Byrjunarliðin eru klár! HK gerir eina breytingu á sínu liði frá síðasta leik. Atli Þór Jónasson kemur inn fyrir Hákon Inga Jónsson.

Stjarnan gerir þá fimm breytingar á sínu liði. Árni Snær Ólafsson snýr aftur í rammann, Örvar Eggertsson, Daníel Laxdal, Hilmar Árni Halldórsson og Baldur Logi Guðlaugsson koma þá einnig inn fyrir þá Mathias Rosenorn, Guðmund Kristjánsson, Jóhann Árna Gunnarsson, Guðmund Baldvin Nökkvason og Hauk Örn Brink.

Innbyrðis viðureignir Þessi félög hafa mæst 26 sinnum í mótsleikjum á vegum KSÍ samkv. vef KSÍ.

HK hefur átta sinnum (31%) hrósað sigri.
Stjarnan hefur fjórtán sinnum (54%) haft betur.
Liðin hafa þá skilið jöfn fjórum sinnum (15%)

Í þessum leikjum hefur 101 mark verið skorað. HK hefur skorað 45 þeirra á meðan Stjarnan hefur skorað 56 þeirra.



Leikir liðana á síðasta tímabili:

Spámaður umferðarinnar Stjörnumaðurinn Ísak Andri Sigurgeirsson, leikmaður Norrköping, dregur spákúluna fram fyrir þessa umferð.

HK 1 - 3 Stjarnan
Minir menn taka þennan leik frekar auðveldlega með mörkum frá Óla Val, Hilmari Árna og Emil Atla.

Meiðsli að herja á Stjörnuna Jökull Elísabetarson, þjálfari Stjörnunnar, sagði við Fótbolta.net að Guðmundur verði frá í sex vikur hið minnsta. Hann mun því ekki spila fyrr en í fyrsta lagi í ágúst. Meiðslin þýða að miðjumaðurinn öflugi missir af Evrópuleikjum Stjörnunnar nema liðið fari þeim mun lengra í forkeppni Sambandsdeildarinnar.

Heiðar Ægisson er að snúa til baka eftir meiðsli, Adolf Daði Birgisson er orðinn heill en spurning er með fyrirliðann Guðmund Kristjánsson upp á næsta leik að gera, hann fer í frekari skoðun í dag.

HK Heimamenn í HK komust einnig á sigurbraut í síðustu umferð þegar þeir lögðu Fram á útivelli með tveim mörkum gegn einu.
Fyrir þann leik hafði HK tapað þremur í röð en HK hafa verið að sækja öflug stig þar sem af er og sitja þrem stigum frá fallsæti.

HK sitja í 9.sæti deildarinnar með 10 stig. HK hafa skorað 10 mörk og fengið á sig 18 sem gera -8 í markatölu.

Markahæstu menn HK er:

Atli Þór Jónasson - 3 Mörk
Arnþór Ari Atlason - 3 Mörk
*Aðrir minna

Stjarnan Stjörnumenn komust aftur á sigurbraut í síðustu umferð þegar þeir lögðu FH á heimavelli með fjórum mörkum gegn tveim.
Fyrir það hafði Stjarnan tapað tveim í röð og verið að hiksta eftir fína uppskeru í upphafi móts.

Stjarnan situr í 5.sæti deildarinnar með 16 stig. Stjarnan hefur skorað 21 mark og fengið á sig 20 sem gerir +1 í markatölu.

Markahæstu menn Stjörnunnar:

Emil Atlason - 5 Mörk
Örvar Eggersson - 3 Mörk
Óli Valur Ómarsson - 3 Mörk
Guðmundur Baldvin Nökkvason - 3 Mörk
*Aðrir minna

Síðasta umferð fyrri hlutans Við förum inn í síðustu umferð fyrri hluta mótsins núna um helgina. Það er orðið svolítið langt síðan deildin var eins jöfn og raun ber vitni en síðustu tímabil hafa Breiðablik eða Víkingur verið búin að stinga af á þessum tímapunkti.

Staðan í Bestu deildinni fyrir 11.umferð:

1.Víkingur R. - 26 stig
2.Breiðablik - 25 stig
3.Valur - 22 stig
4.ÍA - 16 stig
5.Stjarnan - 16 stig
6.FH - 14 stig
7.Fram - 13 stig
8.KR - 11 stig
9.HK - 10 stig
10.Vestri - 10 stig
11.Fylkir - 7 stig
12.KA - 5 stig

Þriðja liðið Pétur Guðmundsson heldur utan um flautuna hér í dag og honum til aðstoðar verða Bryngeir Valdimarsson og Antoníus Bjarki Halldórsson.
Arnar Þór Stefánsson er á skiltinu og til taks ef eitthvað útaf bregður hjá tríóinu.
Jóhann Gunnar Guðmundsson er eftirlitsdómari.

Heil og sæl! Verið hjartanlega velkomin í þessa þráðbeinu textalýsingu frá Kórnum þar sem heimamenn í HK mæta Stjörnunni í 11.umferð Bestu deild karla.