SKÝRSLAN: Vandræði Magna á útivelli halda áfram
Hvað réði úrslitum?
Kraftur Þróttara myndi ég segja að væri lykill í þessum leik. Margir hefðu slakað á eftir að hafa verið 4 - 0 yfir í hálfleik en Þróttur fór bara upp um gír og bætti við þremur mörkum í seinni.
Bestu leikmenn
1. Jasper Van Der Hayden
Belginn var frábær í dag og alveg fáranlega erfitt að velja einhvern einn sem stóð sérstakleg a upp úr en Jasper skoraði eitt og lagði upp tvö.
2. Sindri Scheving
Sindri var flottur í dag og opnaði markareikning Þróttara í fyrri hálfleik að auki lagði hann upp eitt mark og var bara heilt yfir virkilega traustur í dag.
Atvikið
Arnar Darri ver víti í fyrri hálfleik til að koma í veg fyrir að leikurinn fer í 3 - 1 og er hægt að segja að þá hafi allur kraftur farið úr Magna og auðvelt fyrir Þrótt að setja fjögur eftir það.
Hvað þýða úrslitin?
Þróttur heldur sér á sama stað í áttunda sæti en með 13 stig og koma sér í blússandi plús í markatölu með þessum sigri. Magni sömuleiðis heldur sér á sama stað í deildinni og eru enn á botninum með sex stig.
Vondur dagur
Það væri ósanngjarnt að velja einhvern einn sem átti slæman dag því ég held að Magnamenn fái allir þann stimpil á sig að hafa átt vondan dag. Það er orðið rannsóknarmál hvað gerist er Magnamenn fara frá Grenivík því að það þarf að fara skila inn stigum á útivelli.
Dómarinn - 8
Egill flottur í dag. Nokkur atvik sem ég væri alveg til í að kíkja á aftur en annars bara heilt yfir flottur. Mikið flæði og vel dæmdur leikur.