fylkir
KA 3-0 Leiknir R
Leiknir R 3-3 Breiðablik

Markahæstir:
Sævar Atli Magnússon - 5 Mörk
Máni Austmann Hilmarsson - 1 Mark
Henrik Berger - 1 Mark
Gyrðir Hrafn Guðbrandsson - 1 Mark

Leiknismenn hafa farið virkilega vel af stað og eru með 8 stig í 7.sæti deildarinnar og búnir að sækja 2 sigra gegn Fylki og gegn FH í síðustu umferð 2-1 þar sem Sævar Atli Magnússon fyrirliði Leiknis skoraði bæði mörk sinna manna.
Það er því ljóst að Leiknismenn eru alls ekkert fallbyssufóður eins og menn kepptust við að spá þeim fyrir mót.

HK er enn í leit af fyrsta sigri sumarsins en þeir heimsóttu KR í síðustu umferð og sóttu gott stig í Vesturbænum þegar þeir gerðu 1-1 jafntefli. Atli Sigurjónsson skoraði flott mark fyrir KR þar sem hann lyfti boltanum frábærlega úr þröngri stöðu yfir Arnar Freyr í marki HK og kom KR yfir áður en varamaðurinn Stefan Alexander Ljubicic jafnaði metinn þegar 6 mínútur voru eftir af venjulegum leiktíma og þar við sat.

Staðan í deildinni lítur svona út eftir 6 umferðir.

1. Valur 16 stig (+6)
2. Víkingur Reykjavík 14 stig (+6)
3. KA 13 stig (+8)
4. FH 10 stig (+5)
5. Breiðablik 10 sitg (+4)
6. KR 8 stig (+1)
7. Leiknir Reykjavík 8 stig (0)
8. Fylkir 6 stig (-3)
9. ÍA 5 stig (-5)
10. HK 3 stig (-5)
11. Keflavík 3 stig (-9)
12. Stjarnan 2 stig (-8)

Helmingurinn af umferðinni var frestað vegna landsliðsverkefnis Íslands þar sem 7 leikmenn úr Pepsi Max deild karla voru kallaðir upp í verkefnið en öll þau lið sem áttu fulltrúa í þeim hópi fengu frestun á sína leiki og verða þeir leikir spilaðir 7.júní.

HK og Leiknir eiga því miður ekki fulltrúa að þessu sinni en við skulum aldrei afskrifa neitt!

Komið margblessuð og sæl og verið hjartanlega velkominn í þessa þráðbeinu textalýsingu frá leik HK og Leiknis Reykjavíkur í 7.umferð Pepsi Max deildar karla.