SKÝRSLAN: Spennandi lokamínútur í Vesturbænum
Hvað réði úrslitum?
Gæði KR í fyrri hálfleik fóru langt með að klára leikinn í dag. Óskar Örn var gjörsamlega frábær. KR nýttu sín færi á meðan HK-ingar hefðu eflaust viljað ná inn fyrsta marki sínu aðeins fyrr. Því miður kom þetta of seint frá gestunum.
Bestu leikmenn
1. Óskar Örn Hauksson
Ótrúlega flottur leikur hjá fyrirliðanum. Hann er greinilega í hörkustandi og var mjög skapandi í dag.
2. Björgvin Stefánsson
Björgvin var gríðarlega duglegur í dag og vann vel fyrir liðið. Skoraði gott mark og nýtti styrk sinn frábærlega. Meira svona!
Atvikið
Markið hjá Kára Péturssyni á 87 mín hleypti miklu lífi í lokamínúturnar á leiknum. Þetta var gríðarlega fallegt mark, skrúfaði hann fyrir utan teig alveg upp í bláhornið. Alveg óverjandi fyrir Beiti í marki KR.
Hvað þýða úrslitin?
KR fer í 4.sæti deildarinnar og stimplar sig aftur inn eftir tap í síðustu umferð. HK eru enn í 10.sæti deildarinnar en geta þó tekið margt jákvætt úr leiknum hér í kvöld.
Vondur dagur
Brynjar Jónasson fær heiðurinn í dag. Sást lítið í leiknum og klúðraði svo víti á mikilvægum tímapunkti í leiknum. Mark þar hefði jafnvel skipt sköpum fyrir endurkomu HK.
Dómarinn - 8
Sigurður Hjörtur stóð sig vel í dag. Var með stórar ákvarðanir á hreinu.