Fyrir leik
Byrjunarliðin eru komin

Blikar gera tvær breytingar frá sigrinum gegn Austria Wien en Jason Daði og Davíð Örn koma inn í stað Árna Vill og Viktors Karls.

Víkingar gera þrjár breytingar frá sigrinum gegn Stjörnunni en Erlingur Agnarsson, Helgi Guðjóns og Kwame Quee koma inn í stað Loga T, Karl Friðleifs og Nikolaj Hansen.

Hansen, sem er markahæstur í deildinni, tekur út leikbann sem og Viktor Karl Einarsson.

Karl Friðleifur er ólöglegur í þessum leik þar sem hann er á láni frá Blikum.

Eyða Breyta

Fyrir leik
Hvernig munu þjálfararnir stilla upp í kvöld?

Hvernig mun Arnar Gunnlaugs stilla sínu liði upp í fjarveru Nikolaj? Mun hann setja Helga Guðjóns inn og spila alveg eins fótbolta eða mun Arnar vera djarfur og prófa einhvað gjörsamlega nýtt?

Hvernig mun Óskar Hrafn stilla sínu liði upp? Mun Óskar nota breiða hópinn sem hann hefur og gera margar breytingar út af leiknum gegn Aberdeen á fimmtudag eða mun Óskar stilla nánast sínu sterkasta liði til þess að gera alvöru atlögu að þeim stóra, Íslandsmeistaratitlinum.
Eyða Breyta

Fyrir leik
Mikilvægir leikmenn í banni

Markahæsti leikmaður Pepsi-Max Deildarinnar, Nikolaj Hansen er í banni í kvöld og það má búast við því að Helgi Guðjónsson komi inn í liðið í stað Niko! Ekki nema að Arnar fari í sinn innri Pep Guardiola og notar jafnvel Kristal Inga sem einhverskonar "Falska Níu" en það verður bara að koma í ljós..

Viktor Karl Einarsson sem hefur verið með betri leikmönnum Blika í sumar er einnig í banni og það verður áhugavert að sjá hvernig Blikar leysa það!

Eyða Breyta

Fyrir leik
Evrópuþynnka vol. 2?

Eftir að Breiðablik náðu í frábær úrslit gegn Austria Wien í fyrri leik liðanna þegar liðin gerðu 1-1 jafntefli bjuggust menn kannski við því að Blikar myndu vinna Keflavík nokkuð örugglega í næsta leik. Svo reyndist ekki en Breiðablik tapaði 2-0 gegn Keflavík í annað skipti á tímabilinu en Keflavík slógu Blika líka út úr bikarnum. Það verður áhugavert að sjá hvort Blikarnir byggja ofan á frábæran sigur gegn Austria Wien eða hvort það verður önnur Evrópuþynnka í Blikaliðinu.
Eyða Breyta

Fyrir leik
Arnar og Nikolaj til FH?

Arnar Gunnlaugsson, þjálfari Víkinga, gæti tekið við FH eftir tímabilið en Elvar Geir Magnússon og Tómas Þór Þórðarson ræddu þetta í útvarpsþættinum Fótbolta.net á X-inu á laugardag.

"Saga sem er orðin ansi hávær núna og ekki í fyrsta sinn sem þessi aðili er orðaður við þetta félag. Ég heyrði það frá góðum manni þegar ég mætti í Kópavoginn. Aðalsagan er að FH ætlar að fá Arnar Gunnlaugs til að taka við liðinu" sagði Elvar Geir.

"Þetta yrði heldur betur áhugavert því þetta yrðu dýrustu vistaskipti í sögu íslenska fótboltans. Arnar Gunnlaugs er á samningi og engin klásúla til að fara. Nikolaj Hansen er svo nýbúinn að semja til 2023," bætti Tómas Þór við.
Eyða Breyta

Fyrir leik
Fyrri leikur liðanna

Fyrri leikur liðanna var einstefna frá A-Ö þegar Víkingar völtuðu yfir Breiðablik 3-0 þar sem Blikar spiluðu líklega sinn lélegasta leik það sem af er tímabils.

Pablo Punyed kom Víkingum yfir snemma leiks og var staðan 1-0 fram á síðustu mínútur leiksins en þá skoruðu Júlíus Magnússon og Kwame Quee með snöggu millibili og niðurstaðan öruggur 3-0 sigur Víkinga.

Eyða Breyta

Fyrir leik
Dömur og herrar verið hjartanlega velkomin að viðtækjunum í þráðbeina textalýsingu frá Kópavogsvelli þar sem sannkallaður stórleikur fer fram þegar sjóðheitir Evrópublikar fá Víkinga úr Reykjavík í heimsókn!

Eyða Breyta