Komið fram í uppbótartíma.

Mér, persónulega, finnst að dómarar eigi að lesa leikinn í svona stöðu. Flauta þetta bara af, leikurinn er búinn. Óþarfi að bæta einhverju við. En svo eru víst einhverjar reglur á móti þessu.

Lesa leikinn takk!

ÍBV að landa flottum sigri. Þetta er að fjara út.

Geggjaður leikur hjá Sito!!!

Tómas Bent gerði það fjórða.

Stefán Ingi skoraði þriðja mark ÍBV.

Grindvíkingar pirraðir. Sigurður Bjartur fer í slæma tæklingu og Óskar Elías meiðir sig.

Eyjamenn pirraðir í stúkunni, vilja gult spjald.

ÍBV fær hornspyrnu. Það verður ekkert úr henni. Dion geysist upp en er stöðvaður. Ég dáist að þessum krafti í ÍBV í seinni hálfleik.

Guðjón Pétur og Telmo búnir að vera ofboðslega góðir inn á miðjunni í seinni hálfleik, að mínu mati.

Grindavík nær að komast yfir miðju og á hér innkast lengst upp á vellinum.

ÍBV endurheimtir boltann og fer upp í sókn.

Eyjamenn halda bara áfram. Þeir fá tíma til að syrgja fréttir dagsins eftir leikinn. Þeir ætla að klára þetta með stæl.

Þeir pressa og pressa, ætla að skora fjórða markið.

Guðjón Pétur að skora! Eyjamenn verið frábærir í seinni hálfleik það sem af er.

Þokan er komin aftur.

DAUÐAFÆRI
Felix Örn með flotta fyrirgjöf sem finnur Stefán Inga í teignum. Hann hittir boltann hins vegar mjög illa og Aron handsamar skotið.

Ég veit að þetta er fótboltasíða en það var verið að tilkynna nýjar reglur í samfélaginu.

Nýjar samkomutakmarkanir taka gildi á miðnætti annað kvöld. 200 manns mega koma saman og eins metra fjarlægðarmörk verða í gildi.

Úff. Engin Þjóðhátíð, annað árið í röð. Það stefnir alla vega í það. Því miður fyrir ÍBV og aðra.

Guðjón Ernir reynir skot en yfir markið fer það.

Næstum því annað mark!
ÍBV fær aukaspyrnu á fínum stað. Sito reynir skot sem Aron Dagur nær ekki að halda. Hann slær boltann fyrir fætur Tómasar, en Aron ver skot hans.

ÍBV að byrja af krafti!!

Sito búinn að vera sjóðheitur í sumar.

Sito kemur sér í fína stöðu en Sindri hendir sér fyrir og bjargar því að skot hans fari á markið. Sito kannski aðeins of lengi að láta skotið ríða af.

Ef ég er að lesa leikinn rétt, þá er Grindavík að fara með 1-0 forystu í hálfleik.

Eiður Aron er að fara af velli. Eyjamenn leika einum færri á meðan Nökkvi Már gerir sig tilbúinn. Það eru ekki góð tíðindi fyrir ÍBV að missa fyrirliða sinn af velli.

Ég held að leikurinn hafi þurft á þessu að halda. Það var ekkert að gerast. Vonandi lífgar þetta mark upp á leikinn sem róaðist heldur of mikið eftir fjörugar upphafsmínútur.

Dion skoraði fyrir Grindavík.

Eiður Aron liggur eftir og þarf aðhlynningu. Ekki það sem heimamenn þurfa.

Aron Dagur tekur boltann upp og sparkar honum yfir allan völlinn á kollega sinn í marki ÍBV.

Lýsir því ágætlega hvernig þessi leikur hefur þróast síðustu mínútur. Nákvæmlega ekkert að gerast. Byrjaði ágætlega en hefur fjarað vel undan þessu.

Hálftími liðinn af leiknum. Staðan enn markalaus. ÍBV fengið hættulegri færi en Aron Dagur búinn að eiga mjög góðan leik í markinu.

Sést betur inn á völlinn núna, þokan kveður í bili.

Grindavík færir boltann vel á milli manna. Það endar með því að Sindri reynir skot af 30 metrunum. Þetta var örvæntingarfullt og fór hátt yfir.

Hefði ekki verið betra að bíða aðeins og reyna að finna glufur? Ég held það.

Ekki mikil gæði í þessu í augnablikinu.

Tuttugu mínúturnar liðnar. Rólegar þessar síðustu. Viktor Guðberg var að enda við það að eiga eina slökustu fyrirgjöf sem maður hefur séð lengi. Boltinn endaði hátt yfir markinu.

Vel á verði í byrjun leiks.

Tómas Bent kemst í fínt skotfæri í teignum og reynir hátt skot, en Aron Dagur blakar boltanum yfir.

Það er alltaf hætta í kringum Sito. Hér kemst hann fram hjá varnarmönnum Grindavíkur út á hægri kanti og á flottan bolta fyrir. Stefán Ingi kemur fæti í boltann en Aron Dagur er vel á verði enn eina ferðina. Aron Dagur og Sito að byrja þennan leik mjög vel.

Sito að koma sér í góðar stöður í byrjun leiks.

ARON DAGUR!
Virkilega flott sókn og boltinn endar hjá Sito sem nær skoti að marki í teignum. Aron Dagur ver hins vegar frábærlega.

ÍBV að fá hættulegri færi.

Sótt á báða bóga hér í byrjun leiks.

Walid Abdelali með skot rétt yfir markið, endar á þaknetinu. Ekki skelfileg tilraun hjá honum.

Þarna mátti ekki miklu muna!
Felix Örn með flottan klobba og kemur boltanum svo á Sito. Sá spænski er í fínni stöðu og reynir skot, en Zeba hendir sér fyrir það og boltinn rétt fram hjá markinu.

Það er svolítið erfitt að sjá hvað er að gerast í leiknum. Það er mikil þoka á vellinum og völlurinn er blautur.

Tiago með fyrstu skottilraun leiksins. Lætur reyna á Jón Kristinn strax, en markvörðurinn ungi er með allt á hreinu og handsamar boltann. Ekki besta skot í heimi svo sem.