Hannes Þór Halldórsson er fyrirliði Vals þar sem Haukur Páll er á bekknum og varafyrirliðinn Rasmus er í banni.

Jóhann Ingi Jónsson dæmir leikinn í dag.

ÍA spilar í gulum treyjum og svörtum stuttbuxum. Valur spilar í rauðum treyjum og hvítum stuttbuxum.

Ellefu gráðu hiti, sólin kíkir inn á milli og það er smá gola á Akranesi.

Byrjunarliðin eru klár:

Jóhannes Karl Guðjónsson, þjálfari ÍA, gerir fjórar breytingar frá leiknum gegn Leikni. Wout Droste er ekki í leikmannahópi ÍA og þeir Aron Kristófer Lárusson og Hlynur Sævar Jónsson taka sér sæti á bekknum. Morten Beck Andersen er farinn til baka í FH en hann var á láni. Inn í liðið koma þeir Jón Gísli, Hallur, Elias Tamburini og Alex Davey snýr til baka eftir leikbann.

Heimir Guðjónsson, þjálfari Vals, gerir fjórar breytingar frá leiknum gegn Dinamo. Þeir Birkir Heimisson og Rasmus Christiansen taka út leikbann á meðan þeir Sverrir Páll Hjaltested og Guðmundur Andri Tryggvason taka sér sæti á bekknum. Inn koma Orri Sigurður, Almarr, Andri Adolphsson og Patrick Pedersen. Skagamennirnir Arnór Smárason og Tryggvi Hrafn Haraldsson eru á bekknum.

Leikmenn í banni og úr banni:

Alex Davey, leikmaður ÍA, tók út leikbann í síðasta leik og verður líklega með í dag.

Þeir Birkir Heimisson og Rasmus Christiansen hjá Val taka út leikbann í leiknum í dag. Líklega koma þeir Orri Sigurður Ómarsson og Haukur Páll Sigurðsson inn í lið Vals í stað Birkis og Rasmus.

Rosalega vond orka
,,Leikur Skagamanna í heild sinni... maður sá ekkert leikplan hjá þeim," sagði Elvar Geir Magnússon í nýjasta þætti Innkastsins. ,,Þeir gerðu bara eitthvað," sagði Tómas Þór.

,,Þetta er lið í deildinni sem langminnst með boltann, langneðst í 'possession' tölum, þeir eru ekki að fá nein stig, leikmenn eru engu að skila og útlitið er hrikalega dökkt. Þeir eru komnir með annan fótinn og nokkrar tær í viðbót niður í Lengjudeildina," sagði Elvar Geir jafnframt.

,,Það er rosalega vond orka í kringum þetta hjá þeim. Þegar maður fer í gegnum nafnalistann eru fínustu leikmenn þarna," sagði Ingólfur.

,,Hverjir? Hverjir eru góðir 2021?" spurði Tómas og hélt áfram:

,,Ég mun aldrei segja neitt vont um Viktor Jónsson, en eftir að ég lofaði hann mikið í Blikaleiknum um daginn þá hefur hann lítið gert. Sindri Snær hefur verið í meiðslum og ekki upp á sitt besta síðustu árin, Óttar Bjarni hefur dalað, þessi Davey getur ekki neitt, þeir eru í markvarðarbrasi, bakverðirnir eru ekki góðir. Þessir ungu strákar eru sprækir en þetta eru ekki Bjarki Steinn, Stefán eða Tryggvi. Þeir eru nokkrum þrepum fyrir neðan."

Jóhannes Karl Guðjónsson, þjálfari ÍA, hefur talað um að hann sé sáttur með hópinn. ,,Það er mitt hlutverk að ná meira út úr þessum hópi. Ég hef gríðarlega trú á þessum strákum. Við ætlum ekki að enda á botninum í þessari deild," sagði hann eftir naumt tap gegn Víkingum í síðustu viku.

,,Ég veit ekki af hverju það er verið að tala um að þetta sé gott lið á pappír, mér finnst þeir ekkert svakalega góðir," sagði Tómas Þór í Innkastinu.

Jói Kalli þjálfari ÍA

Morten Beck farinn í FH
FH kallaði í gær Morten Beck Andersen til baka úr láni frá ÍA. Morten tókst ekki að skora í níu deildarleikjum með ÍA fyrri hluta tímabilsins en skoraði í eina bikarleiknum til þessa.

ÍA:
Heimamenn eru í botnsæti deildarinnar, hafa fengið eitt stig í síðustu fimm leikjum og eru sex stigum frá tíunda sætinu. Í síðasta leik, gegn Leikni, tapaði ÍA 2-0 á Domusnova á mánudag.

ÍA er með sex stig og hefur unnið einn leik í sumar.

,,Við getum kannski ekki verið að horfa svo langt akkúrat núna en taflan lýgur ekki. Við höfum ekki verið nógu góðir og í alltof mörgum leikjum hefur andstæðingurinn verið betri en við.Stigasöfnunin sýnir að við erum í mikilli brekku og það er gríðarlegt mótlæti hjá okkur. Okkur hefur fundist sumir leikir stöngin út að einhverju leiti en það eru bara við sem getum breytt því og í svona mótlæti verða oft til alvöru leiðtogar." sagði Jóhannes Karl, þjálfari ÍA, eftir leikinn gegn Leikni.

Gísli Laxdal Unnarsson er markahæstur í sumar með þrjú mörk. Þeir Viktor Jónsson, Ísak Snær Þorvaldsson og Þórður Þorsteinn Þórðarson eru næstmarkahæstir með tvö mörk.

Valur:
Íslandsmeistarararnir eru í toppsæti deildarinnar fyrir umferðina með fjögurra stiga forskot á Víking og Breiðablik, Blikar eiga þó leik til góða.

Valur hefur náð í tíu stig í síðustu fimm deildarleikjum og vannst 2-0 sigur gegn FH þann 1. júlí í síðasta deildarleik. Síðan hefur liðið mætt Dinamo Zagreb í Meistaradeildinni en tapaði báðum þeim leikjum (3-2 í Króatíu og 0-2 á Origo vellinum á þriðjudag). Valur mætir næst Bodö/Glimt í einvígi í 2. umferð Sambandsdeildarinnar en tapliðin í Meistaradeildinni fara í Sambandsdeildina.

Patrick Pedersen er markahæsti leikmaður liðsins í deildinni með fimm mörk. Sigurður Egill Lárusson er næstmarkahæstur með þrjú mörk.

Óskar Már Alfreðsson hjá Domusnova, El Normale eða Sá venjulegi, er spámaður 13. umferðar Pepsi Max-deildarinnar. Hann spáir mjög öruggum útisigri.

ÍA 0 - 6 Valur
Valur tekur létta æfingu. Guðmundur Andri verður með þrennu - Jói Kalli látinn fara eftir leik og Siggi Jóns mætir á svæðið.

Góðan daginn lesendur góðir og veriði velkomnir í beina textalýsingu frá Norðurálsvellinum á Akranesi. Þar mætast ÍA og Valur í 13. umferð Pepsi Max-deildarinnar og hefst leikurinn klukkan 16:00.