Fyrri leikur liðanna Liðin mættust í fyrri umferðinni í Mosfellsbænum 8. júní síðastliðinn. Þá vann Afturelding með einu marki gegn engu, Hlín Heiðarsdóttir skoraði markið.

Afturelding 1 - 0 FHL
1-0 Hlín Heiðarsdóttir ('36)
Lestu um leikinn

Fámennt í dómarateyminu Það er fámennt í dómarateyminu samkvæmt upplýsingum á vef KSÍ því sambandið sendir aðeins tvo dómara til leiks í dag.

Það er aðaldómarinn Dragoljub Nikoletic og honum til aðstoðar á línunni sem er nær varamannabekkjunum er Borislav Ljubisic.

Staðan Leikurinn í dag er í 18. og síðustu umferð Lengjudeildar kvenna og fyrirfram er ljóst að hann mun ekki hafa nein áhrif sem heitið geta á lokaniðurstöðuna í deildinni.

Gestirnir í Aftureldingu eru í 5. sætinu með 28 stig og munu ljúka keppni í því sæti.

Heimastúlkur í FHL eru í 8. sætinu með 17 stig, og ljóst þær geta ekki fallið því KR (10 stig) og Augnablik (4 stig) eru þegar fallin. Þær gætu reyndar færst upp um eitt sæti með sigri í dag ef Fram vinnur ekki sinn leik gegn KR.

Leikdagur í Fjarðabyggð Góðann daginn og verið velkomin í beina textalýsingu frá Fjarðabyggðarhöllinni.

Hér mætast FHL og Afturelding í lokaumferð Lengjudeildar kvenna en leikurinn hefst klukkan 14:00.