Það eru bara flottar aðstæður í Kef í dag! Smá gola á annað markið, 6 stiga hiti og völlurinn flottur!

Það eru fimm mínútur í leik og spennan er áþreifanleg! stýkan að fyllast og fullt af Skagamönnum mættir! Þetta verður eitthvað

Það er ekki nema hálftími í þennan mikilvæga leik í Keflavík! Liðin eru að hita upp og það er spenningur í mannskapnum! fólk byrjað flykkjast í á völlinn!

LOKAUMFERÐIN BEINT Á X977

Hitað verður upp frá klukkan 12 þar sem Elvar Geir og Tómas Þór rýna í leikina. Allir leikirnir verða svo flautaðir á klukkan 14 og við verðum með menn á öllum völlum.

Elvar Geir, Benedikt Bóas og Rafn Markús verða í hljóðverinu og heyra í fréttamönnum á völlunum.

Allt í þráðbeinni en hægt er að hlusta á útsendingu Xins með því að smella HÉR

Dómari leiksins í dag er Vilhjálmur Alvar Þórarinsson og honum til aðstoðar eru Bryngeir Valdimarsson og Jóhann Gunnar Guðmundsson. Fjórði dómari er Helgi Mikael Jónsson og eftirlitsmaður KSÍ er Björn Guðbjörnsson.

Jói Kalli: Ætlum að vinna leikinn!

Þetta er mjög spennandi og áhugaverð lokaumferð. Við höfum komist í þessa stöðu með því að vinna síðustu leiki. Við erum komnir með þetta í okkar hendur sem er mjög ánægjulegt," sagði Jói Kalli.

Við ætlum okkur að vera áfram í deildinni. Við vitum að þetta verður erfitt, Keflvíkingar eru erfiðir heim að sækja en það er búinn að vera mikill stígandi í okkar leik og við ætlum að fylgja því eftir, það er ekki nokkur spurning."

Siggi Raggi:Mikilvægt fyrir félagið

Mér líst mjög vel á leikinn. Þetta verður hörku spennandi, við vonumst til að fá fleiri á völlinn en venjulega, það lítur aðeins betur með veðurspá," sagði Siggi Raggi.

Það er aðeins skrítið því við mætum þeim tvisvar í röð, mætum þeim líka í undanúrslitum bikarsins. Við vitum að þetta er stór leikur fyrir okkar stráka að spila. Við getum endað alls staðar frá 7. sæti niður í 11. sætið, fer eftir því hvernig síðasta umferðin fer. Við vonumst auðvitað til að vinna og ná að tryggja sætið okkar í deildinni. Það er ofboðslega mikilvægt fyrir félagið."

Allt undir í Sunny Kef

Það er enginn smá leikur sem við ætlum að fylgjast með Keflavík-ÍA, alvöru fallbaráttu slagur! Bæði lið geta ennþá fallið!!

Við skulum aðeins fara yfir fallbaráttuna vegna þess að hún er mjög áhugaverð og spennandi og þetta er ekki eini leikurinn sem skiptir máli þar. HK sem mætir Breiðablik á Kópavogsvelli getur líka fallið. En fyrir heimamenn er þetta mjög einfalt, ef þeir tapa ekki leiknum í dag þá er sæti þeirra í efstu deild öruggt fyrir næsta ár. Og þetta er í rauninni ekki flókið fyrir gestina heldur. Sigur hér í dag með einu marki tryggir þeirra sæti í deildinni fyrir næsta ár.En Skagamenn verða að vinna, jafntefli gerir ekkert fyrir þá. En þá verða Keflvíkingar verða komnir í hættu. En þá þarf HK að ná amk að ná stigi á móti Blikum og jafnvel vinna þann leik. Við fylgjumst að sjálfsögðu með gangi mála þar líka. Og einnig reynum við að flytja ykkur fréttir af baráttuni um titilinn en hún er eins og allir vita mjög spennandi. Ég segi bara gleðilega PepsiMax hátíð og góða skemmtun kæru lesendur!

Risa loka umferð í Pepsi Max

Heilir og sælir kæru lesendur og verið velkomin með okkur í beina textalýsingu frá HS Orku vellinum í Sunny Kef!