Vestri vann í dag Vestri og HK mættust á Ísafirði fyrr í dag þar sem Vestri vann 2-1. Það hefur þau áhrif á töfluna að Vestri fer upp í 10. sætið og er með 22 stig. Þar sem Fylkir er með 17 stig fyrir þennan leik er þá bilið orðið 5 stig upp í öruggt sæti.

7. Fram: 30 stig
8. KA: 28 stig
9. KR: 25 stig
10. Vestri: 22 stig
11. HK: 21 stig
12. Fylkir: 17 stig

Byrjunarliðin Rúnar Páll Sigmundsson þjálfari Fylkis gerir tvær breytingar á sínu liði sem tapaði 2-0 fyrir Fram í síðustu umferð. Það eru Ásgeir Eyþórsson og Nikulás Val Gunnarsson sem þurfa að setjast á bekkinn. Matthias Præst og Benedikt Daríus Garðarsson koma inn fyrir þá.

Hallgrímur Jónasson þjálfari KA gerir þrjár breytingar á sínu liði sem gerði 3-3 jafntefli við HK í síðustu umferð. Bjarni Aðalsteinsson, Viðar Örn Kjartansson og Hrannar Björn Steingrímsson sem koma inn í liðið. Darko Bulatovic og Hallgrímur Mar Steingrímsson setjast á bekkinn en Mikael Breki Þórðarson er ekki í hóp.

Spámaðurinn Til þess að spá í umferðina fengum við Jóhann Skúla Jónsson sem heldur úti Svona var sumarið hlaðvarpinu og gerði upp ævintýri U21 landsliðsins sem fór í lokakeppni EM árið 2011 í nýjasta þættinum.

Fylkir 0 - 3 KA
Léttir. Ég ætlaði að segja það að ég væri að fá umferð þar sem það væri enginn Guðmundur Steinn Hafsteinsson Derby en það gat auðvitað ekki verið! Fólk þarf svo að skoða þrekvirkið sem Sveinn Margeir er að gera fyrir mína menn í UCLA Bruins, alvöru þöggun þar á bæ.

Já einmitt leikurinn. Fylkir eru því miður hættir held ég. KA þekkja forsetabikarinn og finna lyktina. Erfitt að stoppa.
Heiðursgestur: Easy.

Dómarinn Ívar Orri Kristjánsson verður með flautuna í þessum leik og honum til aðstoðar verða Birkir Sigurðarson og Guðmundur Ingi Bjarnason.

Eftirlitsmaður KSÍ er Sigurður Hannesson og varadómari er Þórður Þorsteinn Þórðarson.

Bikarmeistararnir vilja vinna annan bikar Nýkrýndu bikarmeistararnir gerðu 3-3 jafntefli við HK í miðri viku þar sem það mátti sjá að þeir höfðu verið að fagna. Eina gulrótin sem eftir er fyrir KA menn er að vera besta liðið í neðri hlutanum og þar af leiðandi taka forseta bikarinn. KA er í 8. sæti deildarinnar tveimur stigum á eftir Fram í 7. sæti. Það eru svo heil 9 stig niður í fallsæti með 4 leiki eftir og því eiginlega ómögulegt að þeir geta fallið.

Fylkismenn verða að fara vinna Fylkismönnum hafa verið lýst að mestu sem sprækir upp á síðkastið. Þar sem þeim gengur oft ágætlega spilanlega séð í leikjum en ekki náð í úrslit. Árbæingar eru í botn sæti deildarinnar og eru 4 stigum frá öruggu sæti þegar 4 leikir eru eftir af deildinni. Í síðasta leik mættur þeir Fram þar sem þeir töpuðu 2-0 þrátt fyrir að eiga fínan leik.

Besta deildin heilsar! Komið þið sæl og verið velkomin í beina textalýsingu frá leik Fylkis og KA í neðri hluta Bestu deildar karla.

Leikurinn hefst klukkan 17:00 og verður spilaður á Würth vellinum.
Leikir dagsins:

Besta-deild karla - Efri hluti
14:00 FH-Breiðablik (Kaplakrikavöllur)
19:15 Valur-Víkingur R. (N1-völlurinn Hlíðarenda)

Besta-deild karla - Neðri hluti
14:00 KR-Fram (Meistaravellir)
14:00 Vestri-HK (Kerecisvöllurinn)
17:00 Fylkir-KA (Würth völlurinn)