Origo völlurinn
þriðjudagur 21. júní 2022  kl. 19:15
Besta-deild karla
Aðstæður: Vott og vindasamt.
Dómari: Egill Arnar Sigurþórsson
Maður leiksins: Arnór Smárason
Valur 2 - 1 Leiknir R.
0-1 Mikkel Dahl ('14)
1-1 Arnór Smárason ('16)
2-1 Tryggvi Hrafn Haraldsson ('65)
Myndir: Fótbolti.net - Haukur Gunnarsson
Byrjunarlið:
1. Guy Smit (m)
2. Birkir Már Sævarsson
3. Jesper Juelsgård
6. Sebastian Hedlund
7. Haukur Páll Sigurðsson (f) ('46)
8. Arnór Smárason ('87)
10. Aron Jóhannsson ('20)
12. Tryggvi Hrafn Haraldsson
15. Hólmar Örn Eyjólfsson
19. Orri Hrafn Kjartansson ('61)
22. Ágúst Eðvald Hlynsson

Varamenn:
25. Sveinn Sigurður Jóhannesson (m)
4. Heiðar Ægisson
5. Birkir Heimisson ('46)
9. Patrick Pedersen ('20) ('87)
11. Sigurður Egill Lárusson ('87)
13. Rasmus Christiansen ('87)
14. Guðmundur Andri Tryggvason ('61)

Liðstjórn:
Kjartan Sturluson
Halldór Eyþórsson
Einar Óli Þorvarðarson
Heimir Guðjónsson (Þ)
Haraldur Árni Hróðmarsson
Örn Erlingsson
Helgi Sigurðsson

Gul spjöld:
Birkir Már Sævarsson ('62)
Hólmar Örn Eyjólfsson ('88)

Rauð spjöld:
@saebjornth Sæbjörn Þór Þórbergsson Steinke
95. mín Leik lokið!
Valur vinnur sinn annan leik í röð!
Eyða Breyta
94. mín
Ekkert kom upp úr hornspyrnunni.
Eyða Breyta
93. mín
Guðmundur Andri fellur við í vítateig Leiknis. Ekkert dæmt.

Skömmu síðar fær Valur hornspyrnu.
Eyða Breyta
92. mín Gult spjald: Halldór Geir Heiðarsson (Leiknir R.)
Gult spjald á bekkinn. Ósáttir við að brot var dæmt á Leikni þegar Rasmus fór í grasið á vallarhelmingi Vals.
Eyða Breyta
91. mín
Fimm mínútum bætt við.
Eyða Breyta
90. mín
Spyrnan frá Berger fer hátt yfir mark Vals.
Eyða Breyta
89. mín
Leiknir á aukaspyrnu við vítateig Vals! Þetta er alvöru færi fyrir Berger!
Eyða Breyta
88. mín Gult spjald: Hólmar Örn Eyjólfsson (Valur)
Fær gult spjald fyrir tuð, væntanlega að ræða um vítaspyrnuna sem hann fékk ekki áðan.
Eyða Breyta
87. mín Rasmus Christiansen (Valur) Patrick Pedersen (Valur)

Eyða Breyta
87. mín Sigurður Egill Lárusson (Valur) Arnór Smárason (Valur)

Eyða Breyta
85. mín
Juelsgård með flotta spyrnu inná teig Leiknis en boltinn finnur ekki samherja. Hólmar fellur í vítateignum og Valsmenn vilja vítaspyrnu. Sýnist það hafa verið Gyrðir sem hélt utan um Hólmar.

Ekkert dæmt!
Eyða Breyta
84. mín Gyrðir Hrafn Guðbrandsson (Leiknir R.) Daði Bærings Halldórsson (Leiknir R.)

Eyða Breyta
84. mín Gult spjald: Brynjar Hlöðversson (Leiknir R.)
Brynjar tekur Guðmund Andra niður og fær gult spjald.
Eyða Breyta
83. mín
Jakobsen með ágætis fyrirgjöf en finnur ekki samherja og Guy handsamar boltann.
Eyða Breyta
79. mín Arnór Ingi Kristinsson (Leiknir R.) Dagur Austmann (Leiknir R.)

Eyða Breyta
79. mín Jón Hrafn Barkarson (Leiknir R.) Maciej Makuszewski (Leiknir R.)

Eyða Breyta
78. mín
Valur á hornspyrnu.

Julesgård með spyrnuna en Arnór er dæmdur brotlegur inná teignum.
Eyða Breyta
77. mín
Tryggvi Hrafn í flottri stöðu en nær ekki að taka við boltanum eftir fyrirgjöf frá Arnóri.
Eyða Breyta
76. mín
Tryggvi Hrafn með einn lúður langt utan af velli!

Fast skot sem Viktor blakar yfir mark gestanna.

Ekkert hættulegt kom upp úr honrspyrnunni.
Eyða Breyta
75. mín
Guðmundur Andri vill fá aukaspyrnu við vítateig Leiknis í kjölfar hornspyrnunnar en ekkert dæmt.
Eyða Breyta
74. mín
Valsmenn vinna hornspyrnu, fyrirgjöf frá Juelsgård í leikmann Leiknis og þaðan afturfyrir.
Eyða Breyta
72. mín
Gestirnir vilja fá hendi-víti eftir hornið. Sá það ekki nógu vel. Ekkert dæmt allavega.
Eyða Breyta
71. mín
Guy Smit!

Leiknismenn eiga aukaspyrnu nokkra metra fyrir utan teig Vals.

Emil Berger hleypur að boltanum og lætur vaða. Guy Smit sér við þeim sænska og ver boltann yfir markið. Góð varsla!
Eyða Breyta
68. mín Róbert Hauksson (Leiknir R.) Mikkel Dahl (Leiknir R.)
Fyrsta breyting Leiknis.
Eyða Breyta
65. mín MARK! Tryggvi Hrafn Haraldsson (Valur), Stoðsending: Patrick Pedersen
Valsmenn taka forystuna!

Sýnist það vera Kristófer sem missir boltann á vallarhelmingi Vals. Ágúst vinnur boltann, finnur Tryggva sem sendir á Arnór og hann kemur honum á Patrick. Sá danski setur hann í fyrstu snertingu í gegn í hlaupið hjá Tryggva.

Tryggvi er einn gegn Viktori, kemst svona hálfvegis framhjá markverðinum og rennir boltanum með vinstri fæti í gegnum klofið á Viktori. Vel klárað!
Eyða Breyta
62. mín Gult spjald: Birkir Már Sævarsson (Valur)
Brýtur á Birgi.

Ekkert kom upp úr aukaspyrnunni í kjölfarið.
Eyða Breyta
61. mín
Gestirnir eru búnir að vera líklegri síðustu mínútur.
Eyða Breyta
61. mín Guðmundur Andri Tryggvason (Valur) Orri Hrafn Kjartansson (Valur)

Eyða Breyta
59. mín
Dagur reynir að finna Dahl inná teignum en boltinn er of innarlega fyrir danska sóknarmanninn sem er ekki sáttur við Dag.
Eyða Breyta
57. mín
Fín sókn hjá Leikni endar á mislukkuðu skoti hjá Magic inná vítateig Vals. Gestirnir þurfa að reima á sig skotskóna, flest skotin verið léleg.
Eyða Breyta
55. mín
Jakobsen með tilraun fyrir utan teig en skotið aldrei líklegt og fer yfir mark Vals.
Eyða Breyta
51. mín
Valur fær aðra hornspyrnu.

Arnór með fína spyrnu sem Leiknismenn skalla yfir markið sitt og Valur fær aftur horn.

Ekkert kom upp úr þeirri spyrnu.
Eyða Breyta
48. mín
Valur fær fyrstu hornspyrnu seinni hálfleiks.

Tryggvi tekur spyrnuna, boltinn hrekur út í teiginn á Juelsgård sem hittir boltann mjög illa og boltinn fer langt framhjá marki Leiknis.
Eyða Breyta
46. mín
Seinni hálfleikur hafinn!
Eyða Breyta
46. mín Birkir Heimisson (Valur) Haukur Páll Sigurðsson (Valur)
Skipting í hálfleik.
Eyða Breyta
45. mín

Eyða Breyta
45. mín Hálfleikur
Tryggvi með fyrirgjöf inná teig getanna. Haukur Páll vinnur skallaboltann og á skalla á mark Leiknis sem Viktor grípur.

Í kjölfarið flautar Egill Arnar til hálfleiks. Valsmenn verið betri aðilinn í fyrri hálfleiknum en staðan er jöfn.
Eyða Breyta
44. mín
Hætta inná vítateig gestanna þegar Tryggvi reynir að finna Orra en nær því ekki. Gestirnir keyra upp og Magic er kominn í ágæta stöðu úti hægra megin, reyndar ekki með neinn með sér, á skottilraun en hún misheppnast og Valur á markspyrnu.
Eyða Breyta
43. mín
Tryggvi reynir fyrirgjöfina á fjærstöngina. Þar var Arnór á sprettinum en boltinn aðeins of innarlega.

Leiknismenn duglegir að syngja að yngri bræður leikmanna Vals séu betri en þeir í fótbolta.
Eyða Breyta
41. mín
Stuðningsmenn Leiknis algjörlega magnaðir. Sungið frá fyrstu mínútu og krydda þetta svo sannarlega. Ekki fjölmennt á Origo völlinn í kvöld en stemningin frábær þökk sé gestunum!
Eyða Breyta
39. mín
PATRICK!!

Fínasti bolti inn á teig gestanna og Patrick kemst í boltann, fyrirgjöfin frá Birki en Brynjar Hlöðversson fleytti boltanum áfram. Boltinn fer af höfðinu á Patrick í utanverða stöngina á marki Leiknis!
Eyða Breyta
35. mín
Orri Hrafn fellur í vítateig Leiknis, ekkert á það og gestirnir bruna upp í sókn.

Magic með fínan sprett á hægri kantinum, Jakobsen kemst í boltann og á skottilraun en hún fór hátt yfir mark heimamanna.
Eyða Breyta
33. mín
Fyrirgjöf frá Juelsgård inná teiginn sem Bjarki skallar út úr vítateig Leiknis.
Eyða Breyta
32. mín Gult spjald: Mikkel Jakobsen (Leiknir R.)
Jakobsen brýtur á Orra Hrafni við vítateig Leiknis.
Eyða Breyta
31. mín
Ágúst Eðvald með skot fyrir utan teig sem fer beint á Viktor í marki Leiknis.
Eyða Breyta
27. mín
Valur á hornspyrnu.

Alvöru darraðadans eftir spyrnuna frá Tryggva. Boltinn skoppar fyrir Hauk Pál sem reynir að skalla boltann í netið af stuttu færi en yfir fór boltinn.
Eyða Breyta
24. mín
Virkilega laglega spilað hjá heimamönnum upp vinstri vænginn. Juelsgård á svo sendingu fyrir á Patrick sem flikkar honum til baka á Arnór en skotið frá Arnóri frá vítateigslínu fer yfir mark gestanna.
Eyða Breyta
20. mín Patrick Pedersen (Valur) Aron Jóhannsson (Valur)
Aron fékk aðhlynningu áðan og nú er ljóst að hann getur ekki haldið leik áfram. Patrick, sem skoraði sigurmarkið í síðasta leik, kemur inná.
Eyða Breyta
19. mín
Leiknir á hornspyrnu.

Jakobsen finnur Bjarka á fjærstönginni en fyrirliðinn er truflaður og ekkert kemur upp úr þessu.
Eyða Breyta
16. mín MARK! Arnór Smárason (Valur), Stoðsending: Birkir Már Sævarsson
Og Valsmenn jafna!

Það tók ekki langan tíma! Birkir Már með flottan sprett, tekur svo þríhyrning við Orra, fær boltann inn á teignum og rennir honum út á Arnór. Arnór er í dauðafæri og gerir allt rétt - jafnar leikinn!
Eyða Breyta
14. mín MARK! Mikkel Dahl (Leiknir R.), Stoðsending: Mikkel Jakobsen
Leiknir hefur tekið forystuna!

Þetta var ekki ósvipað síðustu sókn hjá Leikni. Emil Berger gerir frábærlega aftarlega á vellinum, sendir boltann út á vinstri kantinn þar sem Mikkel Jakobsen er í góðri stöðu. Jakobsen rennir boltanum inn á teiginn þar sem Dahl er mættur og klárar framhjá Guy í markinu.
Eyða Breyta
12. mín
Mikkel Dahl í besta færi leiksins til þessa. Brynjar gerir frábærlega í öftustu línu og lyftir boltanum út á Magic á hægri kantinum. Magic fær gott pláss til að athafna sig í og finnur Dahl inn á teignum sem á tilraun en hún fer framhjá nærstönginni.
Eyða Breyta
8. mín
Dagur með fyrirgjöf sem Hólmar hreinsar í hornspyrnu. Fyrsta slíka í leiknum.

Kristófer með stutta spyrnu inn á teiginn, Magic kemst í boltann en missir hann afturfyrir.
Eyða Breyta
2. mín
Lið Leiknis:
Viktor
Dagur - Bjarki - Byrnjar - Birgir
Daði - Berger
Magic - Kristófer - Jakobsen
Dahl
Eyða Breyta
1. mín
Lið Vals:
Guy
Birkir - Hedlund - Hólmar - Juelsgård
Haukur - Ágúst
Orri - Arnór - Tryggvi
Aron
Eyða Breyta
1. mín Leikur hafinn
Gestirnir byrja með boltann. Stuðningsmenn þeirra láta vel í sér heyra.
Eyða Breyta
Fyrir leik
Veðrið leikur ekki beint við menn, rigning og vindur.
Eyða Breyta
Fyrir leik
Byrjunarliðin hafa verið opinberuð:
Heimir Guðjónsson, þjálfari Vals, gerir enga breytingu á sínu liði frá sigrinum gegn Breiðabliki í síðustu umferð. Birkir Heimisson er kominn úr leikbanni og tekur sér sæti á bekknum.

Sigurður Heiðar Höskuldsson, þjálfari Leiknis, gerir þrjár breytingar frá 2-2 jafnteflinu gegn FH í síðustu umferð. Árni Elvar Árnason er ekki í leikmannahópnum í dag og þeir Róbert Hauksson og Gyrðir Hrafn Guðbrandsson taka sér sæti á bekknum. Inn í liðið koma þeir Maciej, Kristófer og Brynjar.
Eyða Breyta
Fyrir leik
Dómarateymið:
Egill Arnar Sigurþórsson er með flautuna í kvöld og honum til aðstoðar eru þeir Gylfi Már Sigurðsson og Smári Stefánsson. Þórður Georg Lárusson er eftirlitsmaður KSÍ og Erlendur Eiriksson er varadómari.
Eyða Breyta
Fyrir leik
Sævar spáði útisigri

Við fengum Sævar Atla Magnússon, leikmann Lyngby, til að spá í umferðina. Sævar var látinn spá í apríl og við munum sjá í kvöld hversu vel hann las í kristallskúluna.

Valur 0 - 1 Leiknir R.
Jájá ég verð 100% í stúkunni þarna með Leiknisljónunum að sækja 3 stig. Þetta verður sigur sem einkennist af ástríðu og skipulagi hjá mínum mönnum. Daði Bærings skorar sitt fyrsta deildarmark fyrir Leikni eftir að Árni Elvar (sem er einhleypur) skýtur í pabbabumbuna á honum og inn. Ég hef oft reynt að hjálpa Daða með að skora sitt fyrsta mark með því að skjóta i hann og inn en það tókst aldrei en ég veit að þeir hafa æft þetta stíft á æfingasvæðinu í vetur því þetta er líklegasta leiðin til þess að hann skori mark.
Eyða Breyta
Fyrir leik
Staðan í deildinni og síðustu leikir
Valur er í fimmta sæti deildarinnar fyrir leik kvöldsins og getur með sigri komist upp í 2. sætið. Liðið hafði fyrir síðasta leik tapað fjórum leikjum í röð. Valur tók sig til og varð fyrsta liðið til að leggja Breiðablik að velli í sumar, 3-2 sigur vannst á þessum velli á fimmtudagskvöldi. Aron Jóhannsson, Orri Hrafn Kjartansson og Patrick Pedersen skoruðu mörkin.

Leiknir er í ellefta sæti og mun með sigri fara upp úr fallsæti. Leiknir hefur náð í tvö af sínum fjórum stigum í deildinni í síðustu þremur leikjum. Í síðasta leik gerði liðið jafntefli gegn FH og voru það þeir Emil Berger og Maciej Makuszewski sem sáu um að skora.
Eyða Breyta
Fyrir leik
Leikurinn er liður í tíundu umferð Bestu deildarinnar en hún hófst í lok apríl með leik Víkings og Keflavíkur og lýkur í kvöld með tveimur leikjum. Hinn leikur kvöldsins er viðureign ÍA og FH.
Eyða Breyta
Fyrir leik
Góða kvöldið lesendur góðir og veriði velkomnir í beina textalýsingu frá leik Vals og Leiknis í Bestu deild karla. Leikurinn fer fram á Origo vellinum - heimavelli Vals - og hefst hann klukkan 19:15.
Eyða Breyta
Byrjunarlið:
22. Viktor Freyr Sigurðsson (m)
4. Bjarki Aðalsteinsson (f)
5. Daði Bærings Halldórsson ('84)
7. Maciej Makuszewski ('79)
9. Mikkel Dahl ('68)
10. Kristófer Konráðsson
11. Brynjar Hlöðversson
15. Birgir Baldvinsson
18. Emil Berger
23. Dagur Austmann ('79)
80. Mikkel Jakobsen

Varamenn:
1. Atli Jónasson (m)
17. Gyrðir Hrafn Guðbrandsson ('84)
19. Jón Hrafn Barkarson ('79)
20. Óttar Bjarni Guðmundsson
21. Róbert Hauksson ('68)
24. Loftur Páll Eiríksson
28. Arnór Ingi Kristinsson ('79)

Liðstjórn:
Valur Gunnarsson
Gísli Friðrik Hauksson
Sólon Breki Leifsson
Sigurður Heiðar Höskuldsson (Þ)
Hlynur Helgi Arngrímsson
Davíð Örn Aðalsteinsson
Halldór Geir Heiðarsson

Gul spjöld:
Mikkel Jakobsen ('32)
Brynjar Hlöðversson ('84)
Halldór Geir Heiðarsson ('92)

Rauð spjöld: