Liðin ganga nú inn á völlinn, Fram í hefðbundnum bláum treyjum og hvítum buxum og sokkum. Keflavík í alhvítum adidas búningum, svolítið eins og Real Madrid. Sjáum hvort gæðin verði eftir því í dag.

Prímaveður Tólf stiga hiti og algjör dúnalogn hér í Úlfarsárdalnum en þó smá skýjað. Frábært sumarveður og ekki skemmir að Framarar eru að spila Dimmu í hljóðkerfinu.

Gummi Magg bekkjaður! Jón Sveinsson þjálfari Fram gerir fjórar breytingar á liði sínu frá 4 -2 tapi gegn KA í síðustu umferð.

Tryggvi Snær Geirsson, Þórir Guðjónsson, Adam Örn Arnarson, Brynjar Gauti Guðjónsson koma inn en óvænt er Guðmundur Magnússon settur á bekkin eins og Magnús Þórðarson, Óskar Jónsson og Orri Sigurjónsson.

Sigurður Ragnar Eyjólfsson þjálfari Keflavíkur gerir enga breytingu frá markalausa jafnteflinu gegn Breiðabliki í síðustu umferð.

Spámaðurinn Bragi Karl Bjarkason sem hefur farið með himinskautum með ÍR í 2. deildinni í sumar spáði í leiki umferðarinnar fyrir Fótbolta.net.

Fram 3 - 3 Keflavík
Þetta verður rosalegur markaleikur. Það verður spilaður samba bolti hjá Fram og Fred setur þrennu. Sindri Snær svarar í sömu mynt og setur óvænta þrennu fyrir Kef. Hann má svo fara drífa sig að koma heim í Breiðholtið.

Bragi spáði í umferðina.

Fram og Keflavík mættust þrisvar í Bestu-deildinni á síðustu leiktíð. Í fyrsta leiknum 3. júlí vann Keflavík 3 - 1 heima.

Annar leikurinn var ansi skrautlegur en þá vann Keflavík 4 - 8 útisigur.

Keflavík vann svo einnig þriðja leikinn sem var í neðri hluta deildarinnar eftir skiptingu. Þá fór 4 - 0.

Fallbaráttuslagur Leikurinn í dag er sannkallaður fallbaráttuslagur og gríðarlega mikilvægur fyrir bæði lið.

Gestirnir í Keflavík sitja á botni deildarinnar með 6 stig sem þeir fengu úr einum sigurleik í fyrstu umferð gegn Fylki og þremur jafnteflum.

Þeir gætu með sigri farið upp fyrir Framara í töflunni en Fram er í 10. sætinu með 8 stig. Hafa unnið tvo gegn ÍBV og Stjörnunni og gert tvö jafntefli.

Guðgeir verðlaunaður Dómari leiksins í dag er Guðgeir Einarsson. Hann hefur verið að standa sig vel í sumar og er verðlaunaður með að vera færður upp um flokk í Bestu-deild karla.

Guðgeiri til aðstoðar á línunum verða þeir Guðmundur Ingi Bjarnason og Antoníus Bjarki Halldórsson.

Vilhjálmur Alvar Þórarinsson er svo skiltadómari.

Gamla goðsögnin Kristinn Jakobsson er svo fulltrúi KSÍ sem mun hafa eftirlit með störfum dómara og umgjörð leiksins.
Guðgeir dæmir leikinn í dag.

Leikdagur í Úlfarsárdal. Góðan daginn og verið velkomin í Úlfarsárdalinn. Hér verður textalýsing frá leik Fram og Keflavíkur.

Leikurinn hefst klukkan 19:15 og hér verður allt það helsta.