SKÝRSLAN: Valsmenn unnu unga skagamenn
Hvað réði úrslitum?
Valur var mun sterkari aðilinn hér í dag og voru meira með boltann og sköpuðu mun fleiri færi. Valsmenn komu að krafti inní seinni hálfleik og skoruðu gott mark eftir rúman stundarfjórðung. Eftir markið lifnaði yfir Skagamönnum og fóru þeir framar á völlinn. Þeir fengu tvö afbragðs færi til þess að jafna leikinn en Anton Ari varði vel í tvígang. Heilt yfir var þetta þó sanngjarn sigur valsmanna hér í dag.
Bestu leikmenn
1. Anton Ari Einarsson
Varði glæsilega vítaspyrnuna frá Garðari, einnig varði hann vel skalla frá Þórði Þorsteini.
2. Sigurður Egill Lárusson
Skoraði mark Valsmanna með góðum skalla og var virkilega sprækur á kanntinum.
Atvikið
Þegar Anton Ari ver vítaspyrnuna hjá Garðari, Spyrnan var föst og allveg uppvið stöng en Anton Ari var mættur í hornið og varði boltann í innkast.
Hvað þýða úrslitin?
Með þessum sigri endar Valur í fimmta sæti í deildinni með 35 stig.ÍA endar hinsvegar í áttunda sæti með 31 stig.
Dómarinn - 8
Þorvaldur átti góðan dag og lét leikinn fljóta vel.