Falleg stund Falleg stund hérna fyrir leik þar sem Cecilía Rán Rúnarsdóttir, nýkrýndur Þýskalandsmeistari, er að fá blómvönd frá Fylki. En hún var einmitt að vinna þýsku deildina á dögunum. Vallarþulurinn fór vel og vandlega yfir ferilinn hennar og áhorfendur klappa fyrir henni. Hún hefur einnig verið að árita treyjur hérna í Fylkisheimilinu í allan morgun.

Byrjunarliðin! Byrjunarliðin eru klár og Gunnar gerir engar breytingar á liðinu frá tapinu úr gegn HK í seinasta deildarleik. John Andrews gerir tvær breytingar á Víkingsliðinu frá sigrinum góða gegn FHL í seinasta deildarleik. Linda Líf og Bergdís koma inn í liðið en Birta Birgis og Freyja Stefáns víkja.


Linda Líf byrjar í dag

Dómari leiksins! Það verður engin annar en Sigurður Schram sem fær það verkefni að dæma þennan leik. Aðstoðarmenn Sigurðar í dag verða Ásbjörn Sigþór Snorrason og Margeir Valur Sigurðsson.

Fylkir byrja þokkalega Fylkiskonur töpuðu sínum fyrsta leik í seinustu umferð gegn HK í Kórnum. Fyrir utan þann leik hafa þær unnið tvo og gert eitt jafntefli. Fylkiskonur sitja í fjórða sæti með sjö stig. Þær eru fimm stigum á eftir Víkingum en með sigri nálgast þær Víkinga og geta minnkað bilið í tvö stig. Verður Fylkir fyrsta liðið til þess að ná að vinna Víkinga?

Víkingar í draumalandi Víkingskonur hafa farið mjög vel af stað. Það er eiginlega ekki hægt að fara betur af stað þar sem þær hafa unnið alla sína fjóra leiki í sumar hingað til. Víkingur vann einnig Lengjubikarinn fyrir mót en ef þessi byrjun endist lengi munu Víkingskonur spila í þeirri bestu að ári. John Andrews er að gera magnaða hluti með þetta geggjaða Víkingslið. Víkingur er einnig með bestu vörnina í deildinni en þær eru samt búnar að spila einum leik minna en flest hin liðin í deildinni.

Reykjavíkurslagur! Heil og sæl ágætu lesendur og verið velkomin í þráðbeina textalýsingu frá Wurth vellinum þar sem siguróðir Víkingar mæta Fylki.