Grindvíkingar gera hvorki fleiri né færri en átta breytingar á sínu liði frá 3-1 sigri liðsins gegn Gróttu í Lengjudeildinni á föstudaginn. Maciej Majewski er í markinu í stað Arons Dags Birnusonar. Dion Acoff, Freyr Jónsson, Þröstur Mikael Jónasson, Símon Logi Thasaphong, Mirza Hasecic, Marinó Axel Helgason og Laurens Symons koma allir inn í liðið.

Walid Abdelali, Viktor Guðberg Hauksson, Sindri Björnsson, Tiago Fernandes og Sigurður Bjartur Hallsson setjast á bekkinn. Oddur Ingi Bjarnason og Aron Jóhannsson eru ekki í hópnum í kvöld.

Byrjunarliðin eru komin inn. Þór gerir fimm breytingar á sínu liði frá 0-1 tapinu gegn Kórdrengjum á föstudaginn í Lengjudeildinni. Auðunn Ingi Valtýsson kemur í markið, Birgir Ómar Hlynsson, Jakob Snær Árnason, Ásgeir Marinó Baldvinsson og Sölvi Sverrisson koma einnig inn.

Daði Freyr Arnarsson, Elvar Baldvinsson, Jóhann Helgi Hannesson, Fannar Daði Malquist Gíslason og Alvaro Montejo setjast allir á bekkinn.

Þór sigraði Magna í síðustu umferð bikarsins með þremur mörkum gegn engu. Sölvi Sverrisson, Fannar Daði Malmquist Einarsson og Aðalgeir Axelsson skoruðu mörkin.

Grindavík sigraði Hvíta riddarann í síðustu umferð einnig með þremur mörkum gegn engu. Tiago Manuel Silva Fernandes, Josip Zeba og Sigurður Bjartur Hallsson skoruðu mörkin.

Það var árið 2011 sem liðin áttust síðast við í bikarnum. Það var hér á Þórsvelli og heimamenn sigruðu á dramatískan hátt. Staðan var 1-1 eftir venjulegan leiktíma en Þórsarar skoruðu á 120. mínútu og tryggðu sér 2-1 sigur. Þess má til gamans geta að Orri Freyr Hjaltalín núverandi þjálfari Þórs var fyrirliði Grindavíkur í þessum leik.

Góðan daginn gott fólk og velkomin í textalýsingu á Lengjudeildarslag Þórs og Grindavíkur í 32-liða úrslitum Mjólkurbikars karla.

Leikurinn er á Salt-Pay vellinum á Akureyri og hefst kl 18:00. Leikurinn er einnig í beinni útsendingu á Stöð2Sport4.