Klappað hér sérstaklega fyrir Nenad Zivanovic þjálfara Ægis og fyrrum leikmanni Þórs. Hann er þakklátur og veifar upp í stúku.

Þetta er að bresta á Liðin eru að ganga út á völl

Byrjunarliðin Liðin eru mætt. Hægt að sjá þau hér sitthvoru megin við lýsinguna

Dómararnir Sveinn Arnarsson verður með flautuna í kvöld.
Þórður Arnar Árnason og Agnar Ingi Bjarkason verða honum til aðstoðar. Vilhelm Adolfsson er eftirlitsmaður KSÍ.

Gunni Birgis spáir í 5. umferðina. Hann spáir því að Baldvin Bogarsson komi inn á.


Þetta verður áhugaverður leikur fyrir margar sakir. Spilandi þjálfari Ægis, Baldvin Borgarsson, kemur inn á síðustu 15.min up top og Ægismenn fara að hengja hann duglega fram á við. Það heppnast ekki betur en svo að Bjarni litli G skorar eitt af miðlínunni yfir Ivaylo í marki Ægis. Svekkjandi niðurstaða fyrir Ægi en Þór sækir mikilvæg þrjú stig.

Gunnar Birgisson er spámaður umferðarinnar

Nýliðarnir á botninum Ægir er nýliði í Lengjudeildinni og hefur aðeins nælt í eitt stig í fyrstu fjórum umferðunum. Liðið gerði 2-2 jafntefli í nýliðaslagnum í Njarðvík í 2. umferð.

Þórs jójóið Þór er í 5. sæti deildarinnar með sex stig eftir fjóra leiki. Liðið hefur unnið og tapað til skiptis. Liðið fékk skell í síðustu umferð þegar liðið tapaði 6-0 gegn Fjölni.

Góða kvöldið Verið velkomin í beina textalýsingu frá leik Þórs og Ægis í 5. umferð Lengjudeildarinnar á Þórsvelli.