Adam Ægir Pálsson, leikmaður Reykjavíkur Víkings, er spámaður umferðarinnar. Fjórir leikir fara fram í sjöttu umferð í kvöld, einn á laugardag og einn á mánudag.



Kórdrengir 3-2 Grótta (Í kvöld 19:15)
3-2 Kórdrengir. Gunnar Orri skorar þrennu og fagnar með því að dab-a, öll assistin frá Ásgeiri Frank sem er með sturlaða löpp. Svo verður Gústi goodshit gargandi á fullu úr stúkunni! Þetta er leikur umferðarinnar!

Það dropar aðeins af himnum hér í Breiðholti, aðstæður fyrir fótboltaleik eru afskaplega fínar. Blautt gervigras og stuð.

Tvær breytingar á byrjunarliði Gróttu frá síðasta leik. Kjartan Kári Halldórsson og Júlí Karlsson koma inn fyrir Halldór Kristján og Björn Axel Guðjónsson.

Sóknarmaðurinn Albert Brynjar Ingason er meðal varamanna hjá Kórdrengjum, hann hefur misst af síðustu leikjum vegna meiðsla en er að snúa til baka.

Kórdrengir gera eina breytingu á byrjunarliði sínu frá síðasta leik. Nígeríumaðurinn Fatai Gbadamosi kemur inn fyrir Gunnlaug Fannar. Gbadamosi kom til Kórdrengja rétt fyrir lok gluggans og er að spila sinn fyrsta leik fyrir félagið.

Gunnlaugur Fannar Guðmundsson er ekki með Kórdrengjum í kvöld en hann fékk rautt spjald í 2-2 jafnteflinu gegn ÍBV í Vestmannaeyjum síðasta föstudag. Þrátt fyrir að vera tíu gegn ellefu þá komust Kórdrengir yfir í þeim leik.

Gróttumenn hafa farið illa að ráði sínu í síðustu tveimur leikjum. Töpuðu 3-0 forystu gegn Selfossi niður í 3-3 jafntefli og 2-0 forystu gegn Þrótti í 2-2 jafntefli. Halldór Kristján Baldursson fékk rautt gegn Þrótturum og tekur út leikbann í kvöld.

Það eru bara tvö sæti spennandi í Lengjudeildinni og bæði þessi lið eru með 8 stig og geta gert sig gildandi í toppbaráttunni með sigri. Ég reikna fastlega með jöfnum, spennandi og stórskemmtilegum leik.

Aðalbjörn Heiðar Þorsteinsson er dómari leiksins en aðstoðardómarar eru Eysteinn Hrafnkelsson og Steinar Gauti Þórarinsson.

Gott og gleðilegt kvöld og verið velkomin með okkur í þráðbeina textalýsingu frá Austurbergi í Breiðholti þar sem Kórdrengir og Grótta eigast við í sjöttu umferð Lengjudeildarinnar. Leikið á Domusnova gervigrasinu.