Fyrir leik
Það hefur rignt nokkuð vel á Spáni að undanförnu og það rignir í Murcia þar sem þessi leikur fer fram. Liðin eru mætt út á völl og þjóðsöngvarnir eru í gangi.

Albert Guðmundsson náði lítið sem ekkert að æfa í aðdraganda leiksins en er skráður á bekkinn. Þá er Andri Lucas einnig skráður á bekkinn en hann hefur verið að glíma við meiðsli í hné. Hef ekki upplýsingar um hvort þeir séu hreinlega leikfærir í dag eða bara að fylla upp í bekkinn.
Eyða Breyta

Fyrir leik
Þekktasti Finninn.



Teemu Pukki er í fremstu víglínu hjá Finnlandi, þeirra þekktasti leikmaður. 33 mörk í 100 landsleikjum fyrir Finna. Spilar fyrir enska úrvalsdeildarfélagið Norwich.
Eyða Breyta

Fyrir leik

��������������� | �������� �� | 🇫🇮🆚🇮🇸 | A-maaottelu: Suomi–Islanti | Mitä mieltä olet, kommentoi alle! 💬👇

Päävalmentaja Markku Kanerva on nimennyt avauskokoonpanonsa illan otteluun, joka alkaa klo 18.00. #Huuhkajat #MeOlemmeSuomi #FINISL pic.twitter.com/eWc2dC3j6k

— Huuhkajat (@Huuhkajat) March 26, 2022

Eyða Breyta

Fyrir leik

Byrjunarlið �slands gegn Finnlandi!

� beinni útsendingu á Stöð 2 Sport.

This is how we start our friendly match against Finland.#fyririsland pic.twitter.com/q8AGRKKFxR

� Knattspyrnusambandið (@footballiceland) March 26, 2022

Eyða Breyta

Fyrir leik
Byrjunarlið Íslands
Jón Daði Böðvarsson er fremstur hjá íslenska liðinu og Hörður Björgvin Magnússon er mættur aftur eftir árs fjarveru.

Hörður Björgvin snýr aftur í liðið, ári eftir að hann spilaði sinn síðasta landsleik, en hann sleit hásin í leik með CSKA Moskvu í apríl og fór í gegnum stranga endurhæfingu.

Hann lék 45 mínútur í síðasta leik CSKA og er nú klár í að byrja með íslenska liðinu en hann spilar í vinstri bakverði í dag.

Þórir Jóhann Helgason og Stefán Teitur Þórðarson eru á miðjunni með Birki Bjarnasyni, sem er fyrirliði.

Arnór Sigurðsson, sem hefur þurft að glíma við mikil meiðsli með Venezia á þessari leiktíð, er á hægri vængnum og Jón Dagur á vinstri á meðan Jón Daði Böðvarsson er upp á topp.

Byrjunarlið Íslands:
Rúnar Alex Rúnarsson
Alfons Sampsted
Daníel Leó Grétarsson
Brynjar Ingi Bjarnason
Hörður Björgvin Magnússon
Þórir Jóhann Helgason
Birkir Bjarnason (f)
Stefán Teitur Þórðarson
Jón Dagur Þorsteinsson
Arnór Sigurðsson
Jón Daði Böðvarsson
Eyða Breyta

Fyrir leik
Birkir Bjarna: Ætlum að gera meiri kröfur á okkur


Birkir Bjarnason landsliðsfyrirliði segir að liðið hafi rætt um það að fara að gera meiri kröfu á sig.

"Við höfum verið að ræða það innan hópsins að gera meiri kröfur til okkar sjálfra og til liðsins. Við erum að fara gera meiri kröfu á vinna sigra. Þetta snýst um að vinna leiki og koma okkur á betri stað," sagði Birkir á fréttamannafundi í dag.

Ísland hefur gengið í gegnum snögg kynslóðaskipti og vann aðeins Liechtenstein í síðustu undankeppni en að sögn Birkis er nú kominn tími á að liðið setji það kröfu á sig að vinna fleiri leiki.

Landsleikjaglugginn núna er sá fyrsti á árinu en einnig verður vináttuleikur gegn Spánverjum, hann verður á þriðjudaginn.

"Þetta eru mikilvægir leikir. Þetta hefur verið erfiður tími hjá okkur en það er margt jákvætt sem við höfum gert og margt sem við getum gert betur. Þetta er gott tækifæri til að prófa liðið, við höfum verið að vinna á æfingasvæðinu og í fundarsalnum. Finnar eru með gott lið og það hefur verið gaman að fylgjast með þeim. Þetta er lið sem spilar þéttan varnarleik og gaman að sjá hvar við stöndum. Við erum ákveðnir í að vinna þennan leik."

Birkir var spurður að því hvort eitthvað hafi hvarflað að honum að leggja landsliðsskóna á hilluna í þessum breytingum og kynslóðaskiptum hjá liðinu.

"Nei það hefur aldrei hvarflað að mér. Mér finnst enn ótrúlega skemmtilegt að koma í landsliðsverkefni. Ég er ein­beitt­ur og hlakka til að spila. Ég er með öðru­vísi hlut­verk en áður og ég tek því vel og hlakka til að halda því áfram," sagði Birkir.

Hann spilar fyrir Adana Demirspor sem er í harðri baráttu um Evrópusæti í tyrknesku úrvalsdeildinni. Liðið hefur komið á óvart en það er nýliði í deildinni.

"Þetta er skemmtileg og krefjandi barátta. Það eru níu leikir eftir. Ég kann mjög vel við mig hjá félaginu og mér líður ótrúlega vel," sagði Birkir.
Eyða Breyta

Fyrir leik

Svissneskir dómarar sjá um að dæma leikinn en aðaldómarinn er Fedayi San.
Eyða Breyta

Fyrir leik
Ísland mætir Finnlandi í vináttulandsleik í Murcia á Spáni í dag. Liðin hafa mæst 13 sinnum áður í gegnum árin og voru saman í riðli í undankeppni HM 2018. Finnar hafa verið að byggja upp sterkt landslið á síðustu árum og voru á meðal þátttökuþjóða í úrslitakeppni EM síðasta sumar.

Íslenska liðið kom saman til undirbúnings og æfinga á Spáni á mánudag og hefur æft stíft, þrátt fyrir talsverða rigningu, og fundað mikið. Liðið leikur tvo vináttuleiki á Spáni í mánuðinum, því auk leiksins við Finna þá verður einnig leikið við heimamenn, Spánverja, og fer sá leikur fram í Coruna á þriðjudaginn 29. mars.

Leikur Íslands og Finnlands verður í beinni útsendingu á Stöð 2 Sport og hefst kl. 16:00 að íslenskum tíma. Leikurinn við Spánverja verður einnig í beinni útsendingu á Stöð 2 Sport.
Eyða Breyta