SKÝRSLAN: Þróttur kveikti á valtaranum í seinni hálfleik
Hvað réði úrslitum?
Kraftur Þróttara, þeir mættu bara tilbúnir í seinni hálfleik og kláruðu leikinn.
Bestu leikmenn
1. Rafael Alexandre Romao Victor
Kom virkilega sterkur inn eftir að Ágúst Leó fór meiddur útaf snemma leiks. Setur tvö mörk og er lykilmaður í þessum sigri Þróttara.
2. Arnar Darri Pétursson
Var virkilega heilsteyptur í marki Þróttara í kvöld. Varði víti í lok fyrri hálfleiks sem gefur öllu liðinu auka orku til að klára leikinn í seinni hálfleik.
Atvikið
Verður að vera þegar Arnar Darri ver víti í lok fyrri hálfleiks.
Hvað þýða úrslitin?
Þetta þýðir að Þróttur hoppar upp í áttunda sæti með sjö stig og vinnur Leikni í fyrsta sinn síðan 2012. Leiknir dettur niður í sjötta sæti með níu stig. Leiknir er þá fjórum stigum á eftir Fjölni sem er í fyrsta sæti með 13 stig.
Vondur dagur
Mætti eiginlega segja að allt lið Leiknis hafi átt vondan dag. Mæta þungir í seinni hálfleik og eru ekkert líklegir til að klára þetta í seinni hálfleik.
Dómarinn - 9,5
Egill Arnar var flottur í dag, lét leikinn flæða vel, var heilt yfir virkilega góður og viss með sínar ákvarðanir og hélt línunni mjög vel .