Fyrir leik
Byrjunarliðin er klár og má sjá hér til hliðar.

Heimamenn í Njarðvík gera eina breytingu á sínu liði frá toppslagnum gegn Ægi en Einar Orri Einarsson kemur inn í liðið fyrir Arnar Helga Magnússon.

Gestirnir í KR gera einnig eina breytingu á sínu liði frá síðasta leik gegn Breiðablik en Theodór Elmar Bjarnason sest á bekkinn hjá KR og inn kemur Stefan Alexander Ljubicic.
Eyða Breyta

Fyrir leik
Pétur Guðmundsson er dómarinn í kvöld og honum til aðstoðar verða þeir Birkir Sigurðarson og Guðmundur Ingi Bjarnason.
Gunnar Oddur Hafliðason er fjórði dómari og til taks ef eitthvað kemur upp á.
Sigurður Hannesson er þá eftirlitsdómari í kvöld.


Eyða Breyta

Fyrir leik
Sérstakur spámaður Fótbolta.net fyrir leikina í 16-liða úrslitum er einn af íþróttafréttamönnum Rúv, Þorkell Gunnar Sigurbjörnsson en Rúv mun sýna frá leikjum Mjólkurbikarsins.

Njarðvík 1 - 5 KR - BEINT Á RÚV 2
Njarðvíkingar mæta vel gíraðir og komast yfir. Særðir KR-ingar bíta þá hressilega frá sér og vinna sannfærandi.



Eyða Breyta

Fyrir leik
Heimamenn í Njarðvík fengu enga óskabyrjun þegar dregið var til leiks í Mjólkurbikar karla.
Í fyrstu umferð fengu þeir heimaleik gegn Lengjudeildarliði Fjölni sem þurfti að grípa til vítaspyrnukeppni þar sem liðin stóðu jöfn 1-1 þegar 120 mínútur, Hákon Ingi Jónsson hafði komið Fjölni yfir í leiknum áður en Einar Orri Einarsson jafnaði leikinn og fór svo að heimamenn höfðu þar betur.

Í annari umferð tóku Njarðvíkingar á móti KFG og hafði betur 5-2 með mörkum frá Marc McAusland,Einar Orra Einarssyni, Samúel Skildi Ingibjargarsyni og Magnús Þórir Matthíasson setti þá tvö mörk í leiknum.

Í 32-liða úrslitum voru það nágrannarnir og Bestudeildarlið Keflavíkur sem buðu Njarðvíkinga velkomna á HS orku völlinn. Njarðvíkingar sýndu þar framúrskarandi leik og höfðu betur 1-4 með mörkum frá Kenneth Hogg, tveimur mörkum frá Magnúsi Þórir Matthíassyni og Oumar Diouck rak síðasta naglan í kistu Keflavíkur en Keflavík náði að minnka muninn í 1-2 með marki frá Patrik Johannesen af vítapunktinum.


Eyða Breyta

Fyrir leik
Við skulum staldra aðeins við og renna yfir leið liðana í 16-liða úrslitinn.

Byrjum á því að renna yfir lið gestanna í KR en þeir komu inn í Mjólkurbikarinn í síðustu umferð, eða 32-liða úrslitum en þar mættu þeir Stjörnumönnum í Garðabæ og fóru með sannfærandi 0-3 sigur af hólmi. Mörk KR í þeim leik skoruðu Hallur Hansson, Atli Sigurjónsson og Aron Þórður Albertsson.



Eyða Breyta

Fyrir leik
Heimamenn í Njarðvík hafa verið duglegir að hita upp fyrir rimmu liðsins gegn KR og birtu afar skemmtilegt myndband í vikunni til þess að hvetja fólk á völlinn.
Teitur Örlygs: Gullaldarár KR eru búin



Eyða Breyta

Fyrir leik
Það er mikil gleði í Njarðvík en liðið trónir á toppi 2. deildar karla og er enn taplaust í öllum keppnum þar sem af er tímabili.

KR hafa hinsvegar farið hægt af stað í Bestu deild karla og sitja sem stendur í 6.sæti deildarinnar.
Eyða Breyta

Fyrir leik
Komið margblessuð og sæl og verið hjartanlega velkominn í þessa þráðbeinu textalýsingu frá Rafholtsvellinum í Njarðvík þar sem Njarðvík og KR eigast við í Mjólkurbikar karla 2022.


Eyða Breyta