SKÝRSLAN: Grjótharðir Grindjánar hirtu stigin
Hvað réði úrslitum?
Barátta heimamanna var mögnuð. Eftir erfiðar upphafsmínútur settu þeir í gír og mættu Fylkismönnum af hörku. Uppskáru mark eftir fast leikatriði og sigldu þremur stigum í höfn.
Bestu leikmenn
1. Josip Zeba
Frábær í vörn heimamanna skallaði boltann oftar en ég get talið frá og var traustur til baka. Kórónaði góðan leik með marki.
2. Marc McAusland
Gríðarlega traustur sömuleiðis í vörn Grindavíkur bjargaði tvisvar með frábærum tæklingum og -var heilt yfir frábær í kvöld.
Atvikið
Markið fær þann heiður í kvöld en einnig er vert að minnast á það að Grindavík komst varla yfir miðju fyrstu 10 mínútur leiksins.
Hvað þýða úrslitin?
Grindavík situr í 6 sæti með 8 stig eins og Stjarnan og KR en Fylkir situr eftir í því 8 með 5. svo einfalt er það.
Vondur dagur
Helgi Sig nagar sig sennilega í handarbökin að hans menn hafi ekki látið kné fylgja kviði eftir gríðarlega kraftmikla byrjun að þeirra hálfu.
Verð líka að minnast á þrjár hornspyrnur Alexanders Veigar sem enduðu afturfyrir. Ef þú tekur stutta hornspyrnu sem fer afturfyrir þá ertu að gera eitthvað rangt.
Verð líka að minnast á þrjár hornspyrnur Alexanders Veigar sem enduðu afturfyrir. Ef þú tekur stutta hornspyrnu sem fer afturfyrir þá ertu að gera eitthvað rangt.
Dómarinn - 8
Vilhjálmur gerði vel í dag. Leyfði leiknum að fljóta og stýrði honum af röggsemi.