SKÝRSLAN: Sveinn Aron og flautumörk ekki á vinsældarlistum í Eyjum
Hvað réði úrslitum?
Ekta baráttuleikur þar sem úrslitin hefðu getað fallið öðru hvoru megin. Á endanum var það flautumark sem skildi liðin að. Annar leikurinn í röð sem Eyjamenn fá á sig sigurmark í blálokin.
Bestu leikmenn
1. Gísli Eyjólfsson - Breiðablik
Langmest gerist hjá Blikum þegar Gísli er nálægt fótboltanum.
2. Atli Arnarson - ÍBV
Átti fínan leik á miðju Eyjamanna.
Atvikið
Sveinn Aron Guðjohnsen með flautusigurmark. Annað sigurmark hans gegn ÍBV, skoraði einnig með Val gegn Eyjamönnum fyrr í sumar. Sagði eftir leik að hann væri til í að spila gegn ÍBV um hverja helgi!
Hvað þýða úrslitin?
Eftir erfitt sumar er ljóst að Breiðablik verður áfram í deild þeirra bestu næsta sumar. Eyjamenn eru í fallhættu fyrir lokaumferð, eru stigi fyrir ofan fallsæti og eiga heimaleik gegn KA næsta laugardag.
Vondur dagur
Dino Dolmagic. Ég skil ekki hvers vegna Breiðablik sótti þennan leikmann. Ekki merkilegur í dag.
Dómarinn - 7
Ég á eftir að skoða vítaspyrnudómana betur en heilt yfir var dómgæslan mjög fín.