Þá flautar Einar Ingi til leiksloka og fyrsti sigur Vals í sumar staðreynd.

Skýrsla og viðtöl koma síðar.

Boltinn dettur hér fyrir Orra í teignum em varnarmenn Vals komast fyrir. Í kjölfar hornspyrnunnar á Ari Leifs skalla sem að Hannes ver vel.

Aron Snær sweeper keeper reynir hér skot af miðju en það fer yfir markið.

Fjórum mínútum bætt við.

Binrir Snær í fínu færi en skot hans er laflaust og beint á Aron.

ÓLAFUR INGI SKÚLASON!!!

Orri Sveinn með alveg afleita fyrirgjöf sem að Ólafur Ingi nær á einhvern ótrúlegan hátt að skutla sér eftir og stýra honum á markið en Hannes er vel á verði. Ólafur Ingi búinn að haltra í tíu mínútur.

Fylkismenn skora en það er dæmt af.

Valdimar með geggjaðan sprett sem að endar með fyrirgjöf sem að Ólafur Ingi skallar í slánna. Hákon Ingi er fyrstur að átta sig á hlutunum og skallar hann inn en er dæmdur rangstæður. Ég held að þetta hafi verið réttur dómur.

Daði Ólafs reynir hér skot með hægri fæti en það er alveg vonlaust og fer langt framhjá.

Daði Ólafs er að koma með mjög góðar hornspyrnur hérna en nú er það skalli Orra sem að fer framhjá.

Hannes hendir sér í skógarhlaup hérna en sem betur fyrir hann og Valsmenn ná Fylkismenn ekki að nýta sér það.

Sigurður Egill rennir honum á Kristin Frey sem að skýtur beint í varnarmann. Sýndist Sigurður Egill bara skjóta á Aron Snæ. Þarf að sjá þetta aftur.

Bíddubíddu! Óbein aukaspyrna dæmd á Fylki. Þetta var held ég algjört bull. Jæja. Næsta mál.

Daði Ólafs með góða hornspyrnu á kollinn á Helga Val en skalli hans fer framhjá markinu. Fylkismenn sprækir þessa stundina.

Vá geggjuð sókn hjá Fylki. Kolbeinn og Ólafur Ingi með frábært þríhyrningaspil á miðjunni sem að endar seinna með fyrirgjöf Arnórs Gauta á Hákon Inga en Hannes er vel staðsettur í markinu og ver glæsilega.

Fylkismenn halda áfram að sækja. Nú á Ólafur Ingi fína fyrirgjöf ætlaða Hákoni en Hannes grípur boltann.

Ágætis sókn hjá Fylkismönnum endar með vonlausri fyrirgjöf frá Orra.

Brotið á Fylkismanni og Bjarni Ólafur sparkar boltanum burt. En á einhvern óskiljanlegan hátt sleppur hann við spjald. Gjörsamlega galið.

Neinei bölvuð vitleysa í mér þetta er Bjarni Ólafur.

Nú liggur enn einn Valsarinn. Sýnist það vera Sigurður Egill.

Birnir fer hér skemmtilega framhjá Daða og á fína fyrirgjöf en Ari Leifs skallar í horn. Það verður ekkert úr horninu. Þá gera Fylkismenn tvöfalda skiptingu.

Jæja þá leggst Andri Adolphs aftur. Hann hlýtur að vera að fara útaf.

Hornspyrnan er fín en Ari Leifs nær að skalla boltann frá.

Þá fær Valur enn eina hornspyrnuna sem að Einar Karl ætlar að lúðra inná teiginn.

Andri Adolphsson sparkar hér í gervigrasið og liggur eftir. Þetta leit út fyrir að vera sárt.

Þá hefst leikurinn á ný. Fylkismenn byrja.

Þá flautar Einar Ingi dómari til loka fyrri hálfleiks. Gestirnir leiða 1-0 eftir mark Orra.

Þrjár mínútur í uppbótatíma.

Ekkert verður úr hornspyrnunni. Það er eins og menn séu búnir að gleyma að þeir eigi að reyna að skora.

Jæja þá loksins gerist eitthvað aftur. Hornspyrna fyrir Val.

Ekkert verður úr hornspyrnunni.

Þá fá Valsarar hornspyrnu.

Valur fær aukaspyrnu á fínum stað sem að línuvörðurinn dæmir. Spes að okkar mati hér í blaðamannastúkunni. Einar Karl skýtur hins vegar beint á Aron í markinu.

Þarna munaði nokkrum millímetrum að Castillion næði að reka tánna í boltann eftir góðan undirbúning Arnórs Gauta og Orra Sveins en Hannes er á undan til boltans.

Daði Ólafs tekur aukaspyrnuna inná teiginn þar sem að Ólafur Ingi fellur en Einar Ingi dæmir ekkert. Fylkismenn kvörtuðu ekkert voðalega mikið þannig þetta var sennilega rétt.

Markamaskínan Orri Sigurður brýtur hér á Castillion á miðjum vellinum.

Castillion með skot fyrir utan teig eftir gott spil við Helga Val en Hannes tekur sjónvarpsvörslu og grípur boltann.

Hornspyrnan fer útaf hinum megin. Markspyrna.

Fylkir fá hornspyrnu sem að Daði tekur.

Lasse Petry er kominn inná aftur og virðist ætla að halda leik áfram. I stand corrected.

Lasse haltrar nú útaf. Ég held að hann muni ekki halda leik áfram.

Nú liggur Lasse Petry eftir á vellinum. Sá ekki hvað gerðist.

Spyrnan er ágæt en varnarmenn Vals koma boltanum frá.

Jæja þá fær Fylkir hornspyrnu. Hvað skyldi gerast núna?

Ekkert verður úr aukaspyrnunni. Við nánari athugun var skór Kristins Inga teipaður. Þannig að hann kann sennilega að reima.

Kristinn Ingi fær hér mann inná völlinn til að reima fyrir sig. Einhver er innkoman.

Ari Leifsson tekur hér Kristinn Inga úr skónum og fær dæmda á sig aukaspyrnu. Mjög klaufalegt.

Andri Adolphsson reynir hér skot fyrir utan teig en Aron Snær grípur boltann örugglega.

Ekkert verður úr aukaspyrnunni. Fylkismenn virðast ekki vita að leikurinn sé byrjaður.

Valsarar fá aukaspyrnu úti á kanti. Einar Karl gullfótur tekur.

Valsarar byrja af miklum krafti. Fá hér hornspyrnu sem að Einar Karl ætlar að taka.

Þá er leikurinn hafinn. Valur byrjar með boltann og sækja í átt að Árbæjarlaug.

Þá labba liðin á völlinn. Fylkir í sínum iconic appelsínugulu búniningum og Valur í geggjuðu grænu varabúningunum sínum. Væri hægt að breyta þessu í tískusýningu hérna í Árbænum.

Valgeir Lundal, nýjasti leikmaður Vals, er ekki í leikmannahópi í dag. Valgeir er strákur sem að er fæddur árið 2001 og kom frá Fjölni. Verður áhugavert hvort að hann fái mikinn spiltíma í sumar.

Liðin mætt út á völl í upphitun og dyggir stuðningsmenn mættir í stúkuna. Það er passion.

Ég má það nú til með að hrósa Fylki. Langt síðan ég hef komið á þennan völl og umgjörðin er geggjuð. Ég er a huge fan.

Þið sem hafið áhyggjur af því að missa af Eurovision í kvöld örvæntið ekki. Hér er verið að spila ítalska lagið í ár sem að ber nafnið Soldi. Geggjað lag að mínu mati. 8 stig frá mér.

Kristinn Freyr Sigurðsson er mættur á varamannabekkinn hjá Völsurum en hann hefur verið frá lengi. Spurning hvort að hann fái mínútur hér í dag.

Þá eru byrjunarliðin klár.

Heimamenn gera tvær breytingar á sínu liði frá síðasta leik. Kolbeinn Birgir Finnsson og Andrés Már Jóhannesson setjast á bekkinn og inn í þeirra stað koma þeir Orri Sveinn Stefánsson og Arnór Gauti Ragnarsson.

Valsmenn gera þrjár breytingar á sínu liði. Sebastian Hedlund, Emil Lyng og títtnefndur Gary Martin koma út og inn koma Orri Sigurður Ómarsson, Sigurður Egill Lárusson og Kristinn Ingi Halldórsson.

Emil Lyng og Gary Martin eru ekki í leikmannahópi Vals í dag. Lyng tognaði aftan í læri í síðasta leik og Gary.... ég þarf sennilega ekkert að segja meir um það.

Heimamenn í Fylki gerðu 1-1 jafntefli gegn KR á Meistaravöllum í síðustu umferð þar sem að Valdimar Þór Ingimundarson jafnaði með flautumarki eftir að hafa komið inná sem varamaður.

Valsmenn fengu nýliðanna í ÍA í heimsókn á Origo-völlinn þar sem að þeir töpuðu 2-1. Þá var það títtnefndur Gary Martin sem að skoraði mark Vals úr vítaspyrnu. Mögulega það síðasta sem að hann gerði fyrir félagið.

Félagskiptaglugginn lokaði í gærkvöldi og Gary Martin er ennþá leikmaður Vals. Margir bíða spenntir eftir að sjá hvort að hann verði í leikmannahópi í dag en ansi litlar líkur eru á því þar sem að hann æfði ekki í gær með liðinu.

Lítill fugl hvíslaði að mér Kristinn Ingi Halldórsson byrji uppá topp í dag en hann var ekki í leikmannahópi liðsins í síðustu umferð.

Það hefur eflaust ekki farið framhjá neinum fótboltaáhugamanni að Valur hefur verið mikið í fjölmiðlum undanfarna tvo daga þegar að Óli Jó tilkynnti að félagið vilji losna við enska framherjann Gary Martin. Þetta kom öllum í opna skjöldu en Gary gerði þriggja ára samning við Valsmenn í janúar síðastliðinn.

Þessi leikur er vægast sagt áhugaverður fyrir margar sakir. Fyrir mót hefði maður búist við sigri gestanna en margt vatn hefur runnið til sjávar síðan þá. Heimamenn í Fylki hafa farið ágætlega af stað og eru með fimm stig eftir þrjár umferðir.

Íslandsmeistar Vals hafa hins vegar farið illa af stað og eru enn sem komið er bara með eitt sitg eftir fyrstu þrjár umferðirnar. Þá hafa þeir einnig verið mikið í fjölmiðlum útaf dálitlu.

Jú komiði sæl og blessuð kæru lesendur og veriði velkomin að skjánum. Hér mun fara fram textalýsing á leik Fylkis og Vals á Würth vellinum. Leikurinn er liður í fjórðu umferð Pepsi Max-deildar karla.