Breiðablik
0
3
Real Madrid
0-1 Kosovare Asllani '10
0-2 Kosovare Asllani '40 , víti
0-3 Claudia Zornoza '82
08.12.2021  -  20:00
Kópavogsvöllur
Meistaradeild kvenna
Aðstæður: Mikil snjókoma og talsverður vindur
Dómari: Désirée Grundbacher (Sviss)
Áhorfendur: 458
Byrjunarlið:
12. Telma Ívarsdóttir (m)
Ásta Eir Árnadóttir
Karitas Tómasdóttir
5. Hafrún Rakel Halldórsdóttir ('61)
7. Agla María Albertsdóttir (f)
8. Heiðdís Lillýardóttir
8. Taylor Marie Ziemer ('89)
11. Alexandra Soree ('46)
18. Kristín Dís Árnadóttir
21. Hildur Antonsdóttir ('87)
27. Selma Sól Magnúsdóttir ('87)

Varamenn:
14. Karen María Sigurgeirsdóttir ('61)
15. Vigdís Lilja Kristjánsdóttir ('46)
16. Tiffany Janea Mc Carty ('87)
22. Emilía Halldórsdóttir
23. Vigdís Edda Friðriksdóttir ('89)
24. Sara Svanhildur Jóhannsdóttir
28. Birta Georgsdóttir ('87)
29. Viktoría París Sabido

Liðsstjórn:
Ásmundur Arnarsson (Þ)
Birna Kristjánsdóttir

Gul spjöld:
Selma Sól Magnúsdóttir ('79)

Rauð spjöld:
Leik lokið!
Real fer með 0-3 sigur úr Kópavoginum.
93. mín
Real á horn en ekkert kom úr því.
91. mín
Þremur mínútum bætt við.
89. mín
Inn:Vigdís Edda Friðriksdóttir (Breiðablik) Út:Taylor Marie Ziemer (Breiðablik)
87. mín
Inn:Birta Georgsdóttir (Breiðablik) Út:Hildur Antonsdóttir (Breiðablik)
87. mín
Inn:Tiffany Janea Mc Carty (Breiðablik) Út:Selma Sól Magnúsdóttir (Breiðablik)
87. mín
Zornoza með skot framhjá.
85. mín
Hildur með skot eftir sendingu frá Kareni. Skotið beint á Misa úr góðu færi.
83. mín
Agla María með skot sem varið er til hliðar og Hildur er rangstæð í kjölfarið.
82. mín
Inn:Lucia Rodriguez (Real Madrid) Út:Kenti Robles (Real Madrid)
82. mín MARK!
Claudia Zornoza (Real Madrid)
Darraðadans í teig Blika, Telma varði skot við vinstri stöngina, boltinn barst út í miðjan teiginn og Zornoza á skot framhjá tveimur varnarmönnum.
81. mín
Selma Sól með aukaspyrnu inn á teiginn en boltinn fer of innarlega og í hendurnar á Misa.
79. mín Gult spjald: Selma Sól Magnúsdóttir (Breiðablik)
Braut af sér á vinstri kantinum, hárrétt.
77. mín
Vigdís á hrós skilið fyrir sína innkomu í seinni hálfleikinn. Karen María hefur einnig komið vel inn.
75. mín
Vel unninn bolti hjá Blikum. Taylor fer í átt að teig Real, reynir skot en Rocio Galvez kemst fyrir.
75. mín
Taylor með skot en það fer framhjá.
74. mín
Bliar fá horn en það kemur ekkert úr því fyrr en Agla María á tilraun sem Misa ver.
73. mín
Telma STÁLHEPPIN, fer í misheppnað úthlaup en boltinn hrekkur til hennar og allt bjargast.
72. mín
Real á hornspyrnu.
71. mín
Fyrirgjöf á nærstöngina frá Kareni Maríu og Vigdís Lilja kemst í boltann en hann fer af henni og afturfyrir.
71. mín
Inn:Marta Cardona Miguel (Real Madrid) Út:Athenea del Castillo (Real Madrid)
71. mín
Inn:Maite Oroz (Real Madrid) Út:Kosovare Asllani (Real Madrid)
67. mín
Vigdís Edda gerir vel en nær ekki að komast í skotið og sóknin rennur út í sandinn.
64. mín
Real gengur talsvert verr að byggja upp sóknir á móti vindi.
61. mín
Inn:Karen María Sigurgeirsdóttir (Breiðablik) Út:Hafrún Rakel Halldórsdóttir (Breiðablik)
61. mín
Esther með skalla framhjá.
59. mín
Vindurinn er að aukast, Blikar spila með vindi.
56. mín
Inn:Nahikari García (Real Madrid) Út:Caroline Møller (Real Madrid)
56. mín
Inn:Lorena Navarro (Real Madrid) Út:Esther Gonzalez (Real Madrid)
56. mín
Ekkert kom upp úr horninu.
55. mín
Agla María með aukaspyrnu inn á teiginn sem skölluð er afturfyrir og í hornspyrnu.
52. mín
Vel pressað hjá Blikum og vinna innkast.
49. mín
Sýnist Blikarnir vera í 4-2-3-1. Agla María er fremst og þær Vigdís - Hildur og Hafrún eru þar fyrir aftan.
48. mín
Fínasta sókn hjá Blikum en vel varist hjá gestunum inn í teig og Real á útspark.
47. mín
Athenea með skot úr teignum en blessunarlega fer það hátt yfir.
46. mín
Seinni hálfleikur hafinn.
46. mín
Inn:Vigdís Lilja Kristjánsdóttir (Breiðablik) Út:Alexandra Soree (Breiðablik)
45. mín
Hálfleikur
Himinn og haf milli þessara liða í fyrri hálfleik.
45. mín
45+1

Einni mínútu bætt við.
44. mín
Marta Corredera með langskot sem Telma hendir sér á og heldur boltanum.
40. mín Mark úr víti!
Kosovare Asllani (Real Madrid)
Sendir Telmu í rangt horn.
39. mín
Real á víti! Hafrún dæmd brotleg gegn Asllani sem var fljót niður.
36. mín
Robles með skot í hliðarnetið úr þröngri stöðu í teignum.
35. mín
Zornoza með aukaspyrnu sem Peter skallar og boltinn spýtist á grasinu. Telma gerir vel að verja í horn.
34. mín
Besta sókn Blika í leiknum uppsker lófatak. Hafrún Rakel með fyrirgjöf sem Hildur kemst í og svo reynir Karitas sendingu inn á teiginn en sú er of föst.
33. mín
Agla María vinnur aukaspyrnu, skýldi boltanum vel.
31. mín
Athenea með skot með vinstri úr teignum en skotið var slappt og framhjá nærstönginni.
30. mín
Blikunum gengur mjög illa að halda í boltann og Real Madrid pressar hátt og gestirnir eru fljótir að vinna boltann þegar hann tapast.
28. mín
Corredera með skot sem Telma ver út í teiginn og svo hreinsar Heiðdís.
27. mín
Agla María með bolta innfyrir vörn Real en boltinn er of langur.
25. mín
Hætta í vítateig Blika, sóknin endar á skoti frá Zornoza sem fer talsvert framhjá.
21. mín
Þarna Karitas! Gerir vel gegn Asllani á miðjum velli og vinnur boltann.
20. mín
Real stjórnar ferðinni.
18. mín
Real á horn en Blikar koma þessu í burtu.
16. mín
Það snjóar eins og enginn sé morgundagurinn!
15. mín
Blikarnir hreinsa í burtu.
14. mín
Teresa með skot sem Telma varði vell og Real á horn.
10. mín MARK!
Kosovare Asllani (Real Madrid)
Gestirnir komnir yfir. Fengu tvær hornspyrnur í röð og nýttu þá seinni til að skora fyrsta mark leiksins.

Seinna hornið er tekið stutt og botinn endar hjá Asllani eftir að Robles var með boltann. Asllani á skot í samskeytin af stuttu færi.
9. mín
Kosovare Asllani með skot sem Telma ver og Real fær horn.
3. mín
Gestirnir byrja betur, fá aukaspyrnu við teig Blika og rangstæða er svo dæmt aðeins síðar eftir að Telma varði vel frá Claudia.
2. mín
RM:
Misa
Robles - Galvez - Peter - Corredera
Athenea - Teresa - Zornoza - Möller
Esther Gonzalez - Asllani
2. mín
Blikar:
Telma
Ásta - Kristín - Heiðdís - Selma
Hildur - Karitas - Taylor
Hafrún - Alexandra - Agla María
1. mín
Leikur hafinn
Fyrir leik
Fyrir leik sköfuðu starfsmenn snjó af vellinum.
Fyrir leik
Dómarateymið kemur frá Sviss og er það Désirée Grundbache sem heldur um flautuna.
Fyrir leik
Engar breytingar á liði frá því gegn Kharkiv í nóvember.
Fyrir leik
Svör Ása á fréttamannafundi:

,,Síðasti heimaleikurinn, Breiðablik - Real Madrid. Það er búin að vera tilhlökkun að taka á móti stórum klúbbi eins og Real Madrid er. Þó að þetta sé nýr klúbbur kvennalega séð þá eru leikmenn ekki nýjar af nálinni og Real Madrid tók yfir mjög öflugan klúbb fyrir 2-3 árum. Í liðinu eru margir reyndir og gríðarlega öflugir leikmenn. Það er bara tilhlökkun hjá okkur að takast á við þetta verkefni," sagði Ásmundur Arnarsson, þjálfari Breiðabliks á fréttamannafundi í gær.

,,Eins og fyrir undanfarin verkefni þá hefur hluti af hópnum verið í landsleikjaverkefni á milli leikja í riðlinum en núna í síðustu viku höfum við haft allan hópinn saman og tekið góðar æfingar, farið vel yfir hlutina og ætlum, innan gæsalappa allavega, að taka vel á móti Real Madrid," sagði Ási.

Alltaf möguleiki í fótbolta
Hvernig líturu á möguleikana gegn Real?

,,Ef við horfum á riðilinn fyrirfram þá lágu möguleikar okkar mest gegn Kharkiv og við horfðum mikið á síðasta leik, okkar heimaleik gegn Kharkiv, til þess að ná í sigur í þessum riðli. Það tókst því miður ekki. Möguleikarnir gegn Real Madrid og PSG eru að sjálfsögðu ekki miklir en í fótboltaleik er alltaf möguleiki."

,,Frá því að við mættum þeim síðast þá erum við reynslunni ríkari. Þó að það hafi bæst við þeirra leikmannahóp, öflugir framherjar eru komnir til baka: [Kosovare] Asllani og Esther [Gonzalez] m.a. þá erum við vonandi búin að læra mikið af þessu og munum auðvitað reyna að spila öflugan og þéttan varnarleik. Vonandi getum við komið þeim á óvart og skorað á móti þeim. Það er tvennt í þessu, við höfum ekki skorað í keppninni og við höfum ekki unnið leik í keppninni. Það er tvennt sem við viljum sjá gerast ef möguleiki er."


Eitthvað vit í því að lengja mótið?
Hvaða lærdóm getum við lært af þátttöku í keppni sem þessari?

,,Ég held að það sé gott að setjast niður eftir þennan riðil og skoða hvaða lærdóm við getum tekið af þessu. Það sem við sjáum strax er að þetta er miklu hraðari leikur, það er minni tími á bolta og leikmenn þurfa að vera búnir að taka ákvarðanir fyrr hvað þær ætla að gera. Þér er refsað miklu frekar fyrir mistök og varnarleikurinn þarf að vera skipulagðari heldur en við erum kannski vanar."

,,Svo hafa menn velt fyrir sér leikæfingunni, hvernig takturinn er í liðinu miðað við liðin sem eru á miðju tímabili og hvað er hægt að gera í því. Er eitthvað vit í því að lengja mótið fram á haustið eða veturinn? Það þarf að skoða marga þætti í því. Það eru auðvitað þessir landsleikir sem koma inn í líka. Hvaða lærdóm er hægt að taka, ég held að það þurfi að fara yfir alla anga í framhaldinu af þessu af því ég held að þetta sé eitthvað sem við hljótum að horfa til, til næstu ára, sem möguleika að reyna brjótast aftur og oftar inn í þessa keppni. Þá þurfum við að vera undir það búin."


Kemur í ljós í janúar
Hvernig er standið á leikmönnum, eru allar klárar í slaginn?

,,Já, það eru allir klárir í leikinn á morgun. Við höfum tekið góða viku saman og nýjustu fréttir: allir klárir."

Er þetta síðasti [heima]leikur einhverra leikmanna fyrir Breiðablik í bili?

,,Það getur vel verið að það verði einhverjar breytingar í janúar, það á svolítið eftir að koma í ljós."

Sjá einnig:
Ási Arnars: Verið ævintýri líkast

Refsað grimmilega í fyrri leiknum
Fyrri leikur liðanna endaði með 5-0 sigri Real Madrid í október. Breiðablik fékk á sig mark snemma, þurrkaðiru bara út hvernig þú undirbjóst liðið fyrir þann leik eða geturu byggt á einhverju þar?

,,Það var fyrsti leikur minn við stjórnina og ég leitaði svolítið þá í vana og hefðir liðsins og leikmanna. Liðið var vant því að vera með boltann meira, vera hátt uppi á vellinum og pressað."

,,Á þeim tímapunkti horfðum við á Real Madrid sem lið sem var ekki í besta forminu í sinni deild og spurning hvort hægt væri að koma þeim á óvart. Við tókum þá ákvörðun að fara svolítið hátt á þær og okkur var refsað grimmilega fyrir það."

,,Ég held að við drögum einhvern lærdóm af því og sjáum einhverja aðra leikmynd á morgun, án þess að við neglum niður hvað við ætlum að gera. Við sjáum hluti sem við höfum verið að fara yfir eftir síðasta leik gegn þeim. Hversu vel til hefur tekist og hversu mikið leikmenn eru komnir í það verður bara að koma í ljós."


Ekkert að aðstæðum og veðri
Ási var að lokum spurður út í veðrið og hvort hann hefði viljað hafa meiri vetur gegn Real.

,,Talandi um að lengja mótið og annað þá er hægt að sjá að í þessum leikjum sem við höfum fengið á heimavelli að það er ekkert að aðstæðum, ekkert að veðrinu. Ef við horfum út núna, það er bara veisla að spila fótbolta. Auðvitað vill maður hafa það þannig að þær séu fótboltavænar. En auðvitað úrslitalega séð, ef ég horfi í það, þá held ég að það sé eitthvað til í því sem Hafrún er að segja," sagði Ási að lokum.

Fyrir leik
Youtube útsendingin:
Fyrir leik
Góðan daginn lesendur góðir og veriði velkomnir í beina textalýsingu frá þriðja og síðasta heimaleik Breiðabliks í riðlakeppni Meistaradeildarinnar þetta tímabilið.

Leikurinn hefst klukkan 20:00 og fer fram á Kópavogsvelli.
Byrjunarlið:
1. Misa (m)
2. Kenti Robles ('82)
3. Teresa Abelleira
4. Babett Peter
9. Kosovare Asllani ('71)
10. Esther Gonzalez ('56)
16. Caroline Møller ('56)
17. Marta Corredera Rueda
20. Rocío Gálvez
21. Claudia Zornoza
22. Athenea del Castillo ('71)

Varamenn:
27. Sofía Fuente (m)
5. Ivana Andres (f)
7. Olga Carmona
8. Maite Oroz ('71)
11. Marta Cardona Miguel ('71)
12. Lorena Navarro ('56)
14. Nahikari García ('56)
15. Claudia Florentino
18. Lucia Rodriguez ('82)

Liðsstjórn:
David Aznar Chicharro (Þ)

Gul spjöld:

Rauð spjöld: