Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Lengjubikar kvenna - A-deild úrslit
Valur
13:00 0
0
Breiðablik
Levadia Tallinn
1
6
Víkingur R.
Zakaria Beglarishvili '5 , víti 1-0
1-1 Kyle McLagan '10
1-2 Kristall Máni Ingason '27
1-3 Halldór Smári Sigurðsson '45
1-4 Nikolaj Hansen '49
1-5 Helgi Guðjónsson '71
1-6 Júlíus Magnússon '77
21.06.2022  -  19:30
Víkingsvöllur
Forkeppni Meistaradeildar karla
Dómari: Tomasz Musia (Pólland)
Áhorfendur: Rigning og smá gustur
Maður leiksins: Kristall Máni Ingason
Byrjunarlið:
99. Karl Andre Vallner (m)
3. Milan Mitrovic
4. Maximiliano Uggé
6. Rasmus Peetson
9. Mark Oliver Roosnupp
10. Brent Lepistu
14. Ernest Agyiri ('81)
17. Robert Kirss
22. Artur Pikk ('54)
49. Zakaria Beglarishvili ('74)
70. Marko Putincanin ('74)

Varamenn:
35. Aleksandr Kraizmer (m)
81. Artur Kotenko (m)
11. Liliu ('54)
16. Markus Jurgenson
23. Murad Velijev ('81)
25. Maksim Podholjuzin
29. Nikita Vassiljev
55. Karl Rudolf Öigus ('74)
67. Ilja Antonov ('74)

Liðsstjórn:
Vladimir Vassiljev (Þ)

Gul spjöld:
Marko Putincanin ('3)
Mark Oliver Roosnupp ('42)
Liliu ('64)
Ilja Antonov ('87)

Rauð spjöld:
Leik lokið!
Víkingur mætir Inter Escaldes, meistaraliði frá Andorra í úrslitaleik um sæti í forkeppni Meistaradeildarinnar á föstudaginn.
90. mín
Dómari leiksins flautar leikinn af eftir 90 mínútur sléttar. Ekkert verið að flækja þetta.
87. mín Gult spjald: Ilja Antonov (Levadia Tallinn)
Brýtur á Karli Friðleifi sem var á spretti upp völlinn með boltann.
84. mín
Birnir Snær kemst einn í gegn en Vallner gerir vel og ver frá honum af stuttu færi.
82. mín Gult spjald: Logi Tómasson (Víkingur R.)
Fyrir brot.
81. mín
Inn:Murad Velijev (Levadia Tallinn) Út:Ernest Agyiri (Levadia Tallinn)
80. mín
Verður þetta stærsti sigur íslenskt liðs í Evrópukeppni frá upphafi? Svör óskast.
78. mín
Inn:Birnir Snær Ingason (Víkingur R.) Út:Kristall Máni Ingason (Víkingur R.)
Birnir kemur inn fyrir Kristal Mána sem hefur farið á kostum í framlínu Víkings í kvöld.
77. mín MARK!
Júlíus Magnússon (Víkingur R.)
Stoðsending: Kristall Máni Ingason
Kristall Máni sleppur einn í gegn og á skot að marki sem Vallner ver með fótunum.

Boltinn berst á fjærstöngina þar sem fyrirliðinn Júlíus Magnússon skorar í tómt markið.
74. mín
Inn:Karl Rudolf Öigus (Levadia Tallinn) Út:Zakaria Beglarishvili (Levadia Tallinn)
74. mín
Inn:Karl Friðleifur Gunnarsson (Víkingur R.) Út:Davíð Örn Atlason (Víkingur R.)
74. mín
Inn:Logi Tómasson (Víkingur R.) Út:Pablo Punyed (Víkingur R.)
Pablo fer frábær í kvöld og skynsamlegt að taka hann af velli enda verið að glíma við meiðsli.
74. mín
Inn:Ilja Antonov (Levadia Tallinn) Út:Marko Putincanin (Levadia Tallinn)
73. mín
Robert Kirss með skalla framhjá markinu.
71. mín MARK!
Helgi Guðjónsson (Víkingur R.)
Þetta var ekki lengi gert!

Helgi vann boltann á vinstri kantinum, kom sér inní teig og renndi boltanum á Kristal Mána sem átti fínt skot úr góðu færi sem Vallner varði.

Boltinn barst hinsvegar til Helga sem var einn og óvaldaður við nærstöngina og hann lagði boltann auðveldlega í markið.

Helgi búinn að vera inná í þrjár mínútur.
70. mín
Langt í frá að vera spennandi 20 mínútur eftir af þessum leik...
68. mín
Inn:Ari Sigurpálsson (Víkingur R.) Út:Erlingur Agnarsson (Víkingur R.)
68. mín
Inn:Helgi Guðjónsson (Víkingur R.) Út:Nikolaj Hansen (Víkingur R.)
66. mín
Rasmus Peetson átti marktilraun eftir hornspyrnuna sem fór í McLagan.

Þeir áttu síðan aðra marktilraun og vildu fá hendi víti en Musia hristir bara hausinn og áfram gakk.
66. mín
Það er ennþá smá líf í gestunum. Þeir voru að vinna sér inn hornspyrnu nú rétt í þessu.
64. mín Gult spjald: Liliu (Levadia Tallinn)
Fær gult spjald fyrir að brjóta á McLagan innan teigs þegar boltinn er víðsfjarri. Skondið.
61. mín
Ganamaðurinn, Ernest Agyiri reynir fyrirgjöf en enginn liðsmaður hans er sjáanlegur inn í vítateig Víkings.
55. mín
Kristall Máni einn gegn opnu marki en nýtir sér ekki tækifæri, er alltof lengi að athafna sig og boltinn hrekkur til Nikolaj Hansen sem reynir að koma sér í skotfæri en fyrirliðinn, Brent Lepistu stígur hann út og ekkert verður úr þessu.

Besta færi leiksins eftir hápressu sem að mér sýndist markvörður Levadia, Vallner réði ekkert við og missti boltann frá sér innan teigs.
54. mín
Inn:Liliu (Levadia Tallinn) Út:Artur Pikk (Levadia Tallinn)
Brasilíumaðurinn Liliu er kominn inná.
54. mín
Gestirnir ráða ekkert við þessar pressur frá Víkingum og oftar en ekki enda sendingar þeirra utan vallar eftir smá þrýsting.
53. mín
Halldór Smári liggur eftir, virðist hafa fengið högg á hnéð. Slær hressilega á hnéð og stendur síðan upp eftir hjálp frá Tomasz Musia dómara leiksins.
49. mín MARK!
Nikolaj Hansen (Víkingur R.)
Stoðsending: Pablo Punyed
Eftir frekar slaka aukaspyrnu frá Pablo þá vann Kristall Máni boltann eftir pressu Víkinga á hægri kantinum. Kristall gerði vel, lék sér með boltann og fann síðan Pablo sem átti fyrirgjöf frá endalínunni.

Nikolaj gerði allt hárrétt, tók boltann á kassann og lagði hann síðan fyrir sig áður en hann lagði boltann snyrtilega í netið.
48. mín
Víkingar fá aukaspyrnu hægra megin við vítateig Levadia. Brotið á Kristalli Mána.
46. mín
Seinni hálfleikurinn er farinn af stað.
45. mín
Hálfleikur
Halldór Smári skoraði síðast mark með meistaraflokki Víkings í keppnisleik sumarið 2011 í 3-1 sigri á Þór í Valitor bikarnum. 11 ár síðan.
45. mín
Hálfleikur
Mjög svo góð staða fyrir Víking að fara inn í hálfleikinn með tveggja marka forystu eftir að hafa lent undir í byrjun leiks.

Algjör óþarfi að hafa lent undir en Víkingarnir hafa sýnt styrk sinn og gott betur en það með því að leiða í hálfleik 3-1. Engin stjörnu frammistaða og Víkingarnir eiga ennþá nóg inni.
45. mín
Hálfleikur
Musia hefur flautað til hálfleiks.

Eistarnir gátu ekki einu sinni tekið miðjuna eftir markið. Pólverjinn flautaði nánast strax til hálfleiks eftir að Halldór Smári skoraði.
45. mín MARK!
Halldór Smári Sigurðsson (Víkingur R.)
Afar skrautlegt en mikilvægt mark fyrir Víkinga!

Kristall Máni átti hornspyrnu sem Nikolaj Hansen skallaði að marki. Í stað þess að reyna grípa, kýla eða slá boltann í burtu þá sparkaði Vallner boltanum í Halldór Smára og inn í markið.

Ég er ekki frá því að boltinn hafi farið í hendina á Halldóri Smára en hvað um það, markið dæmt löglegt.
44. mín
Hansen fer illa með fínt tækifæri á að finna Kristal í dauðafæri, reynir frekar skot sjálfur sem fer í varnarmann og boltinn hrekkur til Pablo Punyed sem nær fínu skoti sem Vallner grípur í markinu.
42. mín Gult spjald: Mark Oliver Roosnupp (Levadia Tallinn)
Alltof seinn í baráttunni við McLagan um boltann.
37. mín
Víkingar taka hornspyrnuna stutt, endar síðan með fyrirgjöf frá Kristalli sem Vallner kýlir í burtu.
36. mín
McLagan með fyrirgjöf sem Kristall Máni reynir að ná til en boltinn fer í bakið á varnarmanni Levadia og boltinn aftur fyrir. Pablo undirbýr hornspyrnu.
35. mín
Það er nokkuð ljóst hér á fyrsta hálftímanum hvort liðið er betra í fótbolta.

Gestirnir eiga í erfiðleikum með pressu Víkinga og finna nánast enga leið til að ná upp einhverju spili upp völlinn.


28. mín
Ernest Agyiri vinnur hornspyrnu fyrir gestina sem ekkert verður síðan úr.
27. mín MARK!
Kristall Máni Ingason (Víkingur R.)
Stoðsending: Davíð Örn Atlason
HVAÐ HELDUR ÞÚ?

Kristall Máni er búinn að koma Víkingum yfir 2-1 eftir laglega fyrirgjöf frá Davíð Erni Atlasyni.

Davíð fór upp hægri vænginn, átti fyrirgjöf meðfram gervigrasinu framhjá markinu en þar læddist Kristall Máni á fjærstönginni og kláraði vel úr góðu færi.
26. mín
Veðurfréttir: Það er byrjað að rigna aftur.
26. mín
Kristall Máni með töfrasýningu á miðjum vellinum, hælsendingu á Pablo sem er með viðstöðulausa sendingu upp völlinn á Erling sem reynir að taka varnarmann Levadia á. Það tekst ekki, hann reynir því fyrirgjöf sem fer í varnarmann og aftur fyrir.

Pablo tekur síðan hornið sem Hansen skallar að marki en Eistarnir bægja hættunni frá.
24. mín
Kristall Máni með fínan sprett á vinstri vængnum, kemur sér inn í teig og á skot sem fer í hliðarnetið.
22. mín
Víkingarnir eru farnir að finna taktinn og farnir að halda boltanum töluvert meira en gestirnir ætla greinilega að selja sig dýrt og eru harðir í návígjum.

Annars er það að frétta að Erlingur Agnarsson þurfti að láta teipa skóinn sinn sem virðist hafa rifnað.
13. mín
Viktor Örlygur reynir sendingu á Erling Agnarsson sem Vallner í markinu kemur og handsamar boltann. Frekar erfið en skemmtileg tilraun frá Viktori.
12. mín
Gríðarlega mikilvægt fyrir Víking að ná að jafna strax eftir að hafa lent undir.

Og sveimér þá, það er hætt að rigna og vindurinn er aðeins að minnka sýnist mér. Þetta stefnir bara í ágætis kvöld eftir allt saman.
10. mín MARK!
Kyle McLagan (Víkingur R.)
Stoðsending: Pablo Punyed
Víkingar eru búnir að jafna!

Þetta var ekki flókið. Pablo með aukaspyrnu frá vinstri, inn í teig þar sem Kyle er einn og óvaldaður og stýrir boltanum í netið nokkuð þægilega.
10. mín
Gestirnir eru óhræddir að brjóta af sér og ég held að Víkingar séu búnir að fá einhverjar fimm aukaspyrnu á fyrstu 10 mínútunum.
8. mín
Robert Kirss með hörkuskot utan teigs sem Þórður Ingason ver í horn.

Kirss fékk sendingu upp völlinn, hann var einn gegn Ekroth sem bakkaði frá honum og Kirss lét vaða.

Það varð síðan ekkert úr hornspyrnunni, þrátt fyrir að boltinn hafi endað á fjærstönginni hjá einum leikmanni Levadia sem var einn og óvaldaður.
5. mín Mark úr víti!
Zakaria Beglarishvili (Levadia Tallinn)
Þvílíkt kjaftshögg!

Zakaria setur boltann á mitt markið en Þórður Ingason fer til hægri.

Þvílík draumabyrjun fyrir Eistana, sem ég kalla hér eftir gestina þrátt fyrir að vera skráðir sem heimalið hér í kvöld.
4. mín
Levadia fær vítaspyrnu!

Halldór Smári er í baráttunni við Robert Kirss innan teigs. Ég sé ekki hvað gerist, en Halldór Smári hlýtur að hafa fengið boltann í hendina. Hann var á fjórum fótum að kljást og það getur ekki annað verið en að hann sé að dæma hendi á Halldór Smára.
3. mín Gult spjald: Marko Putincanin (Levadia Tallinn)
Þetta var ekki lengi gert. Fær hér strax gult spjald fyrir brot á miðjum vallarhelmingi sínum.

Fer í fáránlega tæklingu og fær réttilega spjald.
1. mín
Leikur hafinn
Leikurinn er farinn af stað.

Víkingar sem leika í sínum sígildu rauðu og svörtu treyjum sækja í átt að Ísbúð Huppu í Hafnarfirði á meðan grænklæddir Levadia menn sækja í átt að Ísbúð Huppu í Álfheimum.
Fyrir leik
Jæja nú fer þetta að hefjast. Champions League "theme song" var spilað á meðan liðin gengu út á völlinn og þá kveiknaði heldur betur líf í stúkunni.
Fyrir leik
,,Annað hvort erum við að fara að mæta þessu liði í úrslitaleik á föstudaginn eða núna og það er fínt að klára þennan leik. Með fullri virðingu fyrir liðunum frá Andorra og San Marínó þá eiga bæði Víkingur og Levadia að vinna þau tvö lið, þótt fótboltinn sé stundum skrýtinn. En úrslitaleikurinn er að mínu mati að fara fram hérna á eftir," sagði Arnar Gunnlaugsson þjálfari Víkings í viðtali við Stöð 2 Sport fyrir leik.

,,Ég er ekki að segja að það sé formsatriði fyrir bæði lið að klára þá leikinn á föstudaginn, en miðað við leikinn sem var hérna áðan þá eiga bæði lið að líta á þennan leik á eftir sem úrslitaleik."
Fyrir leik
Stuðningsmenn Víkings eru farnir að tínast í stúkuna en það verður að viðurkennast að veðrið í kvöld er ekki að hjálpa Víkingum að fylla stúkuna.

Á meðan Eistarnir halda áfram sinni upphitun eru Víkingarnir farnir inn í klefa, 20 mínútum fyrir leik.
Fyrir leik
Arnar Gunnlaugsson þjálfari Víkings sagði í viðtali við Stöð2 Sport að Ingvar Jónsson væri einfaldlega á bekknum í kvöld uppá móralinn.
Fyrir leik
Athygli vekur að varamarkvörður Víkings í dag er Jochum Magnússon. Jochum er fæddur árið 2007. Jochum verður 15 ára 24.nóvember næstkomandi og er því einungis 14 ára og 7 mánaða gamall.

Þeir gerast varla mikið yngri leikmennirnir í Meistaradeildinni.
Fyrir leik
Eistarnir eru mættir út á völl og byrjaðir að hreyfa sig. Þeir hafa grenilega nýtt svæði innanhús til að hlaupa því þeir fara beint í sendingar. Athyglisvert.
Fyrir leik
Leikmenn Levadia Tallin hafa tekið þá ákvörðun að vera sem lengst inn í klefa í hitanum á meðan allur Víkingshópurinn er löngu mættur út á völl og nú þegar byrjaðir að hita upp af krafti fyrir átök kvöldsins. Athyglisverð nálgun hjá gestunum að vera bara inni í hlýunni.
Fyrir leik
Fyrir leik
Arnar Gunnlaugsson er mættur út á völl, með húfu og í góðri Víkings úlpu. Ég ætla gefa mér það að hann hafði séð þetta öðruvísi fyrir sér... það hlýtur einfaldlega að vera þannig. En maður fær víst ekki allt sem með óskar sér í þessu lífi. Það er nokkuð ljóst.
Fyrir leik
Það lítur allt út fyrir það að veðrið sé ekkert að fara skána. Þetta verður því engar drauma aðstæður til knattspyrnuiðkunar í kvöld.
Fyrir leik
Víkingar unnu 0 - 3 útisigur á ÍBV 15. júní síðastliðinn en síðan þá gerir Arnar Gunnlaugsson þrjár breytingar á liði sínu.

Pablo Punyed er áfram í liðinu eftir að hafa farið meiddur af velli eftir stundarfjórðung í eyjum en þeir Logi Tómasson, Karl Friðleifur Gunnarsson og Birnir Snær Ingason fara út.
Inn koma þeir Kyle McLagan, Davíð Örn Atlason og Nikolaj Hansen.

Ingvar Jónsson er skráður vararmarkvörður en er líklega ekki leikfær og kæmi ekki inná þó svo eitthvað kæmi uppá. Jochum Magnússon er einnig skráður varamarkvörður en Hannes Þór Halldórsson sem gekk í raðir félagsins í vikunni náði ekki leikheimild í tæka tíð fyrir þennan leik.
Fyrir leik
Byrjunarliðin eru klár. Það er ánægjulegt að Pablo Punyed skuli vera klár fyrir leikinn í kvöld.
Fyrir leik
Það er ljóst að sigurvegararnir hér í kvöldmæta Inter Escaldes, meistaraliði frá Andorra, sem vann endurkomusigur gegn La Fiorita frá San Marínó á Víkingsvelli í dag, 2-1 eftir að hafa lent 0-1 undir.
Fyrir leik
Ellinton Morais eða Liliu eins og hann er kallaður er 32 ára sóknarmaður frá Brasilíu sem hefur skorað sex mörk á tímabilinu. Hann hefur verið á faraldsfæti eftir að hafa skorað 31 mark með Nomme Kalju í Eistlandi tímabilið 2018. Eftir það reyndi hann fyrir sér í Svíþjóð, Finnlandi og Perú en er nú kominn aftur til Eistlands til að finna markaskónna á nýjan leik.
Fyrir leik
FCI Levadia er í harðari toppbaráttu í Eistlandi við Flora. Liðin eru jöfn að stigum með 44 stig en Flora á leik inni. Það er hinsvegar ennþá heil umferð eftir af deildinni. Bæði Levadia og Flora hafa mikla yfirburði í deildinni heimafyrir.

Markahæsti leikmaður liðsins á tímabilinu er, Zakaria Beglarishvili, 32 ára leikmaður frá Georgíu. Á síðustu leiktíð skoraði hann 24 mörk fyrir Levadia eftir frekar misheppnaða dvöl bæði í Finnlandi og í Ungverjalandi. Þar áður hafði hann slegið í gegn með Flora í Eistlandi.
Fyrir leik
Arnar Gunnlaugsson taldi fyrir helgi að litlar líkur yrðu á því að reynslu boltinn Pablo Punyed yrði með liðinu í kvöld vegna meiðsla.

,,Ég er ekkert alltof bjartsýnn á það. Hann verður skoðaður á morgun [föstudag] almennilega. Ef þetta er tognun þá er það ekki séns en vonandi kom hann út af nógu snemma svo að við höfum komið í veg fyrir meiri skaða en hann þarf að fá 2-3 hörkuæfingar fyrir hausinn á sjálfum sér til þess að sjá hvort hann verði heill eða ekki. Auðvitað gerum við allt sem í okkar valdi stendur til að láta hann spila,"
Fyrir leik
,,Það er mjög mikil spenna í Víkinni, við vitum alveg hversu stór ábyrgð þetta er fyrir okkur. Ég ætla að vona allir haldi með okkur, ég held með Blikunum og ég held með KR í þeirra Evrópuævintýri því það er hrikalega mikilvægt að ná þessu blessaða sæti aftur. Við erum að fara spila á móti hörkuliði, þetta er 50:50 leikur. Þeir eru meistarar í sínu landi og liðið sem var í 2. sæti komst í riðlakeppni í Sambandsdeildinni í fyrra - bara svo menn átti sig á því hversu erfitt þetta er. [Levadia og Flora Tallin] eru tvö langbestu liðin í Eistlandi," sagði Arnar Gunnlaugsson í viðtali við Fótbolta.net fyrir helgi.

Fyrir leik
Ef Víkingur tapar hinsvegar í kvöld fer liðið í 2. umferð Sambandsdeildar Evrópu. Þar mun liðið mæta annað hvort Hibernians frá Möltu eða Shamrock Rovers frá Írlandi.

Vinni Víkingar hinsvegar í kvöld en tapa úrslitaleiknum á föstudaginn þá fara Víkingar annað hvort til Armeníu og mæta þar Pyunik eða til Rúmeníu og mæta þar CFR Cluj.

Allt er þetta frekar mikið ef og ef. Við pælum í þessu þegar nær dregur, förum að einbeita okkur að leiknum sjálfum í kvöld.
Fyrir leik
Sigri Víkingar bæði leikinn í kvöld og á föstudaginn þá er ljóst að liðið á fyrir höndum erfitt, krefjandi en fyrst og fremst spennandi verkefni fyrir höndum.

Þar sem þeir mæta sænska stórliðinu, Malmö FF, undir stjórn fyrrum leikmanns og þjálfara Víkings, Milos Milojevic í fyrstu umferð í undankeppni Meistaradeildarinnar. Þetta yrði athyglisverð viðureign á alla vegu.

Fyrir leik
Velkomin í beina textalýsingu frá Víkingsvellinum, heimavelli hamingjunnar.

Hér í kvöld tekur Víkingur á móti Levadia Tallinn í forkeppni Meistaradeildarinnar. Þetta er bara einn úrslitaleikur um að komast í annan úrslitaleik um sæti á næsta stigi forkeppninnar, en liðið sem tapar fer í Sambandsdeildina.

Við hvetjum alla til að skella sér á völlinn og styðja við bakið á Víkingum. Það skiptir máli fyrir íslenskan fótbolta að íslensku félögunum gangi vel í Evrópukeppnum.
Byrjunarlið:
16. Þórður Ingason (m)
4. Oliver Ekroth
5. Kyle McLagan
7. Erlingur Agnarsson ('68)
8. Viktor Örlygur Andrason (f)
10. Pablo Punyed ('74)
12. Halldór Smári Sigurðsson
20. Júlíus Magnússon (f)
23. Nikolaj Hansen (f) ('68)
24. Davíð Örn Atlason ('74)
80. Kristall Máni Ingason ('78)

Varamenn:
1. Ingvar Jónsson (m)
99. Jochum Magnússon (m)
3. Logi Tómasson ('74)
9. Helgi Guðjónsson ('68)
11. Stígur Diljan Þórðarson
17. Ari Sigurpálsson ('68)
18. Birnir Snær Ingason ('78)
19. Axel Freyr Harðarson
22. Karl Friðleifur Gunnarsson ('74)

Liðsstjórn:
Arnar Gunnlaugsson (Þ)

Gul spjöld:
Logi Tómasson ('82)

Rauð spjöld: