Það er skítaveður, rignir og gengur á með hviðum. Það er ólíklegt að áhorfendatala kvöldsins verði há, ekki hjálpar að bæði lið hafa átt erfiða byrjun á tímabilinu.

Þar sem fjölmiðlaaðstaða er ekki til staðar við völlinn verður þessi textalýsing ekki eins ítarleg og annars hefði verið. Leiknum verður textalýst í gegnum síma.

Þrjár breytingar hjá Leikni

Leiknir gerir þrjár breytingar frá 1-0 tapi gegn Þór síðasta laugardag. Davíð Júlían Jónsson, Árni Elvar Árnason og Jón Hrafn Barkarson koma inn.

Sindri Björnsson, Róbert Hauksson og Kaj Leo í Bartalstovu fara út.

Tvær breytingar á liði ÍA

Jón Þór Hauksson gerir tvær breytingar á byrjunarliðinu frá 1-1 jafntefli gegn Aftureldingu.

Steinar Þorsteinsson og Daníel Ingi Jóhannesson koma inn í byrjunarliðið. Jón Gísli Eyland Gíslason og Haukur Andri Haraldsson setjast á bekkinn.

Daníel Ingi er 16 ára gamall og er á leið til Nordsjælland í Danmörku. Jóhannes Karl Guðjónsson er faðir hans og Ísak Bergmann, leikmaður FCK og íslenska landsliðsins, er bróðir hans.

Horfðu á leikinn beint á Youtube

Dómari: Einar Ingi Jóhannsson

Aðstoðardómarar: Sveinn Ingi Sigurjónsson Waage og Magnús Garðarsson.

Þungt högg í magann

Eftir þrjá leiki í Lengjudeildinni hefur Leiknir unnið einn leik en tapað tveimur. Liðið tapaði gegn Þór á Akureyri um síðustu helgi.

„Hundfúll. Þetta er þungt högg í magann, það er óskiljanlegt hvernig við náum ekki að skora í þessum leik. Það er ótrúlegt og ef maður skorar ekki þá vinnur maður ekki fótboltaleiki," sagði Vigfús Arnar, þjálfari Leiknis, eftir tapið fyrir norðan.

Vonbrigði að byrja mótið svona

ÍA er með tvö stig eftir fyrstu þrjár umferðirnar og er þetta ekki byrjunin sem félagið vonaðist eftir fyrir mót.

,,Heldur betur ekki. Það eru vonbrigði að byrja mótið svona og eftir tvo heimaleiki að vera án sigurs og það eru gríðarleg vonbrigði en við þurfum að halda áfram og gera betur." sagði Jón Þór Hauksson, þjálfari ÍA, eftir jafntefli gegn Aftureldingu í síðustu umferð.

Gott og gleðilegt kvöld Leiknir og ÍA mætast klukkan 19:15 í 4. umferð Lengjudeildar karla. Leikið er á gervigrasvellinum í Breiðholti þar sem aðalvöllurinn telst enn ekki vera tilbúinn í slaginn.



Þar sem fjölmiðlaaðstaða er ekki til staðar við völlinn verður þessi textalýsing ekki eins ítarleg og annars hefði verið. Leiknum verður textalýst í gegnum síma.