U-19 ára landslið kvenna er á leið til Serbíu í vikunni og eiga bæði lið 2 fulltrúa í þeim hópi. Þær Þóra Björg og Ragna Sara frá ÍBV og Tinna Brá og Þórhildur Þórhallsdóttir frá Fylki. Þær eru allar í byrjunarliði í dag.

Þetta eru þau lið sem hafa fengið á sig flest mörk í deildinni í ár. ÍBV hefur fengið á sig 40 mörk í deildinni og Fylkiskonur hafa fengið á sig 38 mörk.

Völlurinn í dag er rennandi blautur og gæti vel verið að við fáum fullt af mörkum og spennandi leik. Ég ætla að leyfa mér að spá 2 rauðum spjöldum og 7 mörkum í þessum leik.

Meðalaldur varamanna ÍBV er 16.6 ár, sem hlýtur að vera eitthvað met. Auður Scheving varamarkmaður er elst á bekknum en hún er fædd árið 2002. Síðan er ein fædd 2004, tvær 2005 og þrjár 2006. Gaman að sjá þetta og spurning hvort þessar stelpur fái mínútur í dag.

Byrjunarliðin eru komin inn og er ekki mikið sem kemur á óvart. Fyrir utan það að Guðnú Geirsdóttir sem hefur verið í banni síðustu 2 leiki er komin aftur í mark Eyjakvenna.

Íris Una er komin aftur í byrjunarlið Fylkis eftir að hafa verið í banni í síðasta leik.

Góðan daginn og verið velkomin í beina textalýingu frá leik ÍBV-Fylkir í síðustu umferð Pepsí Max deildar kvenna.
Leikurinn í dag breytir ekki miklu máli uppá stöðuna í töflunni, ÍBV eru búnar að tryggja sæti sitt í efstu deild fyrir næsta tímabil og Fylkiskonur eru nú þegar fallnar.