Einfalt verkefni hjá Skagamönnum í dag sem lyfta sér með sigrinum upp í annað sætið a.m.k. tímabundið.

Viðtöl og skýrsla á leiðinni.

Axel Sig vinnur sér gott skotfæri í teignum en skot hans er beint á Árna.

Þrjár mínútur í uppbót...

Stutt aukaspyrna Gróttu er étin og Skaginn beint upp í skyndisókn, Tryggvi fær skotfæri af vítateig en Hákon ver vel.

Fimm skiptinga reglan er að gleðja...án hennar væri maður í frekar miklu tómarúmi.

Við fengum sókn!

Grótta fær aukaspyrnu og upp úr henni fær Axel Freyr skotfæri þar sem varnarmenn kasta sér fyrir skotið og bjarga í horn.

Ekkert kemur upp úr horninu.

Leikurinn er steyptur í það far að hvorugt liðið er að gera alvöru atlögu að marki andstæðingsins.

Komnar 10 mínútur í seinni og hér er beinlínis ekkert í gangi.

Skagamenn halda nú í boltann án þess að sækja af miklu ákafa, skiljanlega auðvitað.

Eitthvað segir mér að það verði ekki viðburðarríkur síðari hálfleikurinn.

Hér vilja Skagamenn fá brot þegar keyrt er inn í Viktor. Gunnar er nálægt þessu og dæmir ekkert, svo kemur fyrsta flautið hans í kvöld í kjölfarið þegar brotið er á Axel Frey.

Gunnar lagður af stað!

Gróttan komin í 4-2-3-1

Óskar og Valtýr djúpir á miðju og Karl fer út á vænginn hægra megin í stað Olivers.

Hér hafa orðið dómaraskipti!

Gunnar Oddur tekur við flautunni af Vilhjálmi sem hefur meiðst. Gunnar var að dæma á Símamótinu í dag...er hér held ég að fá sinn fyrsta leik í efstu deild.

Algerir yfirburðir hjá gestunum, hryllileg varnarvinna hjá heimamönnum þýðir fjögurra marka forystu ÍA í hálfleik!

Gísli heldur áfram að fara framhjá Bjarka, sendingin inní er hinsvegar ónákvæm og Gróttan hreinsar.

Tryggvi að leika sér í teig Gróttu og býr sér til skot sem er beint í fang Hákonar.

Ástbjörn er á bakvið alla hættu Gróttunnar og hér fer hann illa með Aron, klobbar og kemst inn í teig af harðfylgi.

Skotið er hins vegar máttlaust og beint á Árna. Ástbjörn ósáttur að fá ekki brot í aðdragandanum en hann reif sig frá Aroni og fékk hagnaðinn.

Gróttan aðeins að vakna, Ástbjörn fær flugbraut og næði til að senda inní frá hægri en boltinn of hár og siglir í gegnum allan teiginn og í innkast.

Hákon kemur í veg fyrir enn eitt Skagamark, sending frá hægri fer undir Halldór og Tryggvi er í góðu færi og skýtur á nær en nú ver Hákon í horn sem ekkert verður úr.

Skot frá Brynjari af vítateigslínunni en þessi siglir framhjá.

Lífsmark er með heimamönnum!

Ástbjörn sendir hann inní frá hægri og Pétur fær næði til að skalla af markteigslínunni en langt framhjá. Hér átti að gera betur.

Tryggvi tekur þessa og skrúfar boltann rétt yfir.

Óliver brýtur af sér rétt utan teigs...skotfæri fyrir Skagann.

Skagamenn eru að spila 4-3-3

Árni

Hallur - Óttar - Johansson - Aron

Brynjar - Sindri - Stefán

Gísli - Tryggvi - Viktor

Langt innkast frá Stefáni inn á teig Gróttu sem skalla boltann út úr teig, aftur fær Gísli skotfærið og boltinn fer nú rétt framhjá!

Gísli Laxdal með hörkuskot utan við teiginn sem varið er í horn.

Upp úr því hreinsa heimamenn í innkast.

Grótta spilar 4-4-1-1 í dag

Hákon

Ástbjörn - Arnar - Halldór - Bjarki

Karl - Oliver - Sigurvin - Axel Freyr

Kristófer

Pétur.

Fyrsta færið er heimamanna, sókn upp vinstri vænginn og kross inn í teig þar sem Pétur reynir bakfallsspyrnu sem fer langt framhjá.

Gróttumenn sækja í átt að golfvellinum í fyrri hálfleik og gestirnir hlaupa í átt að Eiðistorgi.

Komið af stað á Seltjarnarnesi.

Liðin koma inn á völlinn, klár í slaginn.

Hefðbundnir búningar. Grótta blátt-blátt-gult og Skagamenn gult-svart-svart.

Dómararnir eru rauðklæddir í dag.

Liðin eru mætt inn í klefa fyrir síðustu leiðbeiningar, stuðningsmannasöngur Gróttu hljómar og boltakrakkarnir flytja boltana á ætlaða staði.

Jább...það eru boltakrakkar á Vivaldi í dag...

Eins og kemur fram í innslagi hjá okkur sem fjallar um byrjunarliðin í dag er það markverðast að Kieran McGrath er ekki í hóp hjá Gróttu.

Skýringin er einföld, hann meiddist þegar hann kom inn á hjá 2.flokki í leik í vikunni og óljóst hversu lengi hann verður frá.

Takk fyrir það Brynjólfur.

Hef gaman af svona pælingum nefnilega...gamlir félagar og svona!

Skólastjórinn verður að fá að minnast á þá gleði sem honum býr í brjósti við að fá að nýta aðstöðu í skólahúsnæði við fréttaskrif.

Valhúsaskóli fullkomlega staðsettur fyrir blaðamennsku fótboltans. Nú verður maður að vanda sig!

Byrjunarliðin eru klár og þau má sjá hér til hliðanna. Það ber helst til tíðinda að skoski framherjinn Kieran McGrath sem kom til Gróttu á lokdegi félagaskiptagluggans er búinn í sóttkví en þó ekki í leikmannahópi Gróttu. Hann var á bekk hjá 2. flokki félagsins á föstudgskvöldið en kom inná á 58. mínútu og skoraði mark.

Grótta vann 0 - 3 útisigur á Fjölni í síðustu umferð og frá þeim leik gerir Ágúst Gylfason eina breytingu. Axel Freyr Harðarson kemur inn fyrir Axel Sigurðarson sem sest á bekkinn.

ÍA gerði 2 - 2 jafntefli við HK í síðustu umferð. Jóhannes Karl Guðjónsson þjálfari liðsins gerir tvær breytingar frá þeim leik. Bjarki Steinn Bjarkason og Steinar Þorsteinsson sem þurftu að fara af velli í síðasta leik eru ekki í hóp og í þeirra stað koma Brynjar Snær Pálsson og Gísli Laxdal Unnarsson inn í byrjunarliðið.

Mér vitanlega eru engir leikmenn í þessum tveim liðum sem hafa leikið með báðum félögum, endilega láta mig vita af því ef það er ekki rétt hjá mér.

Einfaldast er að henda smá færslu á twitter um það og henda myllumerkinu #fotboltinet við þá færslu, þá tek ég eftir henni.

Það er líka um að gera að skella ummælum tengdum leik dagsins með slíku merki í tístheiminn, þá gætu þau endað hér í lýsingunni hjá mér.

Vilhjálmar Alvar Þórarinsson heldur um flautuna í dag, honum til aðstoðar með fána og í samskiptabúnaðinum eru Gylfi Þór Sigurðsson og Daníel Ingi Þorsteinsson.

Varadómari er Gunnar Oddur Hafliðason og í eftirlitinu í dag er Guðmundur Sigurðsson.

Liðin eru frjáls og frí frá agabönnum í þessum leik, Patrik Orri hjá Gróttu kemur til baka úr banni.

Lykilleikmenn eru heilir og Gróttumenn hafa nú heimt nýjasta leikmann sinn, Kieran McGrath, úr sóttkví. Spurning hvort hann mætir til leiks á plastið á Nesinu í dag.

Þessi lið hafa mæst fjórum sinnum í deildakeppnum KSÍ. Þeir leikir voru í næstefstu deild og hafa Skagamenn unnið þá alla.

Markatalan í leikjunum er 14-3 samanlagt, svo sagan er á bandi gestanna.

Í síðustu umferð unnu Gróttumenn sinn fyrsta sigur í efstu deild þegar þeir lögðu nýliðabræður sína í Fjölni 3-0 í Grafarvoginum.

Á meðan gerði ÍA 2-2 jafntefli við HK á sínum heimavelli.

Leikurinn er liður í 6.umferð PepsiMax-deildarinnar (sem er í smá rugli út frá sóttkvíum), umferðin hefst á þessum leik.

Fyrir leik sitja heimamenn í 10.sæti með 4 stig en gestirnir í sæti númer 5 með 7 stig. Heimasigur myndi jafna liðin af stigum.

Góðan og blessaðan daginn og velkomin í beina textalýsingu af Seltjarnarnesinu hvar nýliðar Gróttu taka á móti drengjunum af Skipaskaga.