Leikmennirnir eru farnir inn í klefa. Það eru 10 mínútur í leik.

,,Það eru allir vel gíraðir fyrir þennan leik. Hvað segir það okkur að þeir séu búnir að kalla inn landsliðsmenn fyrir þennan leik? Þeir eru greinilega stressaðir og ekkert svo sigurvissir. Við þurfum að nýta okkur það," sagði Heimir einnig í viðtalinu.

Heimir Guðjónsson þjálfari Vals var í viðtali við Henry Birgi á Stöð2Sport fyrir leik. Þar var hann spurður út í þá ákvörðun að Patrick Pedersen byrji á bekknum.

,,Ég mat það svo að þetta væri sterkasta liðið til að byrja þennan leik," sagði Heimir. Athyglisvert.

Damir Krznar þjálfari Dinamo Zagreb er goðsögn hjá félaginu en hann á að baki 122 leiki fyrir félagið sem leikmaður á árunum 1995-2004.

Hann er ný tekinn við liðinu en áður var hann aðstoðarþjálfari liðsins.

Þar áður var hann að aðstoðarþjálfari hjá Al-Nassr, Al Ain og síðan aðalþjálfari hjá Al-Hilal áður en hann snéri aftur til Króatíu.

Valsmenn þurfa að hafa fullan fókus á Mislav Orsic sem er króatískur landsliðsmaður og kemur inn í byrjunarliðið og beint í fremstu víglínu. Hann var markahæsti leikmaður Dinamo Zagreb á síðustu leiktíð með 16 mörk, jafn mörg mörk og Svissverjinn, Mario Gavranovic sem byrjar á bekknum.

Það er stórt skarð sem Christian Köhler og Sverrir Páll þurfa að fylla í stað Hauks Páls og Patrick Pedersen.

Valsmenn hafa verið að bleyta völlinn vel hér fyrir leik og hafa vatnsgræjurnar verið í gangi mest megnis í allan dag. Það er farið að sjást vel á vellinum enda nokkrir pollar komnir á völlinn.

Mario Gavranovic, sem skoraði jöfnunarmark Sviss gegn Frakklandi á EM á dögunum er á varamannabekk Dinamo Zagreb í kvöld.

Króatísku landsliðsmennirnir, Mislav Orsic, Bruno Petkovic og Luka Ivanusec koma allir inn í byrjunarliðið en þeir voru ekki með Dinamo í fyrri leiknum.

Heimir Guðjónsson gerir þrjár breytingar frá 3-2 tapinu í fyrri leiknum. Orri Sigurður Ómarsson, Haukur Páll Sigurðsson og Patrick Pedersen fara á bekkinn og inn koma Magnus Vall, Christian Köhler og Sverrir Páll Hjaltested koma inn í þeirra stað.

Dinamo Zagreb hefur unnið króatísku úrvalsdeildina síðustu fjögur ár. Tímabilið 2018/2019 unnu þeir deildina með 25 stiga mun. Miklir yfirbuðir en tíu lið leika í króatísku úrvalsdeildinni þar sem spiluð er fjórföld umferð.

Þetta hefur Heimir Guðjónsson þjálfari Vals að segja um Dinamo Zagreb:

,,Þetta er auðvitað mjög gott fótboltalið og kemst ekki þangað sem það hefur farið án þess að spila góðan fótbolta. Hinsvegar er þetta einn leikur í kvöld og það getur allt gerst í þessu."

Valsmenn verða á Magnus Egilsson og Tryggva Hrafns Haraldssonar í leiknum í kvöld. Þetta staðfesti Heimir Guðjónsson þjálfari Vals í samtali við Valur Fótbolti á samfélagsmiðlum.

,,Ég held að leikmenn hafi sýnt með frammistöðunni ytra að þeir eiga stuðningin skilið. Nú er búið að lyfta takmörkunum og vonandi verður góður stuðningur úr stúkunni því það skiptir okkur sannarlega máli," sagði Heimir við Valur Fótbolti.

Dinamo er gríðaralega sterkt lið sem sló Tottenham úr leik í Evrópudeildinni á síðustu leiktíð. Valur hefði ekki getað mætt öflugra liði þegar dregið var. Það ríkir því mikil eftirvænting fyrir leiknum.

Útivallamarkareglan gildir ekki lengur í keppnum á vegum UEFA svo framlengt verður ef að Valur vinnur eins marks sigur.

Dinamo Zagreb voru án nokkura lykilmanna í fyrri leiknum en þeir hafa nú endurheimt Mario Gavranovic, sem skoraði jöfnunarmark Sviss gegn Frakklandi á EMá dögunum og króatísku landsliðsmennina Mislav Orsic, Bruno Petkovic og Luka Ivanusec.

Landsliðsmarkvörðurinn, Dominik Livakovic fékk þó lengra sumarfrí og verður ekki með í seinni leiknum.

,,Við erum fáranlega ánægðir með að ná þessum tveimur mörkum í lokin og að halda okkur inn í þessu einvígi. Við komum vel gíraðir inn í heimaleikinn, það hefði verið leiðinlegt að vera 0-3 undir og mæta í seinni leikinn heima," sagði Guðmundur Andri Tryggvason leikmaður Vals í samtali við Fótbolta.net eftir fyrri leikinn.

Þjálfari Dinamo Zagreb segist hafa verið farinn að plana skemmtiferð til Íslands í huga sínum, en núna sé staðan önnur.

Dinamo mætti Íslandsmeisturum Vals í forkeppni Meistaradeildarinnar í gær og gat Dinamo komist í 4-0 í seinni hálfleik. Hannes Þór Halldórsson varði hins vegar vítaspyrnu og Valur skoraði tvö mörk. Leikurinn endaði 3-2 og miði er möguleiki fyrir Valsmenn.

,,Við breyttum ferðinni til Íslands nánast í skemmtiferð. En við misstum einbeitinguna og fengum tvö skrautleg mörk á okkur. Núna þurfum við að taka seinni leikinn alvarlega. Það var augljóst að það var mikill gæðamunur á liðunum, en við þurfum að vinna fyrir þessu," sagði Damir Krznar, þjálfari Dinamo, eftir sigurinn.

Það eru öðruvísi aðstæður á Íslandi en í Króatíu. Það er mikið kaldara og það er spilað á gervigrasi á Hlíðarenda.

,,Við erum að fara til Reykjavík til að vinna, til að sýna við erum betra lið," segir Krznar en seinni leikurinn fer fram í næstu viku.

Gangur leiksins í fyrri leiknum:

Dinamo Zagreb 3 - 2 Valur
1-0 Arijan Ademi (f) ('8 )
2-0 Lovro Majer ('41 , víti)
3-0 Arijan Ademi (f) ('72 )
3-0 Arijan Ademi (f) ('82 , misnotað víti)
3-0 Kristinn Freyr Sigurðsson ('88 , misnotað víti)
3-1 Kristinn Freyr Sigurðsson ('88 )
3-2 Andri Adolphsson ('89 )

Verið velkomin í beina textalýsingu frá Origo-vellinum þar sem Valur og Dinamo Zagreb eigast við í seinni leik liðanna í undankeppni Meistaradeildarinnar.

Dinamo Zagreb hafði betur í fyrri leiknum ytra, 3-2 eftir að hafa komist í 3-0 og klikkað þar að auki úr vítaspyrnu í stöðunni 3-0. Valsmenn gáfust ekki upp og sýndu mikinn karakter og skoruðu tvö mörk á loka kafla leiksins.