SKÝRSLAN: Skagamúrinn Mikli
Hvað réði úrslitum?
Þétt vörn og skipulag Skagamanna. Víkingar þrátt fyrir að hafa haft boltann mun mun mun meira í leiknum í dag komust þeir lítt áleiðis gegn þéttum varnarmúr ÍA sem hefði allt eins getað stolið sigrinum með eins og einni vel útfærðri skyndisókn.
Bestu leikmenn
1. Óttar Bjarni Guðmundsson
Sá Óttar sem við sáum í upphafi móts var mættur í Víkina í kvöld án markana reyndar. Öruggur í vörninni og hleypti engu framhjá sér.
2. Guðmundur Andri Tryggvason
Rosalega duglegur í kvöld en því miður fyrir hann þýddi það ekki að Víkingar voru eitthvað nær því að skora. Fær þetta fyrir að reyna þó.
Atvikið
Vítaspyrnudómurinn var afskaplega furðulegur. Bolti inná teiginn sem Árni ætti í 99,9!% tilfella ekki að vera í vandræðum með en í dag missti hann boltann og og segja gárungar sem sáu atvikið betur en ég að hann hafi hreinlega slegið Hansen niður. Klaufalegt með eindæmum en kom ekki að sök í dag.
Hvað þýða úrslitin?
Víkingar jafna Grindavík að stigum og fara í 9,sætið á fleiri skoruðum mörkum. Skagamenn halda 4.sætinu með sín 17 stig
Vondur dagur
Atli Hrafn Andrason þurfti að yfirgefa völlinn eftir aðeins um 20 mínútna leik vegna meiðsla sem er aldrei gott.
Nikolaj Hansen klúðrar svo víti sem hefði að öllum líkindum tryggt Víkingum 3 stig svo hann fær þann vafasama heiður að hafa átt vondan dag.
Dómarinn - 6,5
Þorvaldur var allt í lagi í dag. Kannski full seinn að lyfta spjaldi á suma leikmenn fyrir slæm brot en spjaldar síðan fyrir fyrsta brot á annan. Lítið samræmi í því svo sem en hafði engin áhrif á úrslit leiksins. Miðað við orð Skagamanna um vítið eftir leik læt ég það liggja á milli hluta þar til ég hef séð það aftur að dæma um réttmæti þess.