Fyrir leik
Stuðningsmenn gestanna eru mættir og alvöru hávaði sem þeim fylgir. Flestir með söngvatn við hönd.
Eyða Breyta

Fyrir leik
Dómararnir:
Þorvaldur Árnason heldur á flautunni í kvöld og honum til aðstoðar eru þeir Jóhann Gunnar Guðmundsson og Andri Vigfússon.

Gunnar Freyr Róbertsson er skiltadómari og Skúli Freyr Brynjólfsson er eftirlitsmaður KSÍ.
Eyða Breyta

Fyrir leik
Jói Skúli spáir heimasigri
Jóhann Skúli Jónsson, þáttarstjórnandi Draumaliðsins og Svona var sumarið spáir í leiki umfeðrarinnar.

Valur 2 - 1 Breiðablik
Það sem Val vantaði í bikarleiknum um daginn var einhver albesti away day stuðningsmaður landsins. Vill svo skemmtilega til að hann er líka einn alvirtast fjármálaráðgjafi sjávarútvegsins. Hann ætlar að mæta á fimmtudaginn syngjandi sitt uppáhalds lag "I'm so glad that Heimir is a red" og þetta mun þenja vængi Valsmanna. Aron Jó með bæði mörkin fyrir okkur áður en Óskar Hrafn Þorvaldsson skiptir sjálfum sér inn á undir lok leiksins og minnkar muninn í The Tómas Óli Garðarsson Derby. Sérstakur heiðursgestur verður einn ástsælasti leikmaður Vals og Blika, Arnar Sveinn Geirsson. Hann mun byrja leikinn við hlið Grænu Pöndunnar sem munu taka týnda syninum fagnandi áður en hann færir sig svo yfir í uppáhaldssætið sitt, aftast fyrir miðju í úlpu sem hann getur bæði notað á veturna og sumrin og er þar af leiðandi hans uppáhalds flík. Á fimmtudaginn skrifum við endurkoma: H-EI-M-I-R.
Tómas Óli Garðarsson
Eyða Breyta

Fyrir leik
Þrír í banni
Birkir Heimisson er í leikbanni hjá Val og þeir Ísak Snær Þorvaldsson eru í banni hjá Breiðabliki.

Þrír snúa til baka úr meiðslum
Þeir Viktor Karl Einarsson, Gísli Eyjólfsson og Elfar Freyr Helgason eru klárir í slaginn hjá Breiðabliki eftir meiðsli. Andri Rafn Yeoman er hins vegar meiddur sem og Sölvi Snær Guðbjargarson.

Það verður þá fróðlegt að sjá hvort Guy Smit sé orðinn klár í slaginn og geti varið mark Vals.
Eyða Breyta

Fyrir leik
Breiðablik unnið alla sína leiki
Breiðablik er með fullt hús stiga eftir átta leiki og vann svo leik þessara liða í 32-liða úrslitum Mjólkurbikarsins.

Valur er sem stendur ellefu stigum á eftir Breiðabliki.
Eyða Breyta

Fyrir leik
Mikil umræða um framtíð Heimis
Í landsleikjahléinu var mikið rætt og talsvert mikið ritað um öryggi Heimis Guðjónssonar, þjálfara Vals, í starfi eftir brösugt gengi að undanförnu.

Heimir Hallgrímsson var orðaður við stöðuna hjá Val en það fór ekki svo að hann tók við.

Valur hefur tapað síðustu fjórum leikjum í öllum keppnum.
Eyða Breyta

Fyrir leik
Fyrir fram er þetta stærsti leikur umferðarinnar. Valur tekur á móti toppliði Breiðabliks á Origo vellinum í kvöld.

Leikurinn hefst klukkan 20:15 í kvöld.
Eyða Breyta