SKÝRSLAN: Baráttusigur hjá Stjörnunni
Hvað réði úrslitum?
Mikill baráttu leikur og Stjörnumenn gerðu það sem þurfti til að klára leikinn, skoruðu fleiri en ÍA í kvöld og mættu Skagamönnum vel í baráttunni út á velli.
Bestu leikmenn
1. Eyjólfur Héðinsson (Stjarnan)
Var góður á miðjunni hjá Stjörnunni í dag og skoraði fyrsta mark Stjörnunnar með hörku skoti.
2. Heiðar Ægisson (Stjarnan)
Var gríðarlega flottur hér í dag og lagði meðal annars upp annað markið á Alex Þór sem reyndist sigurmark leiksins.
Atvikið
Atvikið í fyrri hálfleik þegar fyrst var brotið á Stefáni Teiti en boltinn endar hjá Tryggva Hrafni og er hann sparkaður niður rétt fyrir utan teig og Helgi Mikael dæmir á brotið á Stefáni Teiti eftir að hafa beitt hagnaði.
Hvað þýða úrslitin?
Skagamenn tapa sínum öðrum leik í röð en Stjörnumenn eru enþá taplausir.
Vondur dagur
Stefán Teitur Þórðarson (ÍA) - Fær þennan dálk. Ég hef oft séð Stefán Teit betri en hann var í dag og var kominn mikill pirringur í hann undir lok leiks.
Dómarinn - 3.5
Helgi Mikael fær fall einkunn frá mér í dag - Mér fannst hann dæma þetta ílla. Tók nokkrar glórulausar ákvarðanir í leiknum og verður líklega rætt mikið atvikið um miðjan fyrri hálfleik þegar Stefán Teitur er tæklaður út á hægri vængnum og Helgi beitir hagnaði því boltin endaði hjá Tryggva sem var einnig tæklaður og Helgi dæmir á fyrra brotið - Glórulaust ef þú spyrð mig.