Fyrir leik
Yfirburðir Víkinga í fyrri leiknum kristallast í xG tölfræðinni. Víkingur með 3,04 í xG en TNS með 0,09. Ég er að búast við því að Víkingar taki þetta af yfirvegun og öryggi í dag og tryggi sér sæti í næstu umferð.
Eyða Breyta

Fyrir leik
Hér má sjá svipmyndir bak við tjöldin. Leikurinn fer fram á gervigrasi.

The calm before, hopefully, a positive storm! pic.twitter.com/Sps17bzcuw

— The New Saints FC (@tnsfc) July 26, 2022

Eyða Breyta

Fyrir leik
Jæja þá er komið að því að skrifstofa .Net spái í leikinn.

Guðmundur Aðalsteinn: 0-3. Ekroth setur eitt og Kristall heldur áfram að skora í Evrópu.

Sæbjörn Steinke: 0-1. Ingason.

Hafliði Breiðfjörð: 0-0. Steindautt.
Eyða Breyta

Fyrir leik
Viktor Örlygur Andrason tekur stöðu Pablo en að öðru leyti er Víkingur með sama byrjunarlið og í fyrri leiknum.

Byrjunarlið Víkings
1. Ingvar Jónsson (m)
3. Logi Tómasson
4. Oliver Ekroth
5. Kyle McLagan
7. Erlingur Agnarsson
8. Viktor Örlygur Andrason
17. Ari Sigurpálsson
18. Birnir Snær Ingason
20. Júlíus Magnússon (f)
22. Karl Friðleifur Gunnarsson
80. Kristall Máni Ingason
Eyða Breyta

Fyrir leik
Þetta sögðu þjálfararnir eftir fyrri leikinn:


Arnar Gunnlaugsson, þjálfari Víkings: "Mér fannst frammistaðan hjá öllum frábær, við þurftum augljóslega smá heppni til að fá þessi víti. Þetta var fyrri hálfleikurinn í þessu einvígi og þeir kunna að vinna Evrópuleiki á sínum heimavelli. Við þurfum að eiga okkar allra besta leik þar til að fara áfram."

Anthony Limbrick, þjálfari TNS: "Mér fannst þeir (Víkingarnir) frábærir, við breyttum aðeins varnarlega í leiknum og það hjálpaði. Þegar þú lítur á heildina þá voru þetta tvö víti, annað þeirra var víti en seinna vítið... það var ekki einn aðili á vellinum sem hugsaði að þetta væri víti, þar eru leikmenn Víkings taldir með. Þetta hefði út frá því átt að vera 1-0 en miðað við hvernig leikurinn spilaðist þá hefði sigur Víkings getað verið mun stærri. Þeir eru gott lið og bjuggu til mun meira en við gerðum. Við erum ennþá á lífi, 2-0 er staðan og það verður öðruvísi leikur á okkar heimavelli. Við erum góðir þar og getum unnið þar, enginn vafi um það."


Eyða Breyta

Fyrir leik


Miðjumaðurinn öflugi Pablo Punyed verður ekki með Víkingi í seinni leiknum gegn TNS frá Wales en Viktor Örlygur Andrason mun að öllum líkindum leysa hann af hólmi. Pablo fékk gult spjald undir lok leiks í 2-0 sigrinum á TNS á fimmtudag fyrir að tuða í dómara leiksins og verður því í banni.
Eyða Breyta

Fyrir leik
Ef Víkingur klárar þessa viðureign, eins og við gerum hreinlega ráð fyrir, þá verður pólska liðið Lech Poznan mótherji í næstu umferð. Þungavigtareinvígi. Lech Poznan vann 5-0 sigur gegn Dinamo Batumi frá Georgíu í fyrri leiknum og formsatriði fyrir þá pólsku að klára dæmið í seinni leiknum á fimmtudag.

Leikdagur á The New Saints Stadium #fotboltinet @vikingurfc pic.twitter.com/eHlcbOMqg7

— Haraldur Haraldsson (@HarHaralds) July 26, 2022

Eyða Breyta

Fyrir leik


Kristall Máni Ingason skoraði bæði mörk Víkings í fyrri leiknum, bæði af vítapunktinum. TNS menn voru skiljanlega ósáttir við seinni vítaspyrnudóminn en það þýðir ekki að deila við dómarann. Talandi um dómara þá mun búlgarskt dómarateymi dæma þennan seinni leik. Ivaylo Stoyanov heitir maðurinn með flautuna.


Eyða Breyta

Fyrir leik
Góðan og gleðilegan daginn! Velkomin með okkur í beina textalýsingu frá leik The New Saints (sem við munum kalla TNS í þessari lýsingu) og Íslands- og bikarmeistara Víkings.

Þetta er seinni viðureign liðanna í 2. umferð forkeppni Sambandsdeildarinnar. Víkingar eru í góðri stöðu eftir 2-0 sigur í heimaleiknum.

TNS er lið í Wales en þessi leikur fer hinsvegar fram Englandsmegin við landamærin, á Park Hall leikvangnum í Oswestry. Fábrotinn völlur.



Leiknum er textalýst í gegnum útsendingu Stöð 2 Sport sem sýnir leikinn í beinni
Eyða Breyta