KR mun spila í átt að KR heimilinu í fyrri hálfleik.

Liðin ganga hér inn á völlinn og þeir áhorfendur sem eru mættir klappa fyrir þeim.

Eins og fram kemur í byrjun lýsingarinnar að þá hafa leikir þessara liða yfirleitt verið stórmeistaraslagir og lítið gefið eftir í baráttunni. Gott dæmi um það er æfingaleikur sem fram fór á milli liðanna í lok apríl. Hann var flautaður af þegar 15 mínútur voru eftir.

Æfingaleikur KR og ÍA flautaður af á 75. mínútu

Sólin er að brjótast fram úr skýjunum og lítur út fyrir að við fáum hið prýðilegasta knattspyrnuveður. Völlurinn væntanlega vel blautur eftir rigningardagana og það bíður alltaf upp á skemmtun.

Beinar textalýsingar:
19:15 KR - ÍA
19:15 Fylkir - Stjarnan
19:15 HK - Leiknir R.

Byrjunarliðin eru komin hingað inn.

KR
Rúnar Kristinsson þjálfari KR, gerir eina breytingu frá leiknum gegn HK. Stefán Árni Geirsson er ekki í hóp en í staðinn kemur Kristján Flóki inn í byrjunarliðið.

ÍA
Jóhannes Karl Guðjónsson, þjálfari ÍA, gerir fimm breytingar frá leiknum gegn Breiðabliki. Jón Gísli Eyland, Arnar Már Guðjónsson, Elías Tamborini, Hákon Ingi Jónsson og Ólafur Valur Valdimarsson fara úr byrjunarliðinu. Inn koma þeir Hallur Flosason, Brynjar Snær Pálsson, Gísli Laxdal Unnarsson, Morten Beck og Steinar Þorsteinsson.

Siðan vil ég að sjálfsögðu minna Twitter notendur á að nota myllumerkið #Fotboltinet á Twitter og þá er aldrei að vita hvort valdar færslur rati í lýsinguna.

Það verður fróðlegt að sjá hvort að Skagamenn nái að koma í veg fyrir það að fá rautt spjald í kvöld. Af þeim sex umferðum sem lokið er, hafa þeir fengið rautt spjald í þremur leikjum. Það er yfirleitt ekki vænlegt til árangurs.

Dómari og aðstoðadómarar

Jóhann Ingi Jónsson er dómari leiksins

Honum til aðstoðar eru þeir

Þórður Arnar Árnason & Ragnar Þór Bender. Sigurður Hannesson er svo eftirlitsdómari kvöldins.

Nafni minn hann Matthías Orri Sigurðarsson leikmaður KR í körfubolta er spámaður sjöundu umferðar á Fótbolti.net.

KR 3 - 0 ÍA
Þægilegur sigur minna manna í KR. Kjartan Henry setur tvö og fiskar víti sem Pálmi leggur þægilega í vinstra hornið.

Skagamenn eru með einn sigur, tvö jafntefli og þrjú töp.

KR eru með 2 sigra, tvö jafntefli og tvö töp úr þessum 6 umferðum sem eru búnar.

KR vill væntanlega svara fyrir sig eftir að hafa gert jafntefli á heimavelli við HK í síðustu umferð. Skagamenn töpuðu 2 - 3 fyrir Breiðablik.

Skoðum aðeins söguna. Liðin hafa leikið 114 leiki innbyrðis í efstu deild. Þar er KR með 41 sigur. Skagamenn 45. Jafntefli hafa verið 28.

Skagamenn hafa skorað 172 mörk í þessum leikjum og KR 160. Síðasti sigurleikur ÍA á móti KR kom hinsvegar 2016. Sigra þeir í kvöld eða saxar KR enn á sigurhlutfallið þeirra á milli?

Skagamenn hafa mátt muna fífil sinn fegurri. Í ár eru komin 20 ár frá síðasta íslandsmeistaratitli þeirra og hafa síðustu ár ekki verið þeim gjöful. Skagamenn hafa flakkað á milli efstu og næst efstu deildar. Þeir komu upp í efstu deild 2019 og hafa haldið sér upp síðustu tvö ár. Margir hafa spáð þeim falli í sumar en þeir eru staðráðnir í að afsanna þá spá.

Áður fyrr voru leikir á milli þessara liða, svokallaðir stórmeistaraleikir, El Classico Íslands. En það er af sem áður var. KR hefur haldið stöðu sinni sem stórveldi síðustu árin þótt komin séu tvö ár fra síðasta íslandsmeistaratitli.

Velkomnir kæru lesendur í beina textalýsingu frá Meistaravöllum þar sem leikur KR & ÍA í sjöundu umferð Pepsí Max deildar karla í knattspyrnu fer fram. Leikurinn hefst kl. 19:15