SKÝRSLAN: Bragðdauft jafntefli í Vestmannaeyjum
Hvað réði úrslitum?
Fjölnir sóttu mun meira allan leikinn manni fleiri og voru líklegri aðilinn til að ná öllum stigunum úr leiknum en allt kom fyrir ekki og niðurstaðan jafntefli.
Bestu leikmenn
1. Derby Carillo
Stóð vaktina í markinu mjög vel.
2. Birnir Snær Ingason
Kom inná í hálfleik og var virkilega sprækur þessar 45 mínútur. Skemmtilegur leikmaður þarna á ferð.
Atvikið
Rauða spjaldið á Hafstein Briem. Eftir mistök í vörninni braut Hafsteinn á Marcus Solberg og rændi hann upplögðu marktækifæri. Fékk fyrir það reisupassann.
Hvað þýða úrslitin?
Eitt stig á lið. Eyjamenn sennilega sáttari eftir leik miðað við hvernig hann spilaðist. Einum fleiri fengu Fjölnismenn helling af hornspyrnum og áttu miklu fleiri marktækifæri.
Vondur dagur
Hafsteinn Briem. Fauk af velli eftir korter í fyrsta leik og í banni í næsta leik. Grimmt. Honum refsað innilega fyrir mistök félaga sinna.
Dómarinn - 7
Rauða spjaldið sennilega réttur dómur.