Þetta fer að bresta á! Liðin ganga til búningsherbergja og gera sig klár í slaginn.

Liðin klár! Þá eru byrjunarliðin klár en bæði lið gera þrjár breytingar.

Hjá Víkingum koma Sigdís, Birta og Dagný Rún inn eftir sigurinn góða gegn Fylki en Linda, Tara og Bergdís þurfa að víkja frá.

Hjá Aftureldingu koma Snæfríður, Andrea og Þorbgjörg inn eftir tapið slæma gegn HK í seinustu umferð en Sesselja, Sigrún Eva og Magðalena þurfa að víkja.

Mögnuð tölfræði! Samkvæmt KSÍ hafa liðin aðeins mæst sjö sinnum. Það sem er áhugavert að sjá er að Afturelding hafa unnið 5 af þeim leikjum. Víkingskonur hafa unnið einu sinni gegn Aftureldingu en einu sinni hafa liðin þurft að gera jafntefli. Ef við skoðum stöður liðanna í deildinni í dag kemur þessi tölfærði manni mikið á óvart. Sigur Víkinga kom árið 1985 í 2. deild kvenna A riðli.

Mun John Andrews takast það að vinna fyrsta leik Víkinga gegn Aftureldingu í 38 ár?

Dómari leiksins Dómari leiksins er Helgi Edvard Gunnarsson. Aðstoðarmenn hans í dag eru þeir Þröstur Emilsson og Tadej Venta. Helgi er að stíga sín fyrstu skref í dómgæslunni og er ég mjög spenntur að sjá hvernig hann mun dæma leikinn í kvöld.

Afturelding sigla lignan sjó Aftureldingskonur sitja í 7. sæti deildarinnar með 5 stig eftir 5 leiki. Sigurinn kom gegn KR en í seinasta leik töpuðu þær á heimavelli gegn HK, sem er einnig spáð góðu gengi, 1-0. Verður fróðlegt að sjá hvort þær ná að halda eins mikið í þetta Víkingslið og þær náðu að gera með HK-ingana. Afturelding er einnig eina liðið sem er með markatöluna 0, en markatalan þeirra er 8-8. Ég hef samt fulla trú á því að Afturelding muni standa lengi vel í þessu Víkingsliði ef þær spila sama leik og þær gerðu gegn HK í seinustu umferð.

Víkingskonur með fullt hús! Víkingskonur hefðu ekki getað hugsað sér um betri byrjun en eftir fyrstu fimm umferðirnar eru þær er fullt hús stiga. Seinasti leikur Víkinga fór 2-1 fyrir Víkingi gegn Fylki á útivelli. Leikurinn var mjög kaflaskiptur en á 94. mínútu skoraði fyrirliði Víkinga Nadía Atladóttir, sem hefur farið mjög vel af stað í upphafi móts, sigurmark Víkinga. Þær virðast ekki ætla að tapa og það verður spennandi að sjá hversu lengi þessi sigurlest heldur áfram. En ég held að það sé mjög miklar líkur á því að þær fari taplausar í gegnum mótið sem væri hreint út sagt magnaður árangur.

Hörkuslagur framundan Heil og sæl ágætu lesendur og verið hjartanlega velkomin í þráðbeina textalýsingu úr Víkinni þar sem Víkingur býður Aftureldingu í heimsókn.