Liðin ganga til vallar og styttist í að þessi veisla hefjist. Ná Keflvíkingar sínum fyrsta sigri á Leikni síðan 2015 eða heldur hreðjatak Breiðhyltinga á Keflavík áfram?

Ísak Óli Ólafsson var kynntur til leiks með ansi rosalegu myndbandi hjá Esbjerg nú rétt í þessu. Sjón er sögu ríkari segi ég nú bara.

🤝🇮🇸 pic.twitter.com/TLxshjcp6V

— Esbjerg fB (@EsbjergfB) June 20, 2021

Byrjunarliðin

Keflavík gerir eina breytingu á liðin sínu frá sigrinum gegn HK á dögunum. Ísak Óli Ólafsson sem farinn er til Danmerkur til að ganga frá félagaskiptum sínum þar hverfur á braut og í hans stað kemur Ingimundur Aron Guðnason.
Gestirnir úr Breiðholti gera þrjár breytingar á liðinu sem tapaði gegn KR Daði Bæring Halldórsson, Árni Elvar Árnason, Arnór Ingi Kristinsson víkja úr byrjunarliðinu fyrir þá Daða Bærings Halldórson, Gyrði Hrafn Guðbrandsson og Loft Pál Eiríksson

Aðstæður

Það eru prýðisaðstæður í Keflavík fyrir þennan leik. Vestlæg átt um 8m/s og hitinn í kringum 10 gráðurnar. Völlurinn er bara í fínu standi en það sér alveg á honum enda tveir leikir farið fram á honum undanfarna fimm daga.

Tríóið

Elías Ingi Árnason er með flautuna á HS-Orkuvellinum í kvöld. Honum til aðstoðar eru þeir Oddur Helgi Guðmundsson og Eðvarð Eðvarðsson. Einar Ingi Jóhannsson er varadómari og Viðar Helgason sér um að fylgjast með að allt fari vel fram sem eftirlitsmaður KSÍ.

Fyrri viðureignir í efstu deild

Tvo leiki hafa liðin leikið í efstu deild til þessa. Keflavík hefur unnið annan þeirra en hinum lauk með jafntefli.

Sú tölfræði segir okkur þó fátt þar sem umræddir leikir fóru fram sumarið 2015 og er sigur Keflavíkur á Leikni það sumarið síðasti sigur Keflavíkur á Leikni. Síðan þá hafa liðin mæst alls átta sinnum í B-deild og er Keflavík sigurlaust þar, Leiknir hefur unnið fimm viðureignir þar af báða leiki liðanna í fyrra en 3 hefur lokið með jafntefli.

Keflavík

Eftir góðan sigur í annari umferð hafa fylgdu fjögur töp í röð hjá Keflavík. Þeir réttu þó úr kútnum í síðustu umferð og unnu sigur á liði HK 2-0.

Joey Gibbs sem ansi margir Fantasy spilarar hafa eflaust tekið úr liði sínu eftir fyrstu umferðinar hefur verið að finna netmöskvanna í undanförnum leikjum og skoraði bæði mörk Keflavíkur í sigrinum á HK.

Skarð er þó hoggið í lið Keflavíkur en miðvörðurinn sterki Ísak Óli Ólafsson sem verið hefur á láni hjá liðinu frá danmörku hefur yfirgefið Keflavík á ný eftir að hafa verið seldur frá Sönderjyske til Esjberg þar sem hann gekkst undir læknisskoðun í dag.

Leiknir R.

Nýliðar Leiknis geta vel við unað eftir að rúmlega þriðjungi mótsins er lokið. Sjálfsagt að þeir myndu vilja hafa fleiri stig en 7. sætið með 8 stig er þeirra hlutskipti eftir 8 leiki.

Sævar Atli Magnússon hefur verið heitur fyrir framan markið í leikjum liðsins í sumar og er kominn með 6 mörk í leikjunum 8. Aðeins Nikolaj Hansen í liði Víkinga hefur skorað meira eða alls 7 mörk.

Gott kvöld lesendur góðir og verð hjartanlega velkomin í beina textalýsingu Fótbolta.net frá leik Keflavíkur og Leiknis í 9.umferð Pepsi Max deildar karla í knattspyrnu.