SKÝRSLAN: Slagsmálajafntefli í bullinu
Hvað réði úrslitum?
\"Þetta eru ekki einu sinni aðstæður heldur bull,\" sagði Ólafur Jóhannesson, þjálfari Vals, eftir leikinn. Víkingsvöllur er varla boðlegur í Pepsi-deildina en þar er þó hægt að bjóða upp á slagsmál, háloftabolta, feilsendingar, tæklingar, spjaldaregn... Þetta var ekki fallegur fótbolti en menn voru búnir undir það.
Bestu leikmenn
1. Sölvi Ottesen - Víkingur
Gjörsamlega geggjaðu! Hann var að fíla sig suddalega vel í þessum leik. Fyrsti leikur hans í Pepsi-deildinni var nánast upp á 10.
2. Halldór Smári Sigurðsson - Víkingur
Maður leiksins í síðasta leik. Fer fantavel af stað á tímabilinu.
Atvikið
Með stuttu millibili vildu liðin fá vítaspyrnur. Fyrst Valsmenn þegar Tobias Thomsen féll í teignum og svo Alex hinumegin. Lykt af báðum atvikum!
Hvað þýða úrslitin?
Víkingar, sem margir spáðu fallbaráttu, byrja mótið á fljúgandi starti. Fjögur stig. Valsmenn eru með sama stigafjölda.
Vondur dagur
Tobias Thomsen átti ekki sinn besta dag. Það var á brattann að sækja hjá danska sóknarmanninum í moldarbaráttunni.
Dómarinn - 4,5
Var of fljótur í vasann og setti línu sem var erfitt að halda. Ótrúlega erfiður leikur að dæma en Guðmundur hefði átt að hafa betri stjórn.