SKÝRSLAN: Arfaslakir KR-ingar töpuðu í Grindavík í fyrsta skipti í 11 ár
Hvað réði úrslitum?
Fyrri hálfleikurinn réði úrslitum. KR-ingar voru afleitir í fyrri hálfleik og uppskáru eftir því. Markið sem Björgvin Stefánsson skoraði gaf KR-ingum líflínu en það dugði ekki til.
Bestu leikmenn
1. Marc Mcausland
Stjórnaði vörn Grindvíkinga eins og hersforingi. Josip Zeba hefði hæglega geta verið hér einnig. Voru flottir báðir tveir. Mcausland var duglegur að skalla frá fyrirgjafir KR-inga í leiknum.
2. Elias Tamburini
Átti stjörnu fyrri hálfleik bæði varnar og sóknarlega. Sást minna til hans sóknarlega í seinni hálfleik en stóð vaktina vel varnarlega. Ekki verra að hann hafi átt eina stoðsendingu í leiknum.
Atvikið
Það er tvennt sem ég vil minnast á hér. Bæði vítaspyrnuna sem Grindvíkingar fengu dæmda í fyrri hálfleik. Þegar horft var á þetta í sjónvarpinu í endursýningunni virðist vera sem að brotið sé fyrir utan teig. Síðan verð ég að minnast á það þegar Hermann Ágúst Björnsson kom inná í liði Grindavíkur á 76. mínútu í sínum fyrsta leik í efstu deild. Hermann var hættur knattspyrnuiðkun þangað til hann flutti til Grindavíkur í desember og hringdi í Tufa og spurði hvort hann mætti æfa. Í Pepsi-Max deildina er hann mættur.
Hvað þýða úrslitin?
Fyrsti sigur Grindavíkur í Pepsi Max-deildinni og að sama skapi fyrsta tap KR. Liðin eru jöfn að stigum eftir fyrstu fjóra leikina.
Vondur dagur
KR liðið í heild sinni fyrsta klukkutímann. Í stöðunni 2-0 var liðið ennþá á hælunum. Það var ekki fyrr en þeir slysuðu inn einu marki sem gerðu Grindvíkinga smeyka. Margir leikmenn KR áttu off-dag í dag.
Dómarinn - 4,5
Vítadómurinn 99% rangur sem kemur Grindavík í 2-0. Mikilvægt móment í leiknum. Var full spjaldaglaður í garð Grindvíkinga hinsvegar í leiknum. Gott og blessað, þá hefði hann mátt halda sömu línu á bæði liðin.