SKÝRSLAN: Blikar pakka saman FH í Krikanum
Hvað réði úrslitum?
Gæði Blikana voru bara meiri í dag, voru alltaf hættulegir og átti svo sannarlega skilið stigin þrjú.
Bestu leikmenn
1. Gísli Eyjólfsson
Gísli átti þennan leik frá a-ö, FH réðu ekkert við hann og hann skoraði markið sem kom Blikum á bragðið. Ef hann verður í þessu stuði í allt sumar verður hann ekki á Íslandi næsta sumar.
2. Jonathan Hendrickx
Var síógnandi upp hægri vænginn, skoraði mark úr aukaspyrnu, vissulega ljótt en það telur. Alltaf ljúft að skora á gamla heimavellinum og Hendrickx líður greinilega alltaf vel hérna í Krikanum.
Atvikið
Fagn Hendrickx. Jonathan Hendrickx fagnaði hressilega í átt að FH stuðningsmönnum þar sem hann sussaði á þá eftir að hafa fengið leiðinleg skilaboð frá einhverjum FH stuðningsmönnum. Fékk gult spjald fyrir vikið, finnst að megi leyfa svona passion en dómarinn ræður.
Hvað þýða úrslitin?
Úrslitin þýða að Blikar tróna á toppi deildarinnar með 6 stig, eina liðið með fullt hús eftir tvær umferðir, FH sitja í 7.sæti með 3 stig.
Vondur dagur
Guðmundur Kristjánsson.
Gummi var bara týndur í hafsentinum í dag, var oft úr stöðu og virkaði þungur í hreyfingum. Hjálpaði honum ekki að Davíð Þór og Pétur Viðars töpuðu boltanum trekk í trekk en hann fær þennan vafasama heiður í dag.
Gummi var bara týndur í hafsentinum í dag, var oft úr stöðu og virkaði þungur í hreyfingum. Hjálpaði honum ekki að Davíð Þór og Pétur Viðars töpuðu boltanum trekk í trekk en hann fær þennan vafasama heiður í dag.
Dómarinn - 7
Hafði nokkuð góð tök á leiknum, vítaspyrnan hárrétt en hann hefði getað rekið Casillion útaf og einnig Arnþór Ara fyrir dýfu.