Þetta er að gerast! Leikmenn ganga hér inná völlinn í þessum skrifuðu orðum.

Hjá Leikni R. gerir Sigurður Heiðar Höskuldssson fjórar breytingar á sínu liði frá 0-3 tapinu gegn Stjörnunni á Domusnovavellinum síðastliðinn sunnudag. Sindri Björnsson, Jón Hrafn Barkarson, Róbert Hauksson og Mikkel Elbæk Jakobsen koma inni í liðið í dag.

Út úr byrjunarliðinu hjá Leikni frá síðasta leik fara þeir Mikkel Dahl, Birgir Baldvinsson og Daníel Finns Matthíasson. Þar að auki er Emil Berger í leikbanni eftir að hafa fengið rautt spjald í síðasta leik.

Hermann Hreiðarsson, þjálfari ÍBV, gerir tvær breytingar á byrjunarliði Eyjamanna frá 0-3 tapinu gegn KA hér á Hásteinsvelli fyrir viku síðan. Þeir Breki Ómarsson og Halldór Jón Sigurður Þórðarson kom inni í byrjunarliðið og þeir Tómas Bent Magnússon og Atli Hrafn Andrason fá sér sæti á varamannabekknum í þeirra stað.

Sólin skín hér á Hásteinsvelli og með henni fylgir smá gola, fínustu aðstæður til knattspyrnuiðkunnar hér í Vestmannaeyjum í dag. Hálftími í leik!

Dómgæslan
Dómari leiksins er Egill Arnar Sigurþórsson. Honum til aðstoðar eru þeir Birkir Sigurðarson og Kristján Már Ólafs. Varadómari er Einar Ingi Jóhannsson og eftirlitsmaður KSÍ er Þórarinn Dúi Gunnarsson.

Ekki fundið taktinn fyrir framan markið
Það má búast við spennandi leik hér á Hásteinsvelli í dag. Sem fyrr segir eru liðin stigalaus og þá hafa þessi lið ekki heldur fundið taktinn fyrir framan markið. Eyjamenn hafa skorað eitt mark hingað til og það kom í 2-1 tapi gegn Val á Hlíðarenda í 1. umferð. Leiknismenn úr Breiðholti eiga enn eftir að koma boltanum yfir marklínuna á þessu tímabili. Bæði lið hljóta því vilja sparka keppnistímabilinu almennilega af stað í dag.

Emil Berger ekki með
Leiknismenn eru án Svíans Emil Berger í dag sem fékk að líta beint rautt spjald á Domusnovavellinum í tapinu gegn Stjörnunni.

Bæði liðin stigalaus
Liðin sem mætast hér í dag eiga það sameiginlegt að vera stigalaus eftir fyrstu tvær umferðir Bestu deildarinnar.

Eyjamenn töpuðu 0-3 gegn KA á Hásteinsvelli fyrir viku síðan. Leiknismenn fengu Stjörnuna í heimsókn sama dag og varð sama niðurstaða þar, 0-3 sigur gestanna.

Heil og sæl og verið velkomin í beina textalýsingu frá Hásteinsvelli. Viðureign ÍBV og Leiknis R. í 3. umferð Bestu deildar karla hefst hér kl. 16:00.