Fyrir leik
Dómarateymið!
Ívar Orri Kristjánsson heldur utan um flautuna hér í kvöld og honum til aðstoðar verða Birkir Sigurðarson og Eðvarð Eðvarðsson.
Arnar Þór Stefánsson verður á hliðarlínunni með skiltið góða og til taks ef eitthvað útaf bregður.
Gylfi Þór Orrason fær það verkefni að hafa eftirlit með störfum dómara hér í kvöld.


Eyða Breyta

Fyrir leik
Innbyrðis viðureignir
Samkvæmt gögnum af vef KSÍ hafa þessi lið einungis þrívegis mæst í sögu félagana í keppnisleik þar sem FH hefur tvívegis haft betur og einusinni hafa liðin skilið jöfn.

Þessi lið mættust í Mjólkurbikarnum 2021 í 32-liða úrslitum einmitt á Kaplakrikavelli þar sem heimamenn í FH höfðu betur með fjórum mörkum gegn einu.
Njarðvíkingar komust yfir með marki frá Bergþóri Inga Smárasyni áður en Milos Ivankovic varð fyrir því óláni að jafna leikinn fyrir FH með sjálfsmarki. Steven Lennon, Matti Villa og Guðmundur Kristjáns bættu svo við mörkum og þar við sat.


Eyða Breyta

Fyrir leik
Úlfur Ágúst Björnsson leikmaður FH var lánsmaður Njarðvíkur fyrri hluta síðasta tímabils í 2.deild þar sem hann sprakk út og átti stórkostlegt tímabil í grænu treyjunni.
Úlfur Ágúst spilaði 12 leiki í 2.deildinni fyrir Njarðvíkinga og skoraði í þeim 10 mörk og var burðarrás Njarðvíkinga fremst á vellinum ásamt Oumar Diouck þar sem þeir voru illviðráðanlegir saman og lögðu grunnin af frábæru tímabili Njarðvíkur síðasta sumars.



Úlfur Ágúst Björnsson hefur verið kraftmikill og flottur í treyju FH síðan hann snéri aftur úr láni og FH binda miklar vonir við hann.



Eyða Breyta

Fyrir leik
Leið FH að 16-liða úrslitum
FH komu inn í keppnina í 32-liða úrslitum og drógust þar gegn Ægi frá Þorlákshöfn.
FH gerðu þar góða ferð til Þorlákshafnar og sóttu miðann í 16-liða úrslitin með flottum 1-3 sigri.

Mörk FH í Mjólkurbikarnum:

Kjartan Kári Halldórsson - 2 Mörk
Úlfur Ágúst Björnsson - 1 Mark


Eyða Breyta

Fyrir leik
Leið Njarðvíkur að 16-liða úrslitum
Njarðvíkingar byrjuðu í 1.umferð þar sem þeir fengu Hörð frá Ísafirði í heimsókn til Njarðvíkur.
Njarðvíkingar fóru með öruggann 4-0 sigur af hólmi og voru því í pottinum í 2.umferð þar sem þeir mættu Augnabliki í Kópavogi. Njarðvíkingar fóru í gegnum þá hindrun með 2-3 sigri og tryggðu sér um leið sæti í 32-liða úrslitum þar sem þeir fengu KFA, lið Mikaels Nikulássonar í heimsókn. Njarðvíkingar sýndu góða frammistöðu í þeim leik þar sem þeir fóru með 4-1 sigur af hólmi og tryggðu sig áfram í þennan leik gegn FH.

Mörk Njarðvíkur í Mjólkurbikarnum:

Rafael Victor - 3 Mörk
Marc McAusland - 3 Mörk
Kenneth Hogg - 2 Mörk
Tómas Bjarki Jónsson - 1 Mark
Oumar Diouck - 1 Mark
Luqman Hakim Shamsudin - 1 Mark


Eyða Breyta

Fyrir leik
Heil og sæl!
Verið hjartanlega velkominn í þessa þráðbeinu textalýsingu frá leik FH og Njarðvíkur í 16-liða úrslitum Mjólkurbikars karla sem fram fer á Kaplakrikavelli í Hafnarfirði.



Eyða Breyta